| 章節 | 全民台語聖經全羅經文 | 註釋 |
| 82:1 | Chì-koân ê Chú-cháiⁿ — Siōng-tè（ A-sah ê si. ）Siōng-tè khiā tī chèng sîn-bêng ê hōe tiong, tī chiahê sîn-bêng ê tiong-kan teh sím-phòaⁿ. | 註釋 串珠 盧導讀台 |
| 82:2 | Lín sím-phòaⁿ bô chiàu kong-gī, chun-sûn pháiⁿ lâng ê chêng-bīn beh kàu tang-sî? [Sè-la̍h] | 註釋 串珠 盧導讀台 |
| 82:3 | Lín tio̍h ūi sànchhiah lâng kah ko͘-jî sin-oan; tio̍h ūi khùn-khó͘ kah khiàm-khoeh ê lâng kiâⁿ kong-gī. | 註釋 串珠 盧導讀台 |
| 82:4 | Tio̍h chín-kiù sànchhiah kah khiàm-khoeh ê lâng, hō͘ in thoat-lī pháiⁿ lâng ê chhiú. | 註釋 串珠 盧導讀台 |
| 82:5 | In m̄-chai, mā bô bêng-lí, in tī o͘-àm tiong kiâⁿ lâi kiâⁿ khì; tē ê kin-ki lóng iô-tāng. | 註釋 串珠 盧導讀台 |
| 82:6 | Góa bat kóng: Lín sī sîn-bêng, lín lóng sī Chì-koân-.ê ê kiáⁿ; | 註釋 串珠 盧導讀台 |
| 82:7 | Chóng-.sī, lín ē sí kah sè-kan lâng sio-siâng, ē tó lo̍h-.khì, chhin-chhiūⁿ kùi cho̍k tiong ê chi̍t-ê. | 註釋 串珠 盧導讀台 |
| 82:8 | Siōng-tè ah, kiû Lí khí-lâi sím-phòaⁿ sè-kài, in-ūi Lí ē tit tio̍h bān-kok chò ki-gia̍p. | 註釋 串珠 盧導讀台 |