| 章節 | 全民台語聖經全羅經文 | 註釋 |
| 79:1 | Ūi Kok Kî-tó（ A-sah ê si. ）Siōng-tè ah, gōa-pang lâng chìn-ji̍p Lí ê sán-gia̍p, kā Lí ê sèng-tiān òe lahsap, hō͘ Ê-lú-sa-lèm piàn-chò thô͘-tui. | 註釋 串珠 盧導讀台 |
| 79:2 | In kā Lí ê lô͘-po̍k ê sin-si kau hō͘ khong-tiong ê poe-chiáu chò chia̍h-mi̍h, kā Lí sèng ê jîn-bîn ê bah kau hō͘ tē-chiūⁿ ê iá-siù. | 註釋 串珠 盧導讀台 |
| 79:3 | In tī Ê-lú-sa-lèm sì-kho͘-ûi, lâu Lí chú-bîn ê hoeh chhin-chhiūⁿ teh piàⁿ chúi, mā bô lâng kā in bâi-chòng. | 註釋 串珠 盧導讀台 |
| 79:4 | Goán siū keh-piah kok ê lêng-jio̍k, hō͘ sì-kho͘-ûi ê lâng léng-chhiò, khau-sé. | 註釋 串珠 盧導讀台 |
| 79:5 | Siōng-tè ah, Lí ê siū-khì beh gōa kú? Kám ē kàu éng-oán? Lí ê siū-khì kám ē chhin-chhiūⁿ hóe teh to̍h? | 註釋 串珠 盧導讀台 |
| 79:6 | Goān Lí kā Lí ê siū-khì piàⁿ-lo̍h-khì hiahê m̄ bat Lí ê gōa-pang, í-ki̍p hiahê bô kiû-kiò Lí ê miâ ê lia̍t kok. | 註釋 串珠 盧導讀台 |
| 79:7 | In-ūi in thun-chia̍h Iâ-kop, hō͘ i tòa ê só͘-chāi pha-hng. | 註釋 串珠 盧導讀台 |
| 79:8 | Kiû Lí m̄ thang kì-tit goán chó͘-sian ê chōe lâi tùi goán thó; goān Lí ê chû-pi kín-kín lîm-kàu goán, in-ūi goán í-keng hām-lo̍h kàu ke̍k pi-bî ê tē-pō͘. | 註釋 串珠 盧導讀台 |
| 79:9 | Kiù goán ê Siōng-tè ah, kiû Lí in-ūi Lí ê miâ ê êng-kng pang-chān goán! In-ūi Lí ê miâ ê iân-kò͘ kiù goán, sià-bián goán ê chōe. | 註釋 串珠 盧導讀台 |
| 79:10 | Gōa-pang lâng ná ē kóng " In ê Siōng-tè tī tó-ūi? " Goān Lí ūi Lí ê lô͘-po̍k ê lâu hoeh lâi sin-oan, thang hō͘ gōa-pang lâng chai, koh hō͘ goán chhin-ba̍k khòaⁿ-.tio̍h. | 註釋 串珠 盧導讀台 |
| 79:11 | Goān siû-hoān ê thó͘-khùi thàu kàu Lí ê bīn-chêng; goān Lí chiàu Lí ê tōa koân-lêng pó-chûn hiahê siū phòaⁿ sí-hêng ê lâng ê sèⁿ-miā. | 註釋 串珠 盧導讀台 |
| 79:12 | Chú ah, goān Lí kā goán keh-piah kok tùi Lí ê lêng-jio̍k, ke-thiⁿ chhit pōe kui tī in ê sin chiūⁿ. | 註釋 串珠 盧導讀台 |
| 79:13 | Án-ne, goán chò Lí ê chú-bîn, Lí ê chháu-tiûⁿ ê iûⁿ ê lâng, beh kám-siā Lí kàu éng-oán; beh oló Lí ê miâ kàu bān-sè-tāi. | 註釋 串珠 盧導讀台 |