| 章節 | 全民台語聖經全羅經文 | 註釋 |
| 74:1 | Ūi Kok-lān Kî-tó（ A-sah kà-sī ê si. ）Siōng-tè ah, Lí ná ē éng-oán pàng-sak goán? Lí án-chóaⁿ tùi Lí chháu-tiûⁿ ê iûⁿ siū-khì, khùi kah ná chhin-chhiūⁿ chhut hóe-ian? | 註釋 串珠 盧導讀台 |
| 74:2 | Kiû Lí kì-liām Lí chá-sî só͘ kéng-soán ê chú-bîn, to̍h-sī Lí só͘ sio̍k-hôe lâi chò Lí sán-gia̍p ê chi-cho̍k, mā tio̍h kì-liām Lí pêng-sî só͘ tòa ê Si-óng soaⁿ. | 註釋 串珠 盧導讀台 |
| 74:3 | Kiû Lí kiâⁿ kàu hiahê kú-kú pha-hng ê tē, khòaⁿ tùi-te̍k thiat-té húi-hoāi ê sèng-só͘. | 註釋 串珠 盧導讀台 |
| 74:4 | Lí ê tùi-te̍k tī Lí ê tiān lāi hōa-hōa háu; in khiā in ê kî chò kì-hō, | 註釋 串珠 盧導讀台 |
| 74:5 | In chhin-chhiūⁿ lâng gia̍h-khí pó͘-thâu, lâi chhò chhiū-nâ ê chhiū. | 註釋 串珠 盧導讀台 |
| 74:6 | Sèng-só͘ ê lāi-bīn só͘-ū ê tiau-khek, in chitmá ēng pó͘-thâu kah thûi kā in choân-pō͘ phò-hoāi. | 註釋 串珠 盧導讀台 |
| 74:7 | In pàng hóe sio Lí ê sèng-só͘, òe lahsap Lí ê miâ só͘ khiā-khí ê só͘-chāi, hō͘ i chiâⁿ-chò pêⁿ-tē. | 註釋 串珠 盧導讀台 |
| 74:8 | In sim-lāi siūⁿ kóng, lán tio̍h choân-pō͘ kā i húi-hoāi; in tī choân tē kā Siōng-tè ê hōe-tn̂g lóng sio-sio-.khì. | 註釋 串珠 盧導讀台 |
| 74:9 | Goán bô koh khòaⁿ tio̍h goán ê tiāu-thâu, bô koh ū sian-ti; goán tiong-kan mā bô lâng chai chit khoán chêng-hêng ē kàu tang-sî! | 註釋 串珠 盧導讀台 |
| 74:10 | Siōng-tè ah, tùi-te̍k khau-sé ē kàu tang-sî? Te̍k-jîn siat-to̍k Lí ê miâ kám ē kàu éng-oán? | 註釋 串珠 盧導讀台 |
| 74:11 | Lí ná ē kiu Lí ê chhiú, to̍h-sī Lí ê chiàⁿ chhiú? Kiû Lí tùi heng chêng chhun-chhut Lí ê chhiú lâi kā in húi-bia̍t. | 註釋 串珠 盧導讀台 |
| 74:12 | Chóng-.sī, Siōng-tè chū chá í-lâi to̍h chò góa ê ông, tī tē-.ni̍h kā góa chín-kiù. | 註釋 串珠 盧導讀台 |
| 74:13 | Lí bat ēng Lí ê koân-lêng kā hái hun-khui, phah-phòa chúi tiong tōa hái siù ê thâu-khak. | 註釋 串珠 盧導讀台 |
| 74:14 | Lí bat kòng chhùi go̍k-hî ê thâu-khak, hō͘ khòng-iá ê iá-siù chò chia̍h-mi̍h. | 註釋 串珠 盧導讀台 |
| 74:15 | Lí bat hun-khui chúi-goân kah hô; Lí bat hō͘ tn̂g-lâu ê kang-hô ta-.khì. | 註釋 串珠 盧導讀台 |
| 74:16 | Ji̍t-sî sio̍k Lí, àm-sî mā sio̍k Lí; kng kah ji̍t-thâu sī Lí só͘ chhòng-chō. | 註釋 串珠 盧導讀台 |
| 74:17 | Tē chiūⁿ só͘-ū ê kài-hān sī Lí só͘ siat-li̍p; joa̍h-thiⁿ kah kôaⁿ-thiⁿ sī Lí só͘ tiāⁿ tio̍h. | 註釋 串珠 盧導讀台 |
| 74:18 | Siōng-chú ah, kiû Lí ē kì-tit tùi-te̍k ū húi-pòng Lí, gû-gōng ê lâng ū siat-to̍k Lí ê miâ. | 註釋 串珠 盧導讀台 |
| 74:19 | Kiû Lí m̄ thang kā un-jiû ê hún-chiáu kau hō͘ iá-siù; m̄ thang éng-oán bē kì-tit sànchhiah lâng ê oa̍h-miā. | 註釋 串珠 盧導讀台 |
| 74:20 | Kiû Lí siàu-liām Lí só͘ li̍p ê iok, in-ūi tē-chiūⁿ o͘-àm ê só͘-chāi lóng sī pō-tô͘ ê châu-hia̍t. | 註釋 串珠 盧導讀台 |
| 74:21 | Kiû Lí m̄ thang hō͘ siū ap-chè ê lâng kiàn-siàu tò tńg-.khì; khùn-khó͘ sànchhiah ê lâng tio̍h hō͘ in oló Lí ê miâ. | 註釋 串珠 盧導讀台 |
| 74:22 | Siōng-tè ah, kiû Lí khí-lâi ūi kakī piān-kái! Tio̍h ē kì-tit gōng lâng kui ji̍t án-chóaⁿ teh kā Lí húi-pòng. | 註釋 串珠 盧導讀台 |
| 74:23 | Kiû Lí m̄ thang bē kì-tit Lí tùi-te̍k ê hoah siaⁿ; Hiahê khí-lâi kong-kek Lí ê lâng ê hán-hoah tiāⁿtiāⁿ chiūⁿ-kàu téng-bīn. | 註釋 串珠 盧導讀台 |