| 章節 | 全民台語聖經全羅經文 | 註釋 |
| 86:1 | Kiû Chō͘ ê Kî-tó（ Ta-bi̍t ê kî-tó. ）Siōng-chú ah, kiû Lí àⁿ hīⁿ-khang thiaⁿ góa kî-tó, in-ūi góa khùn-khó͘ sànchhiah. | 註釋 串珠 盧導讀台 |
| 86:2 | Kiû Lí pó-chûn góa ê sèⁿ-miā, in-ūi góa sī khiân-sêng ê lâng. Góa ê Siōng-tè ah, Lí ê lô͘-po̍k óa-khò Lí, kiû Lí chín-kiù góa! | 註釋 串珠 盧導讀台 |
| 86:3 | Chú ah, kiû Lí liân-bín góa, in-ūi góa kui ji̍t lóng teh kiû-kiò Lí. | 註釋 串珠 盧導讀台 |
| 86:4 | Chú ah, kiû Lí hō͘ Lí ê lô͘-po̍k sim-sîn hoaⁿ-hí, in-ūi góa ēng góa ê sim gióng-bōng Lí. | 註釋 串珠 盧導讀台 |
| 86:5 | Chú ah, in-ūi Lí sī hó, hoaⁿ-hí sià-bián lâng, ū hong-sēng ê chû-ài siúⁿ-sù hō͘ só͘-ū kiû-kiò Lí ê lâng. | 註釋 串珠 盧導讀台 |
| 86:6 | Siōng-chú ah, kiû Lí àⁿ hīⁿ-khang thiaⁿ góa ê kî-tó, àⁿ-lo̍h thiaⁿ góa khún-kiû ê siaⁿ. | 註釋 串珠 盧導讀台 |
| 86:7 | Tī góa hoān-lān ê ji̍t-chí góa kiû-kiò Lí, Lí ē ìn góa. | 註釋 串珠 盧導讀台 |
| 86:8 | Chú ah, chiahê sîn-bêng ê tiong-kan bô kah chi̍t-ê ē-tàng kah Lí pí-tit; Lí ê chok-ûi mā bô thang pí-phēng. | 註釋 串珠 盧導讀台 |
| 86:9 | Chú ah, Lí só͘ chō ê bān-pang lóng ē lâi phak-pài tī Lí ê bīn-chêng; in mā ē êng-kng Lí ê miâ. | 註釋 串珠 盧導讀台 |
| 86:10 | In-ūi Lí chò tōa, koh kiâⁿ kî-biāu ê tāichì; chí ū Lí sī Siōng-tè. | 註釋 串珠 盧導讀台 |
| 86:11 | Siōng-chú ah, kiû Lí kā Lí ê tō-lō͘ chí-sī góa; góa beh chiàu Lí ê chin-lí lâi kiâⁿ; hō͘ góa ēng choan-it ê sim kèng-ùi Lí ê miâ. | 註釋 串珠 盧導讀台 |
| 86:12 | Siōng-chú — góa ê Siōng-tè ah, góa beh choân-sim oló Lí; góa beh êng-kng Lí ê miâ kàu éng-oán. | 註釋 串珠 盧導讀台 |
| 86:13 | In-ūi Lí tùi góa si-lo̍h tōa ê chû-ài; Lí kiù góa ê sèⁿ-miā bián lo̍h ke̍k chhim ê im-hú. | 註釋 串珠 盧導讀台 |
| 86:14 | Siōng-tè ah, kiau-ngō͘ ê lâng khí-lâi kong-kek góa, koh ū kiông-pō ê tóng siàu-siūⁿ góa ê sèⁿ-miā, tī in ê bīn-chêng in bô kèng-hōng Lí. | 註釋 串珠 盧導讀台 |
| 86:15 | Chú ah, Lí sī jîn-chû un-tián ê Siōng-tè, bô khoài siū-khì, koh ū hong-sēng ê chû-ài kah sìn-si̍t. | 註釋 串珠 盧導讀台 |
| 86:16 | Kiû Lí oa̍t kòe-lâi khòaⁿ góa, khó-liân góa, kā Lí ê khùi-la̍t siúⁿ-sù hō͘ Lí ê lô͘-po̍k, kiù Lí lú-pī ê kiáⁿ. | 註釋 串珠 盧導讀台 |
| 86:17 | Kiû Lí hián-chhut siúⁿ-sù góa un-tián ê chèng-kì, hō͘ oàn-hūn góa ê lâng khòaⁿ tio̍h lâi kiàn-siàu, in-ūi Siōng-chú Lí ū pang-chān góa, an-ùi góa. | 註釋 串珠 盧導讀台 |