| 章節 | 全民台語聖經全羅經文 | 註釋 |
| 143:1 | Kiû Chú Pang-chō͘（ Ta-bi̍t ê si. ）Siōng-chú ah, kiû Lí thiaⁿ góa ê kî-tó, àⁿ hīⁿ-khang thiaⁿ góa ê khún-kiû; chiàu Lí ê sìn-si̍t, chiàu Lí ê kong-gī lâi ìn-tap góa. | 註釋 串珠 盧導讀台 |
| 143:2 | Kiû Lí m̄ thang sím-mn̄g Lí ê lô͘-po̍k, in-ūi tī Lí ê bīn-chêng, oa̍h-.leh ê lâng bô chi̍t-ê sī gī lâng. | 註釋 串珠 盧導讀台 |
| 143:3 | Tùi-te̍k pek-hāi góa, kā góa ê chi̍t tiâu miā phah-tó tī thô͘-kha, hō͘ góa tiàm tī o͘-àm ê só͘-chāi, chhin-chhiūⁿ sí-khì chin kú ê lâng. | 註釋 串珠 盧導讀台 |
| 143:4 | Só͘-í, góa ê sîn-hûn tī góa ê lāi-bīn hūn-.khì; góa ê sim-sîn tī góa ê lāi-bīn kiaⁿ kah phi̍h-phi̍h chhoah. | 註釋 串珠 盧導讀台 |
| 143:5 | Góa ē kì-tit kó͘-chá ê ji̍t-chí, góa siàu-liām Lí it-chhè ê chok-ûi, tiām-tiām su-sióng Lí chhiú ê só͘ chò. | 註釋 串珠 盧導讀台 |
| 143:6 | Góa ǹg Lí gia̍h-khí chhiú, góa ê sim him-bō͘ Lí, chhin-chhiūⁿ khòng-ōaⁿ ê tē teh thèng-hāu hō͘-chúi. [Sè-la̍h] | 註釋 串珠 盧導讀台 |
| 143:7 | Siōng-chú ah, kiû Lí kóaⁿ-kín ìn-tap góa! Góa ê sim-sîn hùi liáu-liáu, kiû Lí m̄ thang tùi góa am bīn! Βián-tit góa chhin-chhiūⁿ sí-lâng lo̍h bōng. | 註釋 串珠 盧導讀台 |
| 143:8 | Kiû Lí hō͘ góa chá-khí sî thiaⁿ tio̍h Lí chû-ài ê siaⁿ, in-ūi góa óa-khò Lí; kiû Lí hō͘ góa chai eng-kai kiâⁿ ê lō͘, in-ūi góa ê sim gióng-bōng Lí. | 註釋 串珠 盧導讀台 |
| 143:9 | Siōng-chú ah, kiû Lí kiù góa thoat-lī góa ê tùi-te̍k! Hō͘ góa cháu-khì bih tī Lí hia. | 註釋 串珠 盧導讀台 |
| 143:10 | Lí sī góa ê Siōng-tè, kiû Lí kà-sī góa chun-hêng Lí ê chí-ì; Lí sī hó ê Siōng-tè, kiû Lí chhōa góa kiâⁿ pêⁿ-tháⁿ ê lō͘. | 註釋 串珠 盧導讀台 |
| 143:11 | Siōng-chú ah, kiû Lí ūi tio̍h Lí ê miâ hō͘ góa oa̍h lo̍h-.khì, chiàu Lí ê kong-gī chhōa góa thoat-lī hoān-lān. | 註釋 串珠 盧導讀台 |
| 143:12 | Chiàu Lí ê chû-ài tû-khì góa ê tùi-te̍k, châu-bia̍t só͘-ū khó͘-to̍k góa ê lâng, in-ūi góa sī Lí ê lô͘-po̍k. | 註釋 串珠 盧導讀台 |