| 章節 | 全民台語聖經全羅經文 | 註釋 |
| 85:1 | Ūi Kok-thài Bîn-an Kî-tó（ Khó-la̍h ê kiáⁿ-sun ê si, kau hō͘ ga̍k-koaⁿ. ）Siōng-chú ah, Lí í-keng si un tī Lí ê tē, Iâ-kop siū lia̍h ê lâng, Lí kā in kiù tńg-.lâi. | 註釋 串珠 盧導讀台 |
| 85:2 | Lí sià-bián Lí ê chú-bîn ê chōe-ok, Lí jia-khàm in it-chhè ê chōe-kò. [Sè-la̍h] | 註釋 串珠 盧導讀台 |
| 85:3 | Lí siu-hôe Lí it-chhè ê siū-khì, soah Lí ke̍k-lia̍t ê siū-khì. | 註釋 串珠 盧導讀台 |
| 85:4 | Kiù goán ê Siōng-tè ah, kiû Lí hō͘ goán tò tńg-.lâi, soah Lí tùi goán ê siū-khì. | 註釋 串珠 盧導讀台 |
| 85:5 | Lí kám ē tùi goán siū-khì-kàu éng-oán? Lí kám ē kā Lí ê siū-khì kè-sio̍k kàu bān tāi? | 註釋 串珠 盧導讀台 |
| 85:6 | Lí kám m̄ koh kā goán kiù-oa̍h, hō͘ Lí ê chú-bîn in-ūi Lí lâi hoaⁿ-hí? | 註釋 串珠 盧導讀台 |
| 85:7 | Siōng-chú ah, kiû Lí hō͘ goán thé-giām tio̍h Lí ê chû-ài, koh kā Lí ê kiù-un siúⁿ-sù hō͘ goán. | 註釋 串珠 盧導讀台 |
| 85:8 | Góa goān thiaⁿ choân-lêng Siōng-tè só͘ beh kóng ê ōe; in-ūi I beh tùi I ê chú-bîn — I sèng ê chú-bîn siúⁿ-sù pêng-an; chóng-.sī, in m̄ thang koh khì lāmsám kiâⁿ. | 註釋 串珠 盧導讀台 |
| 85:9 | I ê kiù-un si̍t-chāi kīn-óa kiaⁿ-ùi I ê lâng, hō͘ êng-kng tiàm tī lán ê kéng lāi. | 註釋 串珠 盧導讀台 |
| 85:10 | Chû-ài kah sìn-si̍t sio tú; kong-gī kah pêng-an sio chim. | 註釋 串珠 盧導讀台 |
| 85:11 | Sìn-si̍t tùi tē-.ni̍h hoat-seng; kong-gī tùi thiⁿ kàng lo̍h-.lâi. | 註釋 串珠 盧導讀台 |
| 85:12 | Siōng-chú ē siúⁿ-sù hó mi̍h; lán ê thó͘-tē ē chhut i ê lông-sán-bu̍t. | 註釋 串珠 盧導讀台 |
| 85:13 | Kong-gī ē kiâⁿ tī I ê thâu-chêng, hō͘ I ê kha-jiah chiâⁿ-chò tō-lō͘. | 註釋 串珠 盧導讀台 |