| 章節 | 全民台語聖經全羅經文 | 註釋 |
| 112:1 | Gī lâng ê Hí-lo̍kLín tio̍h oló Siōng-chú! Kèng-ùi Siōng-tè, ì-ài I ê bēng-lēng ê lâng chin ū hok-khì! | 註釋 串珠 盧導讀台 |
| 112:2 | I ê kiáⁿ-sun tī sè-kan it-tēng kiông-sēng; chèng-ti̍t lâng ê āu-tāi it-tēng ē tit tio̍h hok-khì. | 註釋 串珠 盧導讀台 |
| 112:3 | I ê chhù lāi ū hòe-bu̍t, ū chîⁿ-châi; i ê kong-gī chûn kàu éng-oán. | 註釋 串珠 盧導讀台 |
| 112:4 | Chèng-ti̍t ê lâng tī o͘-àm ê tiong-kan ū kng teh chiò i; Chú tùi i ū un-hūi, ū liân-bín, ū kong-gī. | 註釋 串珠 盧導讀台 |
| 112:5 | Khóng-khài chioh lâng mi̍h-kiāⁿ ê lâng ū hok-khì; i siū sím-phòaⁿ ê sî ē kóng bêng kakī ê tāichì. | 註釋 串珠 盧導讀台 |
| 112:6 | I éng-oán bē iô-choah; gī lâng ē siū jîn-sò͘ liām, it-ti̍t kàu éng-oán. | 註釋 串珠 盧導讀台 |
| 112:7 | I m̄-kiaⁿ pháiⁿ siau-sit, in-ūi i ê sim kian-kò͘, óa-khò Siōng-chú. | 註釋 串珠 盧導讀台 |
| 112:8 | I ê sim chū-chāi, lóng bô kiaⁿ-hiâⁿ, it-ti̍t kàu i khòaⁿ tio̍h i ê tùi-te̍k siū pò-èng. | 註釋 串珠 盧導讀台 |
| 112:9 | I khóng-khài chín-chè sànchhiah lâng; i ê jîn-gī chûn kàu éng-oán. I ê kak ē-tàng gia̍h koân, koh ū êng-kng. | 註釋 串珠 盧導讀台 |
| 112:10 | Pháiⁿ lâng khòaⁿ-liáu tòng bē tiâu, tek-khak ē oàn-hūn kah kā-gê chhiat-khí, beh lâi kā in siau-bia̍t; pháiⁿ lâng ê sim-goān ē kui tī khang-khang. | 註釋 串珠 盧導讀台 |