| 章節 | 全民台語聖經全羅經文 | 註釋 |
| 140:1 | Kî-kiû Pó-hō͘（ Ta-bi̍t ê si, kau hō͘ ga̍k-koaⁿ. ）Siōng-chú ah, kiû Lí kiù góa thoat-lī pháiⁿ lâng, pó-hō͘ góa thoat-lī hiong-ok ê lâng! | 註釋 串珠 盧導讀台 |
| 140:2 | In ê sim-lāi tô͘-bô͘ siâ-ok, tiāⁿtiāⁿ chū-chi̍p ài beh kau-chiàn. | 註釋 串珠 盧導讀台 |
| 140:3 | In hō͘ in ê chi̍h LBK kah chhin-chhiūⁿ chôa, chhùi-tûn ū to̍k-chôa ê to̍k. [Sè-la̍h] | 註釋 串珠 盧導讀台 |
| 140:4 | Siōng-chú ah, kiû Lí pó-siú góa thoat-lī pháiⁿ lâng ê chhiú, pó-hō͘ góa thoat-lī hiong-ok ê lâng! In siūⁿ beh chhia hō͘ góa poa̍h-tó. | 註釋 串珠 盧導讀台 |
| 140:5 | Kiau-ngō͘ ê lâng ūi góa thau-thau-á tiuⁿ oa̍h-tauh kah soh-á; in tī lō͘ piⁿ an lô-bāng, Siat khoan-thò beh hāi góa. [Sè-la̍h] | 註釋 串珠 盧導讀台 |
| 140:6 | Góa bat tùi Siōng-chú kóng: Lí sī góa ê Siōng-tè. Siōng-chú ah, kiû Lí àⁿ hīⁿ-khang thiaⁿ góa khún-kiû ê siaⁿ! | 註釋 串珠 盧導讀台 |
| 140:7 | Chì-koân Siōng-chú — góa kiù-un ê khùi-la̍t, tī kau-chiàn ê ji̍t, Lí pó-hō͘ góa ê thâu-khak. | 註釋 串珠 盧導讀台 |
| 140:8 | Siōng-chú ah, kiû Lí m̄ thang chiàu pháiⁿ lâng só͘ ì-ài ê; m̄ thang hō͘ in ê kè-bô͘ sêng-kong, tì-sú in ē kiau-ngō͘. [Sè-la̍h] | 註釋 串珠 盧導讀台 |
| 140:9 | Hiahê ûi-khùn góa ê lâng gia̍h thâu chū-ko, goān in chhùi-tûn ê siâ-ok hāi tio̍h in kakī! | 註釋 串珠 盧導讀台 |
| 140:10 | Goān jia̍t-jia̍t ê hóe-thòaⁿ lo̍h tī in ê sin chiūⁿ! Goān in hō͘ lâng hiat tī hóe-.ni̍h, hiat tī chhim kheⁿ lāi, bē koh khí-.lâi. | 註釋 串珠 盧導讀台 |
| 140:11 | Goān kóng pháiⁿ ōe ê lâng tī tē-chiūⁿ khiā bē tiâu; goān chai-eh jiok kiông-pō ê lâng, kā in lóng phah-tó. | 註釋 串珠 盧導讀台 |
| 140:12 | Góa chai Siōng-chú ē ūi khùn-khó͘ ê lâng sin-oan, ē ūi sànchhiah lâng chú-chhî kong-tō. | 註釋 串珠 盧導讀台 |
| 140:13 | Gī lâng it-tēng ē kám-siā Lí ê miâ; chèng-ti̍t ê lâng ē khiā tī Lí ê bīn-chêng. | 註釋 串珠 盧導讀台 |