| 章節 | 全民台語聖經全羅經文 | 註釋 |
| 142:1 | Kiû Chú Khòaⁿ-kò͘（ Ta-bi̍t tī tōng lāi ê sî, chò chit-siú kà-sī ê si, mā sī kî-tó. ）Góa tōa-siaⁿ kiû-kiò Siōng-chú, chhut siaⁿ khún-kiû Siōng-chú. | 註釋 串珠 盧導讀台 |
| 142:2 | Góa tī I ê bīn-chêng thò͘-chhut góa ê khó͘-chêng, góa tī I ê bīn-chêng pâi-lia̍t góa ê hoān-lān. | 註釋 串珠 盧導讀台 |
| 142:3 | Góa ê sim-sîn tī góa ê lāi-bīn hūn-.khì ê sî, Lí chai góa ê lō͘; tī góa teh kiâⁿ ê lō͘, in ūi tio̍h góa thau-thau-á tiuⁿ oa̍h-tauh. | 註釋 串珠 盧導讀台 |
| 142:4 | Kiû Lí ǹg góa ê chiàⁿ pêng lâi khòaⁿ, in-ūi bô lâng bat góa; góa bô tè thang tô-siám, mā bô lâng khòaⁿ-kò͘ góa. | 註釋 串珠 盧導讀台 |
| 142:5 | Siōng-chú ah, góa bat tùi Lí ai-kiû, kóng, Lí sī góa tô-siám ê só͘-chāi; tī oa̍h-lâng ê sè-kan, Lí sī góa ê ki-gia̍p. | 註釋 串珠 盧導讀台 |
| 142:6 | Kiû Lí àⁿ hīⁿ-khang thiaⁿ góa ê kiû-kiò, in-ūi góa hām-lo̍h kàu ke̍k pi-chhám ê tē-pō͘; kiû Lí kiù góa thoat-lī pek-hāi góa ê lâng, in-ūi in pí góa khah kiông. | 註釋 串珠 盧導讀台 |
| 142:7 | Kiû Lí chhōa góa chhut kaⁿ, góa chiū thang oló Lí ê miâ; gī lâng ē ûi tī góa ê sin piⁿ, in-ūi Lí ēng un-tián khoán-thāi góa. | 註釋 串珠 盧導讀台 |