| 章節 | 全民台語聖經全羅經文 | 註釋 |
| 65:1 | Siōng-chàn kah Kám-un（ Ta-bi̍t ê si-koa, kau hō͘ ga̍k-koaⁿ. ）Siōng-tè ah, tī Si-óng ū lâng teh oló thèng-hāu Lí, mā beh tùi Lí siā só͘ hē ê goān. | 註釋 串珠 盧導讀台 |
| 65:2 | Thiaⁿ lâng kî-tó ê Chú ah, kiàn-nā ū hiat-khì ê lâng lóng beh lâi kìⁿ Lí. | 註釋 串珠 盧導讀台 |
| 65:3 | Chōe-ok khah iâⁿ góa; nā-sī goán ê kòe-sit, Lí lóng ē sià-bián. | 註釋 串珠 盧導讀台 |
| 65:4 | Lí só͘ kéng-soán, hō͘ i chhin-kīn Lí, tòa tī Lí tiān-īⁿ ê lâng chin ū hok-khì! Goán beh in-ūi Lí ê tiān, Lí ê sèng-tiān ê hok-khì lâi sim-móa ì-chiok. | 註釋 串珠 盧導讀台 |
| 65:5 | Kiù goán ê Siōng-tè ah, Lí ēng ui-giâm kah kong-gī lâi ìn-tap goán; tē-ke̍k kah hn̄g-hn̄g hái bīn ê lâng lóng beh óa-khò Lí. | 註釋 串珠 盧導讀台 |
| 65:6 | Lí ēng tōa koân-lêng lâi hâ io, ēng tōa khùi-la̍t hō͘ chiahê soaⁿ an-ún khiā chāi. | 註釋 串珠 盧導讀台 |
| 65:7 | Chiahê hái iô-choah, hái-éng hōa-hōa háu, bān-bîn soan-hoa, Lí hō͘ in lóng pêng-chēng. | 註釋 串珠 盧導讀台 |
| 65:8 | Tòa tī tē-ke̍k ê lâng in-ūi Lí ê sîn-jiah lâi kiaⁿ-hiâⁿ; ji̍t chhut ji̍t lo̍h ê só͘-chāi, Lí hō͘ in lóng hoaⁿ-hí. | 註釋 串珠 盧導讀台 |
| 65:9 | Lí chiàu-kò͘ thó͘-tē, lo̍h hō͘ koàn-ak, hō͘ i chin pûi; Siōng-tè ê hô, chúi móa-móa; Lí ánne chún-pī thó͘-tē, thè lâng chún-pī ngó͘-kok. | 註釋 串珠 盧導讀台 |
| 65:10 | Lí koàn-ak chhân-hn̂g, móa i ê kau, siu pêⁿ i ê lêng, lo̍h hó ê hō͘-chúi, hō͘ thó͘-tē nńg-nńg; kî-tiong só͘ chai-chèng ê mi̍h lóng tit tio̍h Lí ê sù-hok. | 註釋 串珠 盧導讀台 |
| 65:11 | Lí ēng un-tián chò nî-tang ê bián-liû; Lí ê lō͘-kèng lóng ū iû teh tih. | 註釋 串珠 盧導讀台 |
| 65:12 | In tih tī khòng-iá ê chháu-po͘, soaⁿ-thâu ēng hoaⁿ-hí chò tòa lâi hâ. | 註釋 串珠 盧導讀台 |
| 65:13 | Chháu-po͘ ēng iûⁿ-kûn chò saⁿ lâi chhēng, soaⁿ-kok ēng ngó͘-kok chò moa lâi khàm; in lóng hoaⁿ-hí chhut siaⁿ lâi gîm-si. | 註釋 串珠 盧導讀台 |