| 章節 | 全民台語聖經全羅經文 | 註釋 |
| 145:1 | O-ló ê Si-koa（ Ta-bi̍t oló ê si. ）Góa ê Siōng-tè — góa ê ông ah, góa beh chun Lí chò koân! Góa beh éng-oán oló Lí ê miâ! | 註釋 串珠 盧導讀台 |
| 145:2 | Góa beh ji̍t-ji̍t kám-siā Lí, mā beh éng-oán oló Lí ê miâ. | 註釋 串珠 盧導讀台 |
| 145:3 | Siōng-chú chì-tōa, eng-kai siū tōa oló; I ê úi-tāi bô hoat-tō͘ chhek-to̍k. | 註釋 串珠 盧導讀台 |
| 145:4 | Chit tāi beh tùi hit tāi oló Lí ê chok-ûi, mā beh soan-iông Lí tōa koân-lêng ê tāichì. | 註釋 串珠 盧導讀台 |
| 145:5 | Góa beh tiām-tiām-á su-sióng Lí chun-kùi êng-kng ê ui-giâm kah Lí kî-biāu ê chok-ûi. | 註釋 串珠 盧導讀台 |
| 145:6 | Lâng-lâng beh kóng-khí Lí thang kiaⁿ-ùi ê tōa koân-lêng; góa mā beh soan-iông Lí ê chì-tōa chok-ûi. | 註釋 串珠 盧導讀台 |
| 145:7 | In beh soan-iông Lí ke̍k tōa ê un-tián, mā beh chhiùⁿ koa oló Lí ê kong-gī. | 註釋 串珠 盧導讀台 |
| 145:8 | Siōng-chú ū un-hūi, ū liân-bín; bô khoài siū-khì, ū tōa chû-ài. | 註釋 串珠 盧導讀台 |
| 145:9 | Siōng-chú hó khoán-thāi bān-bîn; I ê liân-bín tì-ìm I só͘ chō ê it-chhè. | 註釋 串珠 盧導讀台 |
| 145:10 | Siōng-chú ah, Lí só͘ chō ê it-chhè beh kám-siā Lí; Lí sèng ê chú-bîn mā beh oló Lí. | 註釋 串珠 盧導讀台 |
| 145:11 | In kóng-khí Lí kok-tō͘ ê êng-kng, tâm-lūn Lí ê tōa koân-lêng, | 註釋 串珠 盧導讀台 |
| 145:12 | Thang hō͘ sè-kan lâng chai Lí tōa koân-lêng ê chok-ûi, chai Lí kok-tō͘ ê ui-giâm kah êng-kng. | 註釋 串珠 盧導讀台 |
| 145:13 | Lí ê kok-tō͘ éng-oán chûn-chāi! Lí 執 chiáng ê koân pèⁿ kàu bān-sè-tāi! | 註釋 串珠 盧導讀台 |
| 145:14 | Poa̍h-tó ê lâng, Siōng-chú ē kā in hû-chhî; siū ap-chè ê lâng, I kā in hû khí-.lâi. | 註釋 串珠 盧導讀台 |
| 145:15 | Só͘-ū ê oa̍h-mi̍h lóng gióng-bōng Lí; Lí chiàu-sî hō͘ in chia̍h-mi̍h. | 註釋 串珠 盧導讀台 |
| 145:16 | Lí khui Lí ê chhiú, hō͘ só͘-ū ê oa̍h-mi̍h lóng chiàu só͘ ì-ài ê lâi tit tio̍h pá-chiok. | 註釋 串珠 盧導讀台 |
| 145:17 | Siōng-chú it-chhè ê chok-ûi lóng sī kong-gī; I it-chhè ê só͘ chò lóng ū chû-ài. | 註釋 串珠 盧導讀台 |
| 145:18 | Hoān-nā kiû-kiò Siōng-chú ê lâng, Siōng-chú kah in chhin-kīn, to̍h-sī chhin-kīn hiahê sêng-si̍t kiû-kiò I ê lâng. | 註釋 串珠 盧導讀台 |
| 145:19 | Kèng-ùi I ê lâng, I ē hō͘ in ê sim-goān tit chiâⁿ, mā ē thiaⁿ in ê kiû-kiò lâi kā in chín-kiù. | 註釋 串珠 盧導讀台 |
| 145:20 | Siōng-chú pó-hō͘ só͘-ū thiàⁿ I ê lâng, chóng-.sī, só͘-ū chò pháiⁿ ê lâng, I ē kā in siau-bia̍t. | 註釋 串珠 盧導讀台 |
| 145:21 | Góa ê chhùi beh kóng-chhut oló Siōng-chú ê ōe; goān it-chhè ū hiat-khì ê lóng éng-oán oló I ê sèng-miâ. | 註釋 串珠 盧導讀台 |