| 章節 | 全民台語聖經全羅經文 | 註釋 |
| 97:1 | Siōng-chú Sī Chì-koân ê Thóng-tī-chiáSiōng-chú chò ông, tē tio̍h khoài-lo̍k! Chèng tó-sū tio̍h hoaⁿ-hí! | 註釋 串珠 盧導讀台 |
| 97:2 | Ba̍t hûn kah o͘-àm tī I ê sì-kho͘-ûi; gī-lí kah kong-pêⁿ sī I pó-chō ê tē-ki. | 註釋 串珠 盧導讀台 |
| 97:3 | Hóe kiâⁿ tī I ê bīn-chêng, sio I sì-kho͘-ûi ê tùi-te̍k. | 註釋 串珠 盧導讀台 |
| 97:4 | I ê sihnà chiò-kng sè-kài, tē khòaⁿ tio̍h chiū tín-tāng. | 註釋 串珠 盧導讀台 |
| 97:5 | Tī Siōng-chú — choân tē ê Chú bīn-chêng, chiahê soaⁿ chhin-chhiūⁿ la̍h teh siau-iûⁿ. | 註釋 串珠 盧導讀台 |
| 97:6 | Chiahê thiⁿ hián-bêng I ê kong-gī, lia̍t pang khòaⁿ tio̍h I ê êng-kng. | 註釋 串珠 盧導讀台 |
| 97:7 | Hoān-nā ho̍k-sāi tiau-khek ê ngó͘-siōng, ēng hi-ké ê sîn-bêng chū-khoa ê lâng lóng ē kiàn-siàu. Lín chiahê sîn-bêng lóng tio̍h kèng-pài Siōng-chú. | 註釋 串珠 盧導讀台 |
| 97:8 | Siōng-chú ah, in-ūi Lí ê sím-phòaⁿ, Si-óng thiaⁿ-.tio̍h chiū hoaⁿ-hí; Iô-tah ê siâⁿ mā lóng khoài-lo̍k. | 註釋 串珠 盧導讀台 |
| 97:9 | In-ūi Siōng-chú — Lí sī Chì-koân-.ê, pôaⁿ-kòe choân tē; Lí sī chì-chun, iâⁿ-kòe chèng sîn-bêng. | 註釋 串珠 盧導讀台 |
| 97:10 | Thiàⁿ Siōng-chú ê lâng, lín lóng tio̍h oàn-hūn pháiⁿ; I pó-hō͘ I sèng ê chú-bîn ê sèⁿ-miā, I kā in chín-kiù thoat-lī pháiⁿ lâng ê chhiú. | 註釋 串珠 盧導讀台 |
| 97:11 | Kng-bêng sī ūi tio̍h gī lâng lâi chún-pī; hoaⁿ-hí sī ūi tio̍h sim chèng-ti̍t ê lâng lâi chún-pī. | 註釋 串珠 盧導讀台 |
| 97:12 | Gī lâng, lín tio̍h in-ūi Siōng-chú lâi hoaⁿ-hí, kì-liām I ê sèng-miâ lâi oló. | 註釋 串珠 盧導讀台 |