| 章節 | 全民台語聖經全羅經文 | 註釋 |
| 48:1 | Si-óng — Siōng-tè ê Siâⁿ（ Khó-la̍h kiáⁿ-sun ê si-koa. ）Siōng-chú chì-tōa, eng-kai tōa-tōa tit tio̍h oló, to̍h-sī tī lán Siōng-tè ê siâⁿ, tī I ê sèng-soaⁿ. | 註釋 串珠 盧導讀台 |
| 48:2 | Si-óng soaⁿ — tōa kun-ông ê siâⁿ, tī pak bīn, koân-tōa koh hó khòaⁿ, hō͘ choân tē lóng hoaⁿ-hí. | 註釋 串珠 盧導讀台 |
| 48:3 | Siōng-tè tī I ê kiong-tiān lāi, kakī hián-bêng chò koân-tōa. | 註釋 串珠 盧導讀台 |
| 48:4 | Lí khòaⁿ, lia̍t ông chū-chi̍p, in chò-hóe tùi hia keng-kòe. | 註釋 串珠 盧導讀台 |
| 48:5 | In chi̍t-ē khòaⁿ tio̍h siâⁿ, chiū tio̍h-kiaⁿ kah gāng-.khì; kiaⁿ-hiâⁿ kóaⁿ-kín chàu. | 註釋 串珠 盧導讀台 |
| 48:6 | In tī hia phi̍h-phi̍h chhoah, thàng-thiàⁿ chhin-chhiūⁿ seⁿ kiáⁿ ê chabó͘ lâng. | 註釋 串珠 盧導讀台 |
| 48:7 | Chhin-chhiūⁿ hō͘ tang-hong phah-phòa ê Tal-si-sih ê chûn. | 註釋 串珠 盧導讀台 |
| 48:8 | Goán tī bān-kun ê Siōng-chú ê siâⁿ tiong, to̍h-sī lán ê Siōng-tè ê siâⁿ tiong, só͘ khòaⁿ tio̍h-.ê tútú chiàu goán só͘ thiaⁿ-.tio̍h ê; Siōng-tè beh hō͘ chit-ê siâⁿ kian-kò͘ kàu éng-oán. [Sè-la̍h] | 註釋 串珠 盧導讀台 |
| 48:9 | Siōng-tè ah, goán tī Lí ê tiān lāi, siàu-liām Lí ê chû-ài. | 註釋 串珠 盧導讀台 |
| 48:10 | Siōng-tè ah, Lí só͘ siū ê oló, tútú kah Lí ê miâ sio-ha̍p, kàu tī tē-ke̍k! Lí ê chiàⁿ chhiú chhiong-móa kong-gī. | 註釋 串珠 盧導讀台 |
| 48:11 | In-ūi Lí ê sím-phòaⁿ chèng-khak, Si-óng soaⁿ tio̍h hoaⁿ-hí, Iô-tah ê siâⁿ-chhī tio̍h khoài-lo̍k. | 註釋 串珠 盧導讀台 |
| 48:12 | Lín tio̍h se̍h Si-óng ê sì-kho͘-ûi kiâⁿ, tiám-sǹg i ê siâⁿ-lâu. | 註釋 串珠 盧導讀台 |
| 48:13 | Siông-sè khòaⁿ i ê siâⁿ chhiûⁿ, chim-chiok khòaⁿ i ê ông-kiong, hō͘ lín thang tùi āu-tāi soan-iông. | 註釋 串珠 盧導讀台 |
| 48:14 | Chit ūi Siōng-tè éng-éng oán-oán chò lán ê Siōng-tè, I ē ín-chhōa lán it-ti̍t kàu éng-oán. | 註釋 串珠 盧導讀台 |