| 章節 | 全民台語聖經全羅經文 | 註釋 |
| 91:1 | Siōng-tè sī lán ê Pó-hō͘-chiáTòa tī Chì-koân-.ê ê ún-ba̍t só͘-chāi ê lâng, Hitê lâng ē tòa tī choân-lêng Siōng-tè ê ìm-ńg ē. | 註釋 串珠 盧導讀台 |
| 91:2 | Koan-hē Siōng-chú góa beh kóng, I sī góa tô-siám ê só͘-chāi, sī góa ê soaⁿ-chē; sī góa ê Siōng-tè, sī góa só͘ óa-khò ê. | 註釋 串珠 盧導讀台 |
| 91:3 | In-ūi I ē kiù lí thoat-lī tng chiáu-á ê lô-bāng kah to̍k-hāi ê un-e̍k. | 註釋 串珠 盧導讀台 |
| 91:4 | I ē ēng I ê si̍t-kó͘ áⁿ lí; lí ē bih tī I ê si̍t-ē; I ê sìn-si̍t sī tōa-tōa sè-sè ê tîn-pâi. | 註釋 串珠 盧導讀台 |
| 91:5 | Lí m̄-bián kiaⁿ àm-sî ê khióng-pò͘, á-.sī ji̍t-sî teh poe ê chìⁿ. | 註釋 串珠 盧導讀台 |
| 91:6 | Mā bián-kiaⁿ o͘-àm tiong liû-hêng ê un-e̍k, á-.sī thàu tiong-tàu ē húi-bia̍t lâng ê to̍k-chèng. | 註釋 串珠 盧導讀台 |
| 91:7 | Ū chheng lâng tī lí ê sin piⁿ bô la̍t hūn-tó lo̍h-.khì, ū bān lâng tī lí ê chiàⁿ pêng bô la̍t hūn-tó lo̍h-.khì, chiahê chai-lān mā bē lîm-kàu lí. | 註釋 串珠 盧導讀台 |
| 91:8 | M̄ koh, lí ē chhin-ba̍k khòaⁿ-.tio̍h, ē khòaⁿ tio̍h pháiⁿ lâng siū pò-èng. | 註釋 串珠 盧導讀台 |
| 91:9 | In-ūi lí ū Siōng-chú chò tô-siám ê só͘-chāi; lí ū ēng Chì-koân-.ê chò lí tòa ê só͘-chāi, | 註釋 串珠 盧導讀台 |
| 91:10 | Chai-hāi bē lîm-kàu lí, un-e̍k mā bē óa-kīn lí ê pò͘-pêⁿ. | 註釋 串珠 盧導讀台 |
| 91:11 | In-ūi Siōng-tè ē ūi tio̍h lí lâi hoan-hù I ê sù-chiá, tī lí só͘-ū ê lō͘-tô͘ tiong kā lí pó-hō͘. | 註釋 串珠 盧導讀台 |
| 91:12 | In ē ēng chhiú hû lí, bián-tit lí ê kha tak tio̍h chio̍h-thâu. | 註釋 串珠 盧導讀台 |
| 91:13 | Lí ē ēng kha chàm sai kah to̍k-chôa, lap sai-á-thûn kah tōa-bóe chôa. | 註釋 串珠 盧導讀台 |
| 91:14 | Siōng-tè kóng, " In-ūi i chin thiàⁿ góa, góa chiū beh kā i kiù; in-ūi i bat Góa ê miâ, Góa beh kā i an-tì tī koân ê só͘-chāi. | 註釋 串珠 盧導讀台 |
| 91:15 | I kiû-kiò Góa, Góa chiū ē kā i ìn; i tī gûi-kip ê sî, Góa ē kah i tông-chāi; Góa beh chín-kiù i, hō͘ i chun-kùi. | 註釋 串珠 盧導讀台 |
| 91:16 | Góa beh siúⁿ-sù tn̂g hòe-siū hō͘ i boán-chiok, hō͘ i khòaⁿ tio̍h Góa ê kiù-un. | 註釋 串珠 盧導讀台 |