| 章節 | 全民台語聖經全羅經文 | 註釋 |
| 76:1 | Tek-sèng ê Chú — Siōng-tè（ A-sah ê si-koa, kau hō͘ ga̍k-koaⁿ; ēng si-hiân ê ga̍k-khì. ） Tī Iô-tah, lâng-lâng lóng bat Siōng-tè; tī I-su-la-el, I ê miâ siū chun chò tōa. | 註釋 串珠 盧導讀台 |
| 76:2 | Tī Sa-lèm, ū I ê tiùⁿ-pâng; tī Si-óng, ū I tòa ê só͘-chāi. | 註釋 串珠 盧導讀台 |
| 76:3 | I tī hia at-tn̄g tùi-te̍k ê kiong-chìⁿ, tîn-pâi, to-kiàm kah kau-chiàn ê ke-si. [Sè-la̍h] | 註釋 串珠 盧導讀台 |
| 76:4 | Lí tùi chhiúⁿ mi̍h ê soaⁿ-chē lâi, ū êng-kng kah ui-giâm. | 註釋 串珠 盧導讀台 |
| 76:5 | Ióng-kám ê lâng lóng siū chhiúⁿ-kiap; in lóng khùn-khì bô koh chhéⁿ, eng-hiông mā bô kah chi̍t-ê ē-tàng chhut-chhiú. | 註釋 串珠 盧導讀台 |
| 76:6 | Iâ-kop ê Siōng-tè ah, Lí ê chek-pī chi̍t-ē hoat-chhut, chhia kah bé lóng khùn tāng-bîn. | 註釋 串珠 盧導讀台 |
| 76:7 | Chí-ū Lí sī thang kiaⁿ-ùi ê! Lí ê siū-khì chi̍t-ē hoat-chhut, siáⁿ lâng tī Lí ê bīn-chêng khiā ē tiâu? | 註釋 串珠 盧導讀台 |
| 76:8 | Lí tùi thiⁿ-.ni̍h soan-pò͘ sím-phòaⁿ, tē chiū kiaⁿ-hiâⁿ, lóng tiām-tiām; | 註釋 串珠 盧導讀台 |
| 76:9 | Siōng-tè khí-lâi sím-phòaⁿ, beh kiù tē-chiūⁿ só͘-ū khiam-pi ê lâng. [Sè-la̍h] | 註釋 串珠 盧導讀台 |
| 76:10 | Lâng ê siū-khì it-tēng ē hō͘ Lí tit tio̍h oló; kî-î ê siū-khì, Lí ē kìm-chí. | 註釋 串珠 盧導讀台 |
| 76:11 | Lín tio̍h tùi lín ê Siōng-tè — Siōng-chú hē goān, mā tio̍h siā goān; sì-kho͘-ûi ê lâng tio̍h tòa lé-mi̍h lâi hiàn hō͘ thang kèng-ùi ê Chú. | 註釋 串珠 盧導讀台 |
| 76:12 | I beh hō͘ kùi-cho̍k ê kiau-ngō͘ làu-khùi; I beh hō͘ sè-chiūⁿ ê lia̍t ông kiaⁿ-ùi. | 註釋 串珠 盧導讀台 |