| 章節 | 全民台語聖經全羅經文 | 註釋 |
| 113:1 | O-ló Siōng-chú ê Chì-siānLín tio̍h oló Siōng-chú! Siōng-tè ê lô͘-po̍k, lín tio̍h oló, oló Siōng-chú ê miâ. | 註釋 串珠 盧導讀台 |
| 113:2 | Goān Siōng-chú ê miâ siū oló, tùi chit sî kàu éng-oán; | 註釋 串珠 盧導讀台 |
| 113:3 | Tùi ji̍t chhut kàu ji̍t lo̍h ê só͘-chāi; Siōng-chú ê miâ sī eng-kai siū oló. | 註釋 串珠 盧導讀台 |
| 113:4 | Siōng-chú iâⁿ-kòe só͘-ū ê kok, I ê êng-kng pí thiⁿ khah koân. | 註釋 串珠 盧導讀台 |
| 113:5 | Siáⁿ lâng chhin-chhiūⁿ Siōng-chú — lán ê Siōng-tè? I chē tī chì-koân ê só͘-chāi, | 註釋 串珠 盧導讀台 |
| 113:6 | I kakī khiam-pi teh koan-khòaⁿ thiⁿ-téng kah tē-chiūⁿ ê tāichì. | 註釋 串珠 盧導讀台 |
| 113:7 | I tùi tîn-ai kí-khí sànchhiah lâng, tùi pùn-sò-tui thê-poa̍t khiàm-khoeh ê lâng, | 註釋 串珠 盧導讀台 |
| 113:8 | I hō͘ in kah kùi-cho̍k chò-hóe chē, to̍h-sī kah pún-kok ê kùi-cho̍k chē chò-hóe. | 註釋 串珠 盧導讀台 |
| 113:9 | I hō͘ bē seⁿ kiáⁿ ê chabó͘ lâng liāu-lí ka-têng, chò chin chē kiáⁿ ê lāu-bú lâi hoaⁿ-hí. Lín tio̍h oló Siōng-chú! | 註釋 串珠 盧導讀台 |