| 章節 | 全民台語聖經全羅經文 | 註釋 |
| 92:1 | O-ló ê Si-koa（ An-hioh-ji̍t ê si-koa. ） Siōng-tè ah, goán kám-siā Lí, chhiùⁿ koa oló Lí — Chì-koân-.ê ê miâ, si̍t-chāi chin hó! | C註釋 註釋 串珠 盧導讀台 |
| 92:2 | Chá-khí sî soan-iông Lí ê chû-ài; ê-hng sî soan-iông Lí ê sìn-si̍t. | 註釋 串珠 盧導讀台 |
| 92:3 | Ēng cha̍p tiâu hiân ê ga̍k-khì kah sek, ēng khîm tôaⁿ chong-giâm ê siaⁿ-im. | C註釋 註釋 串珠 盧導讀台 |
| 92:4 | In-ūi Siōng-tè — Lí ēng Lí ê chok-ûi hō͘ góa hoaⁿ-hí, góa beh in-ūi Lí ê chhiú só͘ chò ê lâi khoài-lo̍k. | 註釋 串珠 盧導讀台 |
| 92:5 | Siōng-chú, Lí ê chok-ûi ná ē hiah úi-tāi! Lí ê sim-su ì-liām hui-siông chhim-ò! | 註釋 串珠 盧導讀台 |
| 92:6 | Bû-ti ê lâng bē liáu-kái; gû-chhún ê lâng mā bē bêng-pe̍k chit-ê ò-pì. | 註釋 串珠 盧導讀台 |
| 92:7 | Pháiⁿ lâng chhin-chhiūⁿ chháu ū bō͘-sēng ê sî, m̄ koh, in it-tēng ē éng-oán bia̍t-bông, | 註釋 串珠 盧導讀台 |
| 92:8 | In-ūi Siōng-chú — Lí ko-ko chāi-siōng, chiáng-koân it-ti̍t kàu éng-oán. | 註釋 串珠 盧導讀台 |
| 92:9 | Siōng-chú ah, Lí khòaⁿ Lí ê tùi-te̍k! Lí ê tùi-te̍k it-tēng ē bia̍t-bông; só͘-ū chò pháiⁿ ê lâng mā ē siū phah sì-sòaⁿ-.khì. | 註釋 串珠 盧導讀台 |
| 92:10 | M̄ koh, Lí hō͘ góa ê kak chhin-chhiūⁿ iá-gû ê kak gia̍h koân; Lí ū ēng sin ê iû kā góa boah. | 註釋 串珠 盧導讀台 |
| 92:11 | Góa chhin-ba̍k khòaⁿ tio̍h góa ê tùi-te̍k tú tio̍h pò-èng; góa chhin-hīⁿ thiaⁿ tio̍h hiahê khí-lâi kong-kek góa ê pháiⁿ lâng siū hêng-hoa̍t. | 註釋 串珠 盧導讀台 |
| 92:12 | Gī lâng ē chhin-chhiūⁿ chó chhiū heng-ōng, ē tióng-tōa chhin-chhiūⁿ Le-ba-nòng ê pek-hiuⁿ chhiū. | 註釋 串珠 盧導讀台 |
| 92:13 | Kiàn-nā chai tī Siōng-chú sèng-tiān ê chhiū, ē tī lán ê Siōng-tè ê īⁿ lāi bō͘-sēng. | 註釋 串珠 盧導讀台 |
| 92:14 | In nî lāu ê sî iû-goân ē kiat kóe-chí, in ê chiap chin chē, sek chheⁿ-chhùi, | 註釋 串珠 盧導讀台 |
| 92:15 | Thang hián-bêng Siōng-chú ê chèng-ti̍t, I sī góa ê chio̍h-pôaⁿ, I lóng bô put-gī. | 註釋 串珠 盧導讀台 |