| 章節 | 全民台語聖經全羅經文 | 註釋 |
| 103:1 | Siōng-chú ê Chû-ài（ Ta-bi̍t ê si. ）Góa ê sim-sîn ah, lí tio̍h oló Siōng-chú; hoān-nā tī góa lāi-bīn ê mā lóng oló I ê sèng-miâ. | 註釋 串珠 盧導讀台 |
| 103:2 | Góa ê sim-sîn ah, lí tio̍h oló Siōng-chú! M̄-thang bē kì-tit I it-chhè ê un-hūi! | 註釋 串珠 盧導讀台 |
| 103:3 | I sià-bián lí só͘-ū ê chōe, i hó lí it-chhè ê pēⁿ. | 註釋 串珠 盧導讀台 |
| 103:4 | I kiù-sio̍k lí ê sèⁿ-miā thoat-lī sí-bông, ēng thiàⁿ-sim kah chû-pi chò lí ê bián-liû. | 註釋 串珠 盧導讀台 |
| 103:5 | Ēng hó mi̍h hō͘ lí chi̍t-sì-lâng sim-móa ì-chiok, hō͘ lí hôe-ho̍k siàu-liân chhin-chhiūⁿ eng-chiáu. | 註釋 串珠 盧導讀台 |
| 103:6 | Siōng-chú kiâⁿ kong-gī, ūi tio̍h só͘-ū siū oan-óng ê lâng sin-oan. | 註釋 串珠 盧導讀台 |
| 103:7 | I ēng I ê tō-lō͘ chí-sī Mô͘-se, ēng I ê chok-ûi chí-sī I-su-la-el lâng. | 註釋 串珠 盧導讀台 |
| 103:8 | Siōng-chú ū liân-bín, ū un-tián, bē khoài siū-khì, koh ū hong-sēng ê chû-ài. | 註釋 串珠 盧導讀台 |
| 103:9 | I bē kú-tn̂g chek-pī, mā bē éng-oán khǹg siū-khì. | 註釋 串珠 盧導讀台 |
| 103:10 | I bē chiàu lán ê chōe-kò kā lán chhú-hoa̍t, mā bē chiàu lán ê chōe-gia̍t kā lán pò-èng. | 註釋 串珠 盧導讀台 |
| 103:11 | In-ūi thiⁿ lī-khui tē hiahni̍h koân, I ê chû-ài tùi kèng-ùi I ê lâng mā sī hiah tōa! | 註釋 串珠 盧導讀台 |
| 103:12 | Tang lī-khui sai ū gōa hn̄g, I hō͘ lán ê chōe-kò lī-khui lán mā sī hiah hn̄g! | 註釋 串珠 盧導讀台 |
| 103:13 | Lāu-pē án-chóaⁿ liân-bín i ê kiáⁿ-jî, Siōng-chú liân-bín kèng-ùi I ê lâng mā sī ánne! | 註釋 串珠 盧導讀台 |
| 103:14 | In-ūi I chai lán ê thé-chit, siàu-liām lán sī thô͘-soa hún. | 註釋 串珠 盧導讀台 |
| 103:15 | Kóng-kàu lâng, i ê ji̍t-chí chhin-chhiūⁿ chháu. I ê heng-ōng chhin-chhiūⁿ soaⁿ-.ni̍h ê hoe, | 註釋 串珠 盧導讀台 |
| 103:16 | Keng-kòe hong chi̍t ē chhoe chiū siau-sit-khì; bô lâng ē koh jīn-tit i ê goân ūi. | 註釋 串珠 盧導讀台 |
| 103:17 | M̄ koh, Siōng-chú ê chû-ài kui tī kèng-ùi I ê lâng, tùi éng-oán kàu éng-oán; I ê kong-gī mā kui tī i ê kiáⁿ-kiáⁿ sun-sun; | 註釋 串珠 盧導讀台 |
| 103:18 | to̍h-sī hiahê chun-siú I ê iok, kì-liām I ê kà-sī lâi chun-thàn ê lâng. | 註釋 串珠 盧導讀台 |
| 103:19 | Siōng-chú tī thiⁿ-téng siat-li̍p I ê pó-chō; I ê chú-koân chiáng-koán bān-mi̍h. | 註釋 串珠 盧導讀台 |
| 103:20 | Lín chiahê ū tōa koân-lêng ê thiⁿ-sài, tio̍h thiaⁿ-thàn I ê ōe, chip-hêng I ê bēng-lēng ê lóng tio̍h oló Siōng-chú! | 註釋 串珠 盧導讀台 |
| 103:21 | Lín chiahê chò I ê kun-peng, chò I ê chhe-sài, kiâⁿ I só͘ hoaⁿ-hí ê lâng lóng tio̍h oló Siōng-chú! | 註釋 串珠 盧導讀台 |
| 103:22 | Lín só͘-ū siū I chhòng-chō ê, tī I só͘ koán-lí ê ta̍k ūi, lóng tio̍h oló Siōng-chú! Góa ê sim-sîn ah, lí tio̍h oló Siōng-chú! | 註釋 串珠 盧導讀台 |