| 章節 | 全民台語聖經全羅經文 | 註釋 |
| 127:1 | O-ló Siōng-chú Chì-siān（Peh kiā-á ê si, Só͘-lô-móng só͘ chò. ）Chhù-the̍h nā m̄-sī Siōng-chú khí-chō, khí-chō ê lâng lô-khó͘ chiū bô chhái-kang; siâⁿ-tî nā m̄-sī Siōng-chú kò͘-siú, kò͘-siú ê lâng chiū pe̍h-pe̍h kéng-séng. | 註釋 串珠 盧導讀台 |
| 127:2 | Lín chá-chá khí-.lâi, òaⁿ-òaⁿ khì khùn, chia̍h lô-lo̍k só͘ tit tio̍h ê pn̄g mā sī bô chhái-kang. Siōng-chú só͘ thiàⁿ ê lâng, I ē hō͘ in hó khùn. | 註釋 串珠 盧導讀台 |
| 127:3 | Lí khòaⁿ, kiáⁿ-jî sī Siōng-chú siúⁿ-sù ê sán-gia̍p; hoâi-īn ê thai sī Siōng-chú siúⁿ-sù hō͘ i ê pò-siúⁿ. | 註釋 串珠 盧導讀台 |
| 127:4 | Siàu-liân ê sî só͘ seⁿ ê kiáⁿ, chhin-chhiūⁿ ióng-sū chhiú tiong ê chìⁿ. | 註釋 串珠 盧導讀台 |
| 127:5 | Chìⁿ-tē pá-pá ê lâng chin ū hok-khì; in tī siâⁿ mn̂g-kháu kah tùi-te̍k kóng-ōe tek-khak bē tì-kàu kiàn-siàu. | 註釋 串珠 盧導讀台 |