| 章節 | 全民台語聖經全羅經文 | 註釋 |
| 8:1 | Chhân-kap-á ê Chai-lānSiōng-chú kā Mô͘-se kóng, " Lí ji̍p-khì kìⁿ Hôa-láu, kā i kóng, ' Siōng-chú ánne kóng, chún Góa ê chú-bîn lī-khui, thang ho̍k-sāi Góa. | 註釋 串珠 盧俊義 盧華 盧導讀台 |
| 8:2 | Lí nā m̄-chún in lī-khui, lí khòaⁿ, Góa beh hō͘ chhân-kap-á phah-pháiⁿ lí ê kéng lāi. | 註釋 串珠 盧俊義 盧華 盧導讀台 |
| 8:3 | Hô ē seⁿ-thòaⁿ chhân-kap-á, in ē khí-lâi ji̍p-khì lí ê kiong-tiān, lí ê khùn-pâng, chiūⁿ lí ê bîn-chhn̂g, ji̍p-khì lí ê jîn-sîn ê chhù, chiūⁿ lí ê jîn-bîn ê seng-khu, ji̍p-khì lí ê chàu-khang kah lí chhiau mī ê khì-kū. | 註釋 串珠 盧俊義 盧華 盧導讀台 |
| 8:4 | Koh ē chiūⁿ-khì lí kah lí ê jîn-bîn, í-ki̍p lí chèng jîn-sîn ê seng-khu. '" | 註釋 串珠 盧俊義 盧華 盧導讀台 |
| 8:5 | Siōng-chú tùi Mô͘-se kóng, " Lí kā A-lông kóng, ' Lí ê chhiú gia̍h koái-á, chhun tī kang, hô kah tî ê téng-bīn, hō͘ chhân-kap-á khí-lâi Ai-gi̍p tē. '" | 註釋 串珠 盧俊義 盧華 盧導讀台 |
| 8:6 | A-lông chiū chhun i ê chhiú tī Ai-gi̍p chiahê chúi ê téng-bīn, chhân-kap-á chiū khí-lâi jia-khàm choân Ai-gi̍p tē. | 註釋 串珠 盧俊義 盧華 盧導讀台 |
| 8:7 | Phok-sū ēng in ê siâ-su̍t mā ánne chò, hō͘ chhân-kap-á khí-lâi Ai-gi̍p tē. | 註釋 串珠 盧俊義 盧華 盧導讀台 |
| 8:8 | Hôa-láu kiò Mô͘-se kah A-lông, kóng, " Chhiáⁿ lín kiû Siōng-chú hō͘ chiahê chhân-kap-á lī-khui góa kah góa ê jîn-bîn, góa chiū chún chiahê jîn-bîn thang khì chè-sū Siōng-chú. " | 註釋 串珠 盧俊義 盧華 盧導讀台 |
| 8:9 | Mô͘-se tùi Hôa-láu kóng, " Góa chun-chiàu lí ê ì-sù, góa tio̍h ūi lí kah lí ê jîn-sîn, í-ki̍p lí ê jîn-bîn, kî-kiû tī tang-sî thang tû-bia̍t chhân-kap-á lâi lī-khui lí kah lí hiahê chhù, chí ū lâu tī hô-.ni̍h? " | 註釋 串珠 盧俊義 盧華 盧導讀台 |
| 8:10 | Hôa-láu kóng, " Bîn-á-chài. " Mô͘-se kóng, " Τhang chiàu lí ê ōe, hō͘ lí chai goán ê Siōng-tè — Siōng-chú bô chi̍t-ê ē pí-phēng-.tit. | 註釋 串珠 盧俊義 盧華 盧導讀台 |
| 8:11 | Chhân-kap-á ē lī-khui lí kah lí hiahê chhù kah lí ê jîn-sîn, í-ki̍p lí ê jîn-bîn, chí ū lâu tī hô-.ni̍h. " | 註釋 串珠 盧俊義 盧華 盧導讀台 |
| 8:12 | Mô͘-se kah A-lông lī-khui Hôa-láu chhut-.khì, Mô͘-se ūi tio̍h I só͘ chhe lâi hāi Hôa-láu ê chhân-kap-á, kiû-kiò Siōng-chú. | 註釋 串珠 盧俊義 盧華 盧導讀台 |
| 8:13 | Siōng-chú chiū chiàu Mô͘-se ê ōe lâi kiâⁿ, kiàn-nā tī chhù lāi, īⁿ tiong, chhân-.ni̍h ê chhân-kap-á lóng sí. | 註釋 串珠 盧俊義 盧華 盧導讀台 |
| 8:14 | Lâng kā in khioh kui tui, choân tē lóng chhàu-bī. | 註釋 串珠 盧俊義 盧華 盧導讀台 |
| 8:15 | Hôa-láu khòaⁿ tio̍h chai-hō ū khah kiám khin, chiū koh ngē i ê sim, m̄-thiaⁿ in ê ōe, tútú chiàu Siōng-chú só͘ kóng ê. | 註釋 串珠 盧俊義 盧華 盧導讀台 |
| 8:16 | Sat-bó ê Chai-lānSiōng-chú tùi Mô͘-se kóng, " Lí kā A-lông kóng, ' Chhun-chhut lí ê koái-á, phah tē-.ni̍h ê thô͘-soa hún, hō͘ i tī Ai-gi̍p choân tē piàn-chò sat-bó. '" | 註釋 串珠 盧俊義 盧華 盧導讀台 |
| 8:17 | In chiū ánne chò, A-lông gia̍h koái-á, chhun chhiú phah tē-.ni̍h ê thô͘-soa hún, chiū tī lâng kah chengseⁿ ê seng-khu lóng ū sat-bó, tē-.ni̍h ê thô͘-soa hún tī Ai-gi̍p choân tē lóng piàn-chò sat-bó. | 註釋 串珠 盧俊義 盧華 盧導讀台 |
| 8:18 | Phok-sū mā ēng in ê siâ-su̍t chiàu ánne chò, ài seⁿ-chhut sat-bó, chóng-.sī, bô hoat-tō͘. Hit sî, chiū ánne, tī lâng kah chengseⁿ ê seng-khu lóng ū sat-bó. | 註釋 串珠 盧俊義 盧華 盧導讀台 |
| 8:19 | Phok-sū tùi Hôa-láu kóng, " Che sī Siōng-tè ê chhiú-tōaⁿ. " Hôa-láu ê sim ngē, m̄-thiaⁿ in ê ōe, tútú chiàu Siōng-chú só͘ kóng ê. | 註釋 串珠 盧俊義 盧華 盧導讀台 |
| 8:20 | Hô͘-sîn ê Chai-lānSiōng-chú kā Mô͘-se kóng, " Lí thàu-chá khí-.lâi, lí khòaⁿ, Hôa-láu beh kàu chúi piⁿ, lí khiā tī i ê bīn-thâu-chêng, kā i kóng, ' Siōng-chú ánne kóng, chún Góa ê chú-bîn lī-khui, thang lâi ho̍k-sāi Góa. | 註釋 串珠 盧俊義 盧華 盧導讀台 |
| 8:21 | Lí nā m̄-chún Góa ê jîn-bîn khì, Góa beh chhe kui tīn ê hô͘-sîn kàu lí kah lí ê jîn-sîn hia, í-ki̍p lí ê jîn-bîn, mā ē ji̍p-khì lí hiahê chhù, koh ū Ai-gi̍p lâng ê chhù kah in só͘ tòa ê só͘-chāi, lóng ē ū kui tīn ê hô͘-sîn móa-móa. | 註釋 串珠 盧俊義 盧華 盧導讀台 |
| 8:22 | Tng hit ji̍t, Góa ē hun-pia̍t Góa ê jîn-bîn só͘ tòa ê Go-sián tē, tī hia bē ū kui tīn ê hô͘-sîn, thang hō͘ lí chai-iáⁿ Góa tī thian-hā chò Siōng-chú. | 註釋 串珠 盧俊義 盧華 盧導讀台 |
| 8:23 | Góa ē hun-pia̍t góa ê jîn-bîn kah lí ê jîn-bîn, bîn-á-chài ē ū chit-ê sîn-jiah. '" | 註釋 串珠 盧俊義 盧華 盧導讀台 |
| 8:24 | Siōng-chú ánne chò, chiū ū hô͘-sîn kui tōa-tīn lâi ji̍p Hôa-láu ê kiong-tiān kah i ê jîn-sîn ê chhù, í-ki̍p Ai-gi̍p choân tē; tē in-ūi chiahê kui tīn ê hô͘-sîn lâi siū pāi-hoāi. | 註釋 串珠 盧俊義 盧華 盧導讀台 |
| 8:25 | Hôa-láu kiò Mô͘-se kah A-lông lâi, kóng, " Lín khì, tī chit-ê tē chè-sū lín ê Siōng-tè! " | 註釋 串珠 盧俊義 盧華 盧導讀台 |
| 8:26 | Mô͘-se kóng, " Án-ne chò bô sek-ha̍p, in-ūi goán ē ēng Ai-gi̍p lâng só͘ thó-ià ê mi̍h chè-sū Siōng-chú — goán ê Siōng-tè; goán nā tī Ai-gi̍p lâng ê ba̍k-chiu chêng, ēng in só͘ thó-ià ê mi̍h lâi hiàn chè, in kám bē ēng chio̍h-thâu kā goán tìm? | 註釋 串珠 盧俊義 盧華 盧導讀台 |
| 8:27 | Goán beh khì khòng-iá, kiâⁿ saⁿ ji̍t ê lō͘-thêng, chè-sū goán ê Siōng-tè — Siōng-chú, chiàu I só͘ hoan-hù goán ê. " | 註釋 串珠 盧俊義 盧華 盧導讀台 |
| 8:28 | Hôa-láu kóng, " Góa ē chún lín khì, tī khòng-iá chè-sū Siōng-chú — lín ê Siōng-tè, to̍k-to̍k m̄ thang khì hn̄g, lín tio̍h thè góa kî-tó. " | 註釋 串珠 盧俊義 盧華 盧導讀台 |
| 8:29 | Mô͘-se kóng, " Góa beh tùi lí chia chhut-.khì, mā beh kiû Siōng-chú hō͘ kui tīn ê hô͘-sîn bîn-á-chài lī-khui Hôa-láu kah i ê jîn-sîn, í-ki̍p i ê jîn-bîn; chóng-.sī, Hôa-láu m̄ thang koh kúi-chà, m̄-chún jîn-bîn lī-khui khì chè-sū Siōng-chú. " | 註釋 串珠 盧俊義 盧華 盧導讀台 |
| 8:30 | Mô͘-se chiū tùi Hôa-láu hia chhut-.khì, tùi Siōng-chú kî-tó. | 註釋 串珠 盧俊義 盧華 盧導讀台 |
| 8:31 | Siōng-chú chiū chiàu Mô͘-se ê ōe kiâⁿ, hō͘ kui tīn ê hô͘-sîn lī-khui Hôa-láu kah i ê jîn-sîn, í-ki̍p i ê jîn-bîn, bô lâu kah pòaⁿ chiah. | 註釋 串珠 盧俊義 盧華 盧導讀台 |
| 8:32 | Chit pái Hôa-láu koh ngē i ê sim, m̄-chún jîn-bîn lī-khui. | 註釋 串珠 盧俊義 盧華 盧導讀台 |