| 章節 | 全民台語聖經全羅經文 | 註釋 |
| 146:1 | O-ló Siōng-chú ê Pang-chō͘Lín tio̍h oló Siōng-chú! Góa ê sim-sîn, lí tio̍h oló Siōng-chú! | 註釋 串珠 盧導讀台 |
| 146:2 | Góa chi̍t-sì-lâng beh oló Siōng-chú! Góa iáu oa̍h-.leh ê sî, beh chhiùⁿ koa oló góa ê Siōng-tè! | 註釋 串珠 盧導讀台 |
| 146:3 | Lín m̄ thang óa-khò kun-ông, m̄ thang óa-khò sè-kan lâng; In chi̍t-tiám-á to bē tàng pang-chān. | 註釋 串珠 盧導讀台 |
| 146:4 | I chi̍t-ē tn̄g-khùi chiū kui thó͘; i ê kè-ōe tī hit ji̍t chiū piàn khang-khang. | 註釋 串珠 盧導讀台 |
| 146:5 | Ū Iâ-kop ê Siōng-tè chò i ê pang-chān ê lâng ū hok-khì! Gióng-bōng i ê Siōng-tè — Siōng-chú ê lâng ū hok-khì! | 註釋 串珠 盧導讀台 |
| 146:6 | I chhòng-chō thiⁿ, tē, hái kah kî-tiong ê bān-mi̍h; I pó-siú sìn-si̍t kàu tī éng-oán. | 註釋 串珠 盧導讀台 |
| 146:7 | I ūi tio̍h siū oan-óng ê lâng sin-oan, siúⁿ-sù chia̍h-mi̍h hō͘ iau-gō ê. Siōng-chú tháu-pàng siū koaiⁿ-kaⁿ ê lâng, | 註釋 串珠 盧導讀台 |
| 146:8 | Siōng-chú khui chheⁿmê lâng ê ba̍k-chiu, Siōng-chú hû-khí siū ap-chè ê lâng. Siōng-chú thiàⁿ-sioh gī lâng. | 註釋 串珠 盧導讀台 |
| 146:9 | Siōng-chú pó-hō͘ chhut-gōa lâng, Siōng-chú hû-chhî ko͘-jî, kóaⁿ-hū; chóng-.sī, I ē hō͘ pháiⁿ lâng ê tō-lō͘ oan-khiau. | 註釋 串珠 盧導讀台 |
| 146:10 | Siōng-chú ē chò ông kàu éng-oán! Si-óng, lí ê Siōng-tè ē chò ông kàu bān-sè-tāi! Lín tio̍h oló Siōng-chú! | 註釋 串珠 盧導讀台 |