| 章節 | 全民台語聖經全羅經文 | 註釋 |
| 94:1 | Siōng-tè Sím-phòaⁿ Bān-bînSiōng-chú — sin-oan ê Siōng-tè ah; sin-oan ê Siōng-tè ah, kiû Lí hián-chhut kng! | 註釋 串珠 盧導讀台 |
| 94:2 | Sím-phòaⁿ sè-kài ê Chú ah, kiû Lí khí-.lâi, hō͘ kiau-ngō͘ ê lâng siū eng-kai siū ê pò-èng! | 註釋 串珠 盧導讀台 |
| 94:3 | Siōng-chú ah, pháiⁿ lâng ē koh chûn-chāi gōa kú? Pháiⁿ lâng tek-sèng tōa hoaⁿ-hí ē kàu gōa kú? | 註釋 串珠 盧導讀台 |
| 94:4 | In sûi-piān kóng-chhut kiau-ngō͘ ê ōe; só͘-ū chò pháiⁿ ê lâng lóng kakī phòng-hong. | 註釋 串珠 盧導讀台 |
| 94:5 | Siōng-chú ah, in ap-chè Lí ê chú-bîn, khó͘-to̍k Lí ê sán-gia̍p — I-su-la-el. | 註釋 串珠 盧導讀台 |
| 94:6 | In thâi-sí kóaⁿ-hū kah chhut-gōa lâng, koh hāi-sí ko͘-jî. | 註釋 串珠 盧導讀台 |
| 94:7 | In kóng, " Siōng-chú it-tēng bô teh khòaⁿ; Iâ-kop ê Siōng-tè it-tēng bô teh tì-ì. " | 註釋 串珠 盧導讀台 |
| 94:8 | Lín jîn-bîn tiong chhin-chhiūⁿ chengseⁿ hit khoán ê lâng tio̍h siūⁿ; gû-gōng ê lâng kàu tang-sî chiah ē ū tì-hūi? | 註釋 串珠 盧導讀台 |
| 94:9 | An-tì hīⁿ-khang ê Siōng-tè kám ē bô thiaⁿ-.tio̍h? Chhòng-chō ba̍k-chiu ê Siōng-tè kám ē bô khòaⁿ-.tio̍h? | 註釋 串珠 盧導讀台 |
| 94:10 | Kàu-tok lia̍t pang ê Siōng-tè hō͘ lâng tit tio̍h tì-sek, I kám bē hiáu pān-lí lâng? | 註釋 串珠 盧導讀台 |
| 94:11 | Siōng-chú chai lâng ê sim-su, chai in ê só͘ chò lóng sī bô chhái-kang. | 註釋 串珠 盧導讀台 |
| 94:12 | Siōng-chú ah, Lí só͘ kàu-tok koh ēng Lí ê lu̍t-hoat só͘ kà-sī ê hiahê lâng chin ū hok-khì. | 註釋 串珠 盧導讀台 |
| 94:13 | I ē hō͘ i tī hoān-lān ê ji̍t-chí tit tio̍h pêng-an, ti̍t-kàu-ūi tio̍h pháiⁿ lâng khui hó hām-kheⁿ ê sî. | 註釋 串珠 盧導讀台 |
| 94:14 | In-ūi Siōng-chú it-tēng bē khì-sak I ê chú-bîn, mā bē pàng-lī I ê sán-gia̍p — I-su-la-el. | 註釋 串珠 盧導讀台 |
| 94:15 | In-ūi sím-phòaⁿ ē chiàu kong-gī; sim chèng-ti̍t ê lâng lóng ē tòe I. | 註釋 串珠 盧導讀台 |
| 94:16 | Siáⁿ lâng ē ūi góa khí-lâi kong-kek pháiⁿ lâng? Siáⁿ lâng ē ūi góa khiā khí-lâi kong-kek chò pháiⁿ ê lâng? | 註釋 串珠 盧導讀台 |
| 94:17 | Nā m̄-sī Siōng-chú pang-chān góa, góa ê sîn-hûn chiū chin kín lo̍h-khì tī léng-chēng ê só͘-chāi. | 註釋 串珠 盧導讀台 |
| 94:18 | Góa kóng góa ê kha that tio̍h; Siōng-chú ah, hit sî, Lí ê chû-ài hû-chhî góa. | 註釋 串珠 盧導讀台 |
| 94:19 | Góa sim-lāi ū chin chē iu-būn kah chhau-hoân, Lí ê an-ùi chiū hō͘ góa ê sim-sîn khoài-lo̍k. | 註釋 串珠 盧導讀台 |
| 94:20 | Kan-ok ê koaⁿ-oân chiá-ēng lu̍t-lē lâi kè-bô͘ chân-hāi, in kám ē kah Lí kau-thong? | 註釋 串珠 盧導讀台 |
| 94:21 | In tāi-ke chū-chi̍p lâi kong-kek gī lâng ê sèⁿ-miā, kā bô chōe ê lâng tēng sí-chōe. | 註釋 串珠 盧導讀台 |
| 94:22 | M̄ koh, Siōng-chú pêng-sî chò góa ê siâⁿ-pó; góa ê Siōng-tè chò góa tô-siám ê chio̍h-pôaⁿ. | 註釋 串珠 盧導讀台 |
| 94:23 | I hō͘ pháiⁿ lâng ê chōe-ok kui tī in kakī ê sin chiūⁿ. In chò pháiⁿ ê sî, I ē kā in châu-bia̍t; Siōng-chú — lán ê Siōng-tè ē kā in châu-bia̍t. | 註釋 串珠 盧導讀台 |