| 章節 | 全民台語聖經全羅經文 | 註釋 |
| 121:1 | Siōng-chú Sī Góa ê Pó-hō͘-chiá（Peh kiā-á ê si. ）Góa beh gia̍h thâu ǹg soaⁿ, góa ê pang-chān tùi tó-ūi lâi? | 註釋 串珠 盧導讀台 |
| 121:2 | Góa ê pang-chān tùi Siōng-chú lâi; I sī chhòng-chō thiⁿ-tē ê Siōng-tè. | 註釋 串珠 盧導讀台 |
| 121:3 | I bē hō͘ lí ê kha iô-tāng, pó-siú Lí ê Siōng-tè it-tēng bē tuh-bîn. | 註釋 串珠 盧導讀台 |
| 121:4 | Lí khòaⁿ, pó-siú I-su-la-el ê Siōng-tè bô tuh-bîn, mā bô khùn-.khì. | 註釋 串珠 盧導讀台 |
| 121:5 | Pó-siú lí ê sī Siōng-chú; Siōng-chú tī lí ê chiàⁿ pêng chò lí ê ìm-ńg pó-hō͘ lí. | 註釋 串珠 盧導讀台 |
| 121:6 | Ji̍t-sî, ji̍t-thâu bē siong tio̍h lí; àm-sî, goe̍h-niû mā bē hāi lí. | 註釋 串珠 盧導讀台 |
| 121:7 | Siōng-chú ē pó-siú lí, hō͘ lí bián siū it-chhè ê chai-hāi; I ē pó-siú lí ê sèⁿ-miā. | 註釋 串珠 盧導讀台 |
| 121:8 | Lí chhut lí ji̍p, Siōng-chú ē pó-siú lí, tùi chit sî ti̍t-kàu éng-oán. | 註釋 串珠 盧導讀台 |