| 章節 | 全民台語聖經全羅經文 | 註釋 |
| 61:1 | Kî-kiû Pó-hō͘（ Ta-bi̍t ê si, kau hō͘ ga̍k-koaⁿ; ēng si-hiân ê ga̍k-khì. ）Siōng-tè ah, kiû Lí thiaⁿ góa ê kiû-kiò, àⁿ-lo̍h thiaⁿ góa ê kî-tó! | 註釋 串珠 盧導讀台 |
| 61:2 | Góa ê sim sit-chì ê sî, chiū beh tùi tē-ke̍k kiû-kiò Lí. Kiû Lí chhōa góa kàu hit-ê pí góa khah koân ê chio̍h-pôaⁿ! | 註釋 串珠 盧導讀台 |
| 61:3 | In-ūi Lí bat chò góa tô-siám ê só͘-chāi, chò góa kian-kò͘ ê siâⁿ-pó lâi hō͘ góa thoat-lī tùi-te̍k. | 註釋 串珠 盧導讀台 |
| 61:4 | Góa beh éng-oán tòa tī Lí ê pò͘-pêⁿ, góa beh bih tī Lí si̍t-kó͘-ē ún-ba̍t ê só͘-chāi. [Sè-la̍h] | 註釋 串珠 盧導讀台 |
| 61:5 | Siōng-tè ah, góa só͘ hē ê goān Lí ū thiaⁿ-.tio̍h; Lí ū kā sán-gia̍p siúⁿ-sù hō͘ kèng-ùi Lí ê lâng. | 註釋 串珠 盧導讀台 |
| 61:6 | Lí ē ke-thiⁿ ông ê hòe-siū, i ê nî-hòe beh kàu bān-sè-tāi. | 註釋 串珠 盧導讀台 |
| 61:7 | I ē éng-oán chē tī Siōng-tè ê bīn-chêng; goān Lí chún-pī chû-ài kah sìn-si̍t lâi pó-hō͘ i! | 註釋 串珠 盧導讀台 |
| 61:8 | Án-ne, góa beh chhiùⁿ koa oló Lí ê miâ kàu éng-oán; thang ji̍t-ji̍t siā góa ê goān. | 註釋 串珠 盧導讀台 |