| 章節 | 全民台語聖經全羅經文 | 註釋 |
| 64:1 | Kî-kiû Pó-hō͘（ Ta-bi̍t ê si, kau hō͘ ga̍k-koaⁿ. ）Siōng-tè ah, góa ai-siong ê sî, kiû Lí thiaⁿ góa ê siaⁿ; kiû Lí pó-hō͘ góa ê sèⁿ-miā bián-kiaⁿ tùi-te̍k. | 註釋 串珠 盧導讀台 |
| 64:2 | Kiû Lí kā góa ún-ba̍t, hō͘ góa thoat-lī pháiⁿ lâng ê im-bô͘, thoat-lī put-gī ê lâng ê jiáu-loān. | 註釋 串珠 盧導讀台 |
| 64:3 | In bôa in ê chi̍h chhin-chhiūⁿ teh bôa to, in ēng ok-to̍k ê ōe chò chìⁿ teh biâu-chún. | 註釋 串珠 盧導讀台 |
| 64:4 | In bâi-ho̍k beh siā oân-choân ê lâng; in hut-jiân siā tio̍h i, mā bô teh kiaⁿ. | 註釋 串珠 盧導讀台 |
| 64:5 | In chham-siông pháiⁿ kè-bô͘; in àm-tiong tiuⁿ lô-bāng, kóng, siáⁿ lâng ē khòaⁿ tio̍h lán? | 註釋 串珠 盧導讀台 |
| 64:6 | In tô͘-bô͘ pháiⁿ tāi, kóng, goán chīn-la̍t tô͘-bô͘, í-keng ū tú-hó ê kè-bô͘. In ta̍k lâng ê liām-thâu kah sim-su put-chí kúi-chà. | 註釋 串珠 盧導讀台 |
| 64:7 | Chóng-.sī, Siōng-tè ē ēng chìⁿ kā in siā; in ē hut-jiân tio̍h-siong. | 註釋 串珠 盧導讀台 |
| 64:8 | In ê kha ē that tio̍h, in ê chi̍h ē hāi tio̍h kakī; hoān-nā khòaⁿ-.tio̍h ê lâng lóng ē iô thâu. | 註釋 串珠 盧導讀台 |
| 64:9 | Chèng lâng lóng ē kiaⁿ-hiâⁿ, beh soan-iông Siōng-tè ê só͘ chò, koh siông-sè su-khó I ê só͘ kiâⁿ. | 註釋 串珠 盧導讀台 |
| 64:10 | Gī lâng ē in-ūi Siōng-chú lâi hoaⁿ-hí, mā ē óa-khò I; hoān-nā sim chèng-ti̍t ê lâng lóng ē in-ūi I lâi khoa-kháu. | 註釋 串珠 盧導讀台 |