| 章節 | 全民台語聖經全羅經文 | 註釋 |
| 118:1 | Ūi tio̍h Sèng-lī Kám-un Kî-tóLín tio̍h kám-siā Siōng-chú, in-ūi I sī hó; in-ūi I ê chû-ài éng-oán chûn-chāi! | 註釋 串珠 盧導讀台 |
| 118:2 | Goān I-su-la-el kóng: I ê chû-ài éng-oán chûn-chāi.! | 註釋 串珠 盧導讀台 |
| 118:3 | Goān A-lông ê ke kóng: I ê chû-ài éng-oán chûn-chāi! | 註釋 串珠 盧導讀台 |
| 118:4 | Goān kèng-ùi Siōng-chú ê lâng kóng: I ê chû-ài éng-oán chûn-chāi! | 註釋 串珠 盧導讀台 |
| 118:5 | Góa tī gûi-kip ê tiong-kan kiû-kiò Siōng-chú, Siōng-chú chiū ìn-tap góa, kā góa hē tī khui-khoah ê só͘-chāi. | 註釋 串珠 盧導讀台 |
| 118:6 | Ū Siōng-chú kah góa tông-chāi, góa chiū bô kiaⁿ, lâng ē-tàng tùi góa án-chóaⁿ? | 註釋 串珠 盧導讀台 |
| 118:7 | Tī hiahê pang-chān ê tiong-kan, ū Siōng-chú kah góa tông-chāi, só͘-í, góa ē khòaⁿ tio̍h hiahê oàn-hūn góa ê lâng siū pò-èng. | 註釋 串珠 盧導讀台 |
| 118:8 | Óa-khò Siōng-chú, pí óa-khò lâng khah hó; | 註釋 串珠 盧導讀台 |
| 118:9 | Óa-khò Siōng-chú, pí óa-khò ông-chhin khah hó. | 註釋 串珠 盧導讀台 |
| 118:10 | Bān-bîn kā góa ûi-khùn, góa óa-khò Siōng-chú ê miâ lâi kā in châu-bia̍t. | 註釋 串珠 盧導讀台 |
| 118:11 | In pau-ûi góa, kā góa ûi-khùn, góa óa-khò Siōng-chú ê miâ beh kā in châu-bia̍t. | 註釋 串珠 盧導讀台 |
| 118:12 | In chhin-chhiūⁿ phang kā góa pau-ûi, chhin-chhiūⁿ sio chhì-phè ê hóe siū phah-hoa; góa óa-khò Siōng-chú ê miâ lâi kā in châu-bia̍t. | 註釋 串珠 盧導讀台 |
| 118:13 | Lí chhut-la̍t beh kā góa chhia-tó, chóng-.sī, Siōng-chú pang-chān góa. | 註釋 串珠 盧導讀台 |
| 118:14 | Siōng-chú sī góa ê khùi-la̍t, sī góa ê si-koa; I mā hō͘ góa tit tio̍h chín-kiù. | 註釋 串珠 盧導讀台 |
| 118:15 | Tī gī lâng ê pò͘-pêⁿ lāi ū hoaⁿ-hí ê siaⁿ kah chín-kiù ê siaⁿ; Siōng-chú ê chiàⁿ chhiú hián-chhut tōa koân-lêng. | 註釋 串珠 盧導讀台 |
| 118:16 | Siōng-chú ê chiàⁿ chhiú gia̍h koân; Siōng-chú ê chiàⁿ chhiú hián-chhut tōa koân-lêng. | 註釋 串珠 盧導讀台 |
| 118:17 | Góa bē tì-kàu sí, iáu ē oa̍h-.leh, koh beh soan-iông Siōng-chú ê chok-ûi. | 註釋 串珠 盧導讀台 |
| 118:18 | Siōng-chú bat giâm-lē kā góa kéng-kài; chóng-.sī, I bē kā góa kau tī sí-bông. | 註釋 串珠 盧導讀台 |
| 118:19 | Tio̍h kā góa khui gī ê mn̂g; góa beh ji̍p-khì kám-siā Siōng-chú. | 註釋 串珠 盧導讀台 |
| 118:20 | Che sī Siōng-chú ê mn̂g; gī ê lâng beh ji̍p-.khì! | 註釋 串珠 盧導讀台 |
| 118:21 | Góa beh kám-siā Lí, in-ūi Lí í-keng ìn-tap góa, koh í-keng chiâⁿ-chò góa ê chín-kiù! | 註釋 串珠 盧導讀台 |
| 118:22 | Sai-hū só͘ khì-sak ê chio̍h-thâu, í-keng chiâⁿ-chò chhù-kak-thâu ê ki-chio̍h. | 註釋 串珠 盧導讀台 |
| 118:23 | Che sī Siōng-chú ê chok-ûi, lán ê ba̍k-chiu kā i khòaⁿ-chò kî-koài. | 註釋 串珠 盧導讀台 |
| 118:24 | Che sī Siōng-chú só͘ tiāⁿ tio̍h ê ji̍t-chí, lán tī chit ji̍t ê tiong-kan tio̍h hoaⁿ-hí khoài-lo̍k! | 註釋 串珠 盧導讀台 |
| 118:25 | Siōng-chú ah, taⁿ kiû Lí chín-kiù! Siōng-chú ah, taⁿ kiû Lí hō͘ goán hoat-ta̍t! | 註釋 串珠 盧導讀台 |
| 118:26 | Hōng Siōng-chú ê miâ ji̍p-.lâi ê eng-kai tit tio̍h hok-khì! Goán tùi Siōng-chú ê tiān kā lín chiok-hok! | 註釋 串珠 盧導讀台 |
| 118:27 | Siōng-chú sī Siōng-tè, I ê kng chiò goán; tio̍h ēng soh-á pa̍k chè-sū ê chengseⁿ, lâi-kàu tôaⁿ-kak. | 註釋 串珠 盧導讀台 |
| 118:28 | Lí sī góa ê Siōng-tè, góa beh kám-siā Lí! Lí sī góa ê Siōng-chú, góa beh chun Lí chò koân! | 註釋 串珠 盧導讀台 |
| 118:29 | Lín tio̍h kám-siā Siōng-chú, in-ūi I sī hó! In-ūi I ê chû-ài éng-oán chûn-chāi! | 註釋 串珠 盧導讀台 |