| 章節 | 全民台語聖經全羅經文 | 註釋 |
| 115:1 | To̍k-it Chin-sînSiōng-chú ah, êng-kng m̄ thang kui hō͘ goán, m̄ thang kui hō͘ goán; tio̍h in-ūi Lí ê chû-ài kah sêng-si̍t, kui tī Lí ê miâ. | 註釋 串珠 盧導讀台 |
| 115:2 | Bián-tit hō͘ gōa-pang lâng kóng, Taⁿ, in ê Siōng-chú tī tó-ūi? | 註釋 串珠 盧導讀台 |
| 115:3 | Chóng-.sī, goán ê Siōng-tè tī thiⁿ-téng, lóng chiàu I só͘ ài ê chò tāichì. | 註釋 串珠 盧導讀台 |
| 115:4 | In ê ngó͘-siōng sī gîn ê, kim ê, sī lâng ê chhiú só͘ chō ê. | 註釋 串珠 盧導讀台 |
| 115:5 | In ū chhùi mā bē kóng-ōe, ū ba̍k-chiu mā khòaⁿ bē tio̍h. | 註釋 串珠 盧導讀台 |
| 115:6 | In ū hīⁿ-khang mā thiaⁿ bē tio̍h, ū phīⁿ-khang mā phīⁿ bē tio̍h. | 註釋 串珠 盧導讀台 |
| 115:7 | In ū chhiú mā the̍h bē tio̍h mi̍h-kiāⁿ, ū kha mā bē kiâⁿ lō͘, in mā bô ēng in ê nâ-âu chhut siaⁿ. | 註釋 串珠 盧導讀台 |
| 115:8 | Kā in chō ê, óa-khò in ê, lóng ē chhin-chhiūⁿ in. | 註釋 串珠 盧導讀台 |
| 115:9 | I-su-la-el, lí tio̍h óa-khò Siōng-chú! I sī lí ê pang-chān, lí ê tîn-pâi. | 註釋 串珠 盧導讀台 |
| 115:10 | A-lông ê ke, lín tio̍h óa-khò Siōng-chú! I sī lín ê pang-chān, lín ê tîn-pâi. | 註釋 串珠 盧導讀台 |
| 115:11 | Kèng-ùi Siōng-chú ê lâng, lín tio̍h óa-khò Siōng-chú! I sī lín ê pang-chān, lín ê tîn-pâi. | 註釋 串珠 盧導讀台 |
| 115:12 | Siōng-chú pêng-sî siàu-liām lán, I ē sù hok-khì hō͘ lán; ē sù hok-khì hō͘ I-su-la-el ê ke, ē sù hok-khì hō͘ A-lông ê ke. | 註釋 串珠 盧導讀台 |
| 115:13 | Kèng-ùi Siōng-chú ê lâng bô-lūn tōa-sè, I lóng ē sù hok-khì hō͘ in. | 註釋 串珠 盧導讀台 |
| 115:14 | Goān Siōng-chú ke-thiⁿ lín ê jîn-sò͘, ke-thiⁿ lín kah lín ê kiáⁿ-sun. | 註釋 串珠 盧導讀台 |
| 115:15 | Goān chhòng-chō thiⁿ-tē ê Siōng-chú, ē siúⁿ-sù hok-khì hō͘ lín! | 註釋 串珠 盧導讀台 |
| 115:16 | Thiⁿ sī Siōng-chú ê thiⁿ; tē sī I sù hō͘ sè-kan lâng ê. | 註釋 串珠 盧導讀台 |
| 115:17 | Sí-lâng bē tàng oló Siōng-chú; lo̍h kàu tiām-tiām ê só͘-chāi ê lâng mā lóng bē tàng. | 註釋 串珠 盧導讀台 |
| 115:18 | Chóng-.sī, goán beh oló Siōng-chú, tùi chit sî kàu éng-oán. Lín tio̍h oló Siōng-chú! | 註釋 串珠 盧導讀台 |