| 章節 | 全民台語聖經全羅經文 | 註釋 |
| 73:1 | Si-phian Tē-saⁿ Koàn(73~89 phiⁿ) Siōng-tè ê Kong-gī（ A-sah ê si. ） Siōng-tè si̍t-chāi hó khoán-thāi I-su-la-el, hó khoán-thāi hiahê sim chheng-khì ê lâng. | 註釋 串珠 盧導讀台 |
| 73:2 | Chóng-.sī, nā-sī góa, góa ê kha hiám-hiám-á ta̍h-thu̍t khì, góa ê kha hiám-hiám-á chhū lo̍h-.khì. | 註釋 串珠 盧導讀台 |
| 73:3 | In-ūi góa khòaⁿ tio̍h pháiⁿ lâng kah kiau-ngō͘ ê lâng heng-ōng, hit sî góa chiū chi̍t-tò͘ put-pêng. | 註釋 串珠 盧導讀台 |
| 73:4 | In-ūi in sí ê sî bô thàng-thiàⁿ; in ê seng-khu mā ióng-kiāⁿ. | 註釋 串珠 盧導讀台 |
| 73:5 | In bô chhin-chhiūⁿ pa̍t lâng lô-khó͘, mā bô chhin-chhiūⁿ pa̍t lâng siū chai-hō. | 註釋 串珠 盧導讀台 |
| 73:6 | Só͘-í, ēng kiau-ngō͘ chò phoa̍h-liān khòa tī in ê ām-kún, ēng pō-gio̍k chò saⁿ-khò͘ cha̍h in ê seng-khu. | 註釋 串珠 盧導讀台 |
| 73:7 | In in-ūi seng-khu pûi, ba̍k-chiu chiū phòng chhut-.lâi; in só͘ tit tio̍h ê pí sim só͘ ài ê khah chē. | 註釋 串珠 盧導讀台 |
| 73:8 | In khau-sé lâng, chiàu pháiⁿ ì-sù kóng chè-ap lâng ê ōe; in kóng tōa-ōe. | 註釋 串珠 盧導讀台 |
| 73:9 | In ê chhùi siat-to̍k thiⁿ; in ê chi̍h tùi choân tē hoah khí hoah tó. | 註釋 串珠 盧導讀台 |
| 73:10 | I ê chú-bîn mā kui-óa tī chia, móa-poe ê chúi in lim kàu-liáu. | 註釋 串珠 盧導讀台 |
| 73:11 | In kóng, Siōng-tè ná ē chai? Chì-koân-.ê kám ē chai-iáⁿ it-chhè? | 註釋 串珠 盧導讀台 |
| 73:12 | Khòaⁿ, chiahê to̍h-sī pháiⁿ lâng; in tiāⁿtiāⁿ hó kòe-ji̍t, châi-pó ná ke-thiⁿ. | 註釋 串珠 盧導讀台 |
| 73:13 | Góa chheng-khì góa ê sim, si̍t-chāi sī bô chhái-kang, góa sé chhiú bô khì hoān chōe, mā sī bô chhái-kang. | 註釋 串珠 盧導讀台 |
| 73:14 | In-ūi góa kui ji̍t tú tio̍h chai-hō; ta̍k chá-khí siū chek-pī. | 註釋 串珠 盧導讀台 |
| 73:15 | Góa nā-sī bat ánne kóng, góa sī teh ēng kan-chà khoán-thāi Lí ê chú-bîn. | 註釋 串珠 盧導讀台 |
| 73:16 | Góa siūⁿ ài beh liáu-kái chit-ê tō-lí, m̄ koh si̍t-chāi ū khùn-lân; | 註釋 串珠 盧導讀台 |
| 73:17 | Ti̍t kàu góa ji̍p-khì Siōng-tè ê sèng-só͘, góa chiah liáu-kái pháiⁿ lâng ê kiat-kio̍k. | 註釋 串珠 盧導讀台 |
| 73:18 | Lí si̍t-chāi sī kā in hē tī ku̍t-ku̍t ê tē, hō͘ in poa̍h lo̍h-khì tîm-lûn ê tiong-kan. | 註釋 串珠 盧導讀台 |
| 73:19 | In ba̍k-nih-kú chiâⁿ-chò hiahni̍h chhiⁿ-chhám! In hō͘ kiaⁿ-hiâⁿ thun-bia̍t. | 註釋 串珠 盧導讀台 |
| 73:20 | Lâng khùn cheng-sîn ná ē khòaⁿ tio̍h i ê bāng; Chú ah, Lí chi̍t ē cheng-sîn, mā ē ánne bô khòaⁿ tio̍h in ê iáⁿ-siōng. | 註釋 串珠 盧導讀台 |
| 73:21 | Góa ê sim chin sng-thiàⁿ, góa ê pak-lāi chhì-chha̍k; | 註釋 串珠 盧導讀台 |
| 73:22 | Góa chit khoán ê gû-gōng kah bû-ti, tī Lí ê bīn-chêng ná chhin-chhiūⁿ chengseⁿ. | 註釋 串珠 盧導讀台 |
| 73:23 | Chóng-.sī, góa tiāⁿtiāⁿ kah Lí chò-hóe; Lí khan góa ê chiàⁿ chhiú. | 註釋 串珠 盧導讀台 |
| 73:24 | Lí ēng Lí ê kà-sī ín-chhōa góa, ē chiap-la̍p góa ji̍p-khì tī êng-kng. | 註釋 串珠 盧導讀台 |
| 73:25 | Tī thiⁿ-.ni̍h, Lí í-gōa góa iáu ū siáⁿ lâng? Tī tē-.ni̍h, Lí í-gōa góa bû-só͘ him-bō͘. | 註釋 串珠 盧導讀台 |
| 73:26 | Góa ê jio̍k-thé, góa ê sim-tn̂g ē siau-bia̍t, chóng-.sī, Siōng-tè sī góa sim-sîn ê khùi-la̍t, mā sī góa ê ki-gia̍p, ti̍t-kàu éng-oán. | 註釋 串珠 盧導讀台 |
| 73:27 | Lī-khui Lí hn̄g-hn̄g ê lâng it-tēng ē bia̍t-bông; hoān-nā pàng-sak Lí khì kiâⁿ kan-îm ê lâng lóng hō͘ Lí siau-bia̍t. | 註釋 串珠 盧導讀台 |
| 73:28 | Chóng-.sī, góa lâi kìⁿ Siōng-tè sī chò góa ê lī-ek; góa ēng chì-koân Siōng-chú chò góa siám-phiah ê só͘-chāi, thang hō͘ góa kóng-khí Lí it-chhè ê chok-ûi. | 註釋 串珠 盧導讀台 |