| 章節 | 全民台語聖經全羅經文 | 註釋 |
| 7:1 | Siōng-chú tùi Mô͘-se kóng, " Lí khòaⁿ, Góa beh hō͘ lí tī Hôa-láu ê bīn-chêng kahná Siōng-tè, hō͘ lí ê a-hiaⁿ A-lông chò lí ê sian-ti. | 註釋 串珠 盧俊義 盧華 盧導讀台 |
| 7:2 | Kiàn-nā Góa só͘ hoan-hù lí ê, lí lóng tio̍h kóng. Lí ê a-hiaⁿ A-lông tio̍h tùi Hôa-láu kóng, hō͘ i chún I-su-la-el lâng lī-khui i ê tē. | 註釋 串珠 盧俊義 盧華 盧導讀台 |
| 7:3 | Góa beh hō͘ Hôa-láu ê sim ngē, mā beh tī Ai-gi̍p tē kiâⁿ Góa chin chē ê sîn-jiah kî-sū. | 註釋 串珠 盧俊義 盧華 盧導讀台 |
| 7:4 | Chóng-.sī, Hôa-láu bô beh thiaⁿ lín ê ōe, Góa ē chhun Góa ê chhiú tī Ai-gi̍p, ēng tōa ê sím-phòaⁿ chhōa Góa ê kun-tūi, Góa ê chú-bîn — I-su-la-el lâng chhut Ai-gi̍p tē. | 註釋 串珠 盧俊義 盧華 盧導讀台 |
| 7:5 | Góa chhun Góa ê chhiú tī Ai-gi̍p, chhōa I-su-la-el lâng tùi in tiong-kan chhut-.lâi ê sî, Ai-gi̍p lâng chiū ē chai Góa sī Siōng-chú. " | 註釋 串珠 盧俊義 盧華 盧導讀台 |
| 7:6 | Mô͘-se kah A-lông chiū chiàu ánne khì chò, Siōng-chú án-chóaⁿ kā in hoan-hù, in chiū chiàu ánne khì chò. | 註釋 串珠 盧俊義 盧華 盧導讀台 |
| 7:7 | In kah Hôa-láu kóng-ōe ê sî, Mô͘-se peh-cha̍p hòe, A-lông peh-cha̍p saⁿ hòe. | 註釋 串珠 盧俊義 盧華 盧導讀台 |
| 7:8 | A-lông ê Koái-áSiōng-chú tùi Mô͘-se kah A-lông kóng, | 註釋 串珠 盧俊義 盧華 盧導讀台 |
| 7:9 | Hôa-láu nā tùi lín kóng, ' Lín tio̍h kiâⁿ chi̍t kiāⁿ kî-sū lâi khòaⁿ-māi chi̍t ē. ' Lí tio̍h tùi A-lông kóng, ' Gia̍h lí ê koái-á lâi hiat tī Hôa-láu ê bīn-chêng, hō͘ i piàn-chò chôa. '" | 註釋 串珠 盧俊義 盧華 盧導讀台 |
| 7:10 | Mô͘-se kah A-lông ji̍p-khì kìⁿ Hôa-láu, chiū chiàu Siōng-chú só͘ hoan-hù ê khì chò. A-lông kā i ê koái-á hiat tī Hôa-láu kah i ê jîn-sîn bīn-chêng, koái-á chiū piàn-chò chôa. | 註釋 串珠 盧俊義 盧華 盧導讀台 |
| 7:11 | Hôa-láu mā tiàu tì-hūi ê lâng kah sai-kong lâi, in sī Ai-gi̍p ê chheⁿ-siōng-ka, mā ēng in ê siâ-su̍t chiàu ánne chok-hoat. | 註釋 串珠 盧俊義 盧華 盧導讀台 |
| 7:12 | In ta̍k lâng hiat in ê koái-á, lóng piàn-chò chôa; chóng-.sī, A-lông ê koái-á kā in ê koái-á thun-chia̍h lo̍h-.khì. | 註釋 串珠 盧俊義 盧華 盧導讀台 |
| 7:13 | Hôa-láu ê sim ngē, bô beh thiaⁿ in, tútú chiàu Siōng-chú só͘ kóng ê. | 註釋 串珠 盧俊義 盧華 盧導讀台 |
| 7:14 | Ai-gi̍p Tú tio̍h Chai-lān — Hoeh ê Chai-lānSiōng-chú tùi Mô͘-se kóng, " Hôa-láu ê sim kò͘-chi̍p, i m̄-chún jîn-bîn lī-khui. | 註釋 串珠 盧俊義 盧華 盧導讀台 |
| 7:15 | Thiⁿ-kng chá-khí, lí khì kìⁿ Hôa-láu, lí khòaⁿ, i chhut-khì chúi piⁿ, lí tio̍h khiā tī hô piⁿ tán i, lí ê chhiú tio̍h gia̍h hit ki piàn chôa ê koái-á, | 註釋 串珠 盧俊義 盧華 盧導讀台 |
| 7:16 | Tùi i kóng, ' Siōng-chú — Hi-bú-lâi lâng ê Siōng-tè chhe góa lâi kìⁿ lí, kóng, chún Góa ê chú-bîn lī-khui, thang tī khòng-iá ho̍k-sāi Góa. Lí khòaⁿ, kàu taⁿ lí iáu m̄-thiaⁿ ōe. | 註釋 串珠 盧俊義 盧華 盧導讀台 |
| 7:17 | Siōng-chú ánne kóng, lí ē tùi chit kiāⁿ sū lâi chai Góa sī Siōng-chú. Lí khòaⁿ, góa beh ēng góa chhiú-.ni̍h ê koái-á phah hô tiong ê chúi, chúi chiū ē piàn-chò hoeh; | 註釋 串珠 盧俊義 盧華 盧導讀台 |
| 7:18 | Hô-.ni̍h ê hî ē sí, hô chúi mā ē piàn chhàu-bī, Ai-gi̍p lâng chiū ē thó-ià lim hô ê chúi. '" | 註釋 串珠 盧俊義 盧華 盧導讀台 |
| 7:19 | Siōng-chú tùi Mô͘-se kóng, " Lí tio̍h kā A-lông kóng, ' Gia̍h lí ê koái-á, chhun lí ê chhiú tī Ai-gi̍p chiahê chúi ê téng-bīn, to̍h-sī tī in ê kang, hô, tî kah só͘-ū ê chúi-khut téng-bīn, hō͘ in lóng piàn-chò hoeh. Tī Ai-gi̍p choân tē, bô-lūn chhâ-ê khì-kū, á-.sī chio̍h ê khì-kū lóng ē ū hoeh. '" | 註釋 串珠 盧俊義 盧華 盧導讀台 |
| 7:20 | Mô͘-se kah A-lông chiū ánne chò, chiàu Siōng-chú só͘ hoan-hù ê, tī Hôa-láu kah i ê jîn-sîn ê bīn-chêng gia̍h-khí koái-á, phah hô-.ni̍h ê chúi, hô-.ni̍h ê chúi chiū lóng piàn-chò hoeh. | 註釋 串珠 盧俊義 盧華 盧導讀台 |
| 7:21 | Hô-.ni̍h ê hî lóng sí, hô chúi mā khí chhàu-bī, Ai-gi̍p lâng bē tàng lim hô-.ni̍h ê chúi, Ai-gi̍p ê choân tē lóng ū hoeh. | 註釋 串珠 盧俊義 盧華 盧導讀台 |
| 7:22 | Ai-gi̍p ê chheⁿ-siōng-ka mā ēng in ê siâ-su̍t chiàu ánne kiâⁿ, Hôa-láu ê sim ngē, m̄-thiaⁿ in, tútú chiàu Siōng-chú só͘ kóng ê. | 註釋 串珠 盧俊義 盧華 盧導讀台 |
| 7:23 | Hôa-láu tńg-khì i ê kiong lāi, chit-ê tāichì i mā bô khòa-sim. | 註釋 串珠 盧俊義 盧華 盧導讀台 |
| 7:24 | Ai-gi̍p lâng tī hô ê siang pêng ku̍t tē, ài beh tit tio̍h chúi thang lim, in-ūi hô ê chúi in bē lim-.tit. | 註釋 串珠 盧俊義 盧華 盧導讀台 |
| 7:25 | Siōng-chú phah hô liáu-āu keng-kòe chhit kang. | 註釋 串珠 盧俊義 盧華 盧導讀台 |