| 章節 | 全民台語聖經全羅經文 | 註釋 |
| 130:1 | Kiû-chō͘ ê Kî-tó（Peh kiā-á ê si. ）Siōng-chú ah, góa tùi chhim-ian kiû-kiò Lí! | 註釋 串珠 盧導讀台 |
| 130:2 | Chú ah, kiû Lí thiaⁿ góa ê siaⁿ! Goān Lí àⁿ hīⁿ-khang thiaⁿ góa khún-kiû ê siaⁿ! | 註釋 串珠 盧導讀台 |
| 130:3 | Chì-koân Siōng-chú ah, Lí nā tui-kiù chōe-ok, siáⁿ lâng khiā ē tiâu? | 註釋 串珠 盧導讀台 |
| 130:4 | Chóng-.sī, Lí ū sià-bián ê un-tián, thang hō͘ lâng kèng-ùi Lí. | 註釋 串珠 盧導讀台 |
| 130:5 | Góa thèng-hāu Siōng-chú, góa ê sim-sîn teh thèng-hāu; góa gióng-bōng I ê ōe. | 註釋 串珠 盧導讀台 |
| 130:6 | Góa ê sim-sîn teh thèng-hāu Chú, pí chiú-keⁿ ê lâng thèng-hāu thiⁿ-kng khah pek-chhiat, pí chiú-keⁿ ê lâng thèng-hāu thiⁿ-kng khah pek-chhiat. | 註釋 串珠 盧導讀台 |
| 130:7 | I-su-la-el, lí tio̍h gióng-bōng Siōng-chú! In-ūi Siōng-chú ū chû-ài, I ū hong-sēng ê kiù-sio̍k. | 註釋 串珠 盧導讀台 |
| 130:8 | I it-tēng ē kiù-sio̍k I-su-la-el, thoat-lī só͘-ū ê chōe-ok. | 註釋 串珠 盧導讀台 |