| 章節 | 全民台語聖經全羅經文 | 註釋 |
| 148:1 | Chio Choân tē O-ló Siōng-chúLín tio̍h oló Siōng-chú! Tùi thiⁿ-téng oló Siōng-chú, tī koân ê só͘-chāi oló I! | 註釋 串珠 盧導讀台 |
| 148:2 | I ê chèng sù-chiá, lín tio̍h oló I! I ê chèng thian-kun, lín tio̍h oló I! | 註釋 串珠 盧導讀台 |
| 148:3 | Ji̍t kah goe̍h, lín tio̍h oló I! Hoat-kng ê chheⁿ-sîn, lín lóng tio̍h oló I! | 註釋 串珠 盧導讀台 |
| 148:4 | Thiⁿ téng ê thiⁿ kah thiⁿ téng-bīn ê chúi, lín lóng tio̍h oló I! | 註釋 串珠 盧導讀台 |
| 148:5 | Chiahê lóng tio̍h oló Siōng-chú ê miâ! In-ūi I chi̍t ē bēng-lēng, it-chhè chiū lóng siū chhòng-chō. | 註釋 串珠 盧導讀台 |
| 148:6 | I kā chiahê kiàn-li̍p kàu éng-éng oán-oán; I ū tēng-lē, bē tàng hùi-tû. | 註釋 串珠 盧導讀台 |
| 148:7 | Tùi tē-chiūⁿ tio̍h oló Siōng-chú, to̍h-sī tōa hî kah só͘-ū ê chhim-ian; | 註釋 串珠 盧導讀台 |
| 148:8 | Hóe kah peng-pha̍uh, seh kah hûn-bū, í-ki̍p sūn-chiông I ê ōe ê kông hong, | 註釋 串珠 盧導讀台 |
| 148:9 | Tōa soaⁿ kah só͘-ū ê sió soaⁿ, kiat kóe-chí ê chhiū kah só͘-ū ê pek-hiuⁿ chhiū, | 註釋 串珠 盧導讀台 |
| 148:10 | Iá-siù kah só͘-ū ê chengseⁿ, thâng-thōa kah poe-chiáu; | 註釋 串珠 盧導讀台 |
| 148:11 | Sè-chiūⁿ ê kun-ông kah bān-bîn, kùi-cho̍k kah sè-chiūⁿ só͘-ū ê sím-phòaⁿ-koaⁿ, | 註釋 串珠 盧導讀台 |
| 148:12 | Siàu-liân lâng kah chāi-sek-lí, lāu lâng kah gín'á, | C註釋 註釋 串珠 盧導讀台 |
| 148:13 | Chiahê lóng tio̍h oló Siōng-chú ê miâ, in-ūi chí ū I ê miâ siū chun-chông; I ê êng-kng pôaⁿ-kòe thiⁿ-tē. | 註釋 串珠 盧導讀台 |
| 148:14 | I heng-khí I ê chú-bîn ê kak, hō͘ I sèng ê chú-bîn, to̍h-sī chhin-kīn Chú hiahê I-su-la-el lâng lóng oló I. Lín tio̍h oló Siōng-chú! | 註釋 串珠 盧導讀台 |