| 章節 | 全民台語聖經全羅經文 | 註釋 |
| 11:1 | Hô-pêng ê Kok-kaTùi I-é-sái ê chhiū thâu ē hoat chi̍t ki íⁿ, tùi i ê kin só͘ seⁿ ê ki ē kiat kóe-chí. | 註釋 串珠 盧俊義 小組 盧導讀台 |
| 11:2 | Siōng-tè ê Sèng Sîn ē tiàm tī i, to̍h-sī tì-hūi kah chhong-bêng ê Sèng Sîn, kè-ōe kah lêng-le̍k ê Sèng Sîn, tì-sek kah kèng-ùi Siōng-tè ê Sèng Sîn. | 註釋 串珠 盧俊義 小組 盧導讀台 |
| 11:3 | I ē lia̍h kèng-ùi Siōng-chú chò hoaⁿ-hí; i m̄-sī pîn ba̍k-chiu só͘ khòaⁿ-.tio̍h ê lâi sím-phòaⁿ, mā m̄-sī pîn hīⁿ-khang só͘ thiaⁿ-.tio̍h ê lâi phòaⁿ-toàn; | 註釋 串珠 盧俊義 小組 盧導讀台 |
| 11:4 | I ē ēng kong-gī sím-phòaⁿ sànchhiah lâng, ēng chèng-ti̍t phòaⁿ-toàn sè-chiūⁿ khiam-pi ê lâng. Ēng chhùi tiong ê koái-á phah sè-kài, ēng chhùi-tûn ê khùi thâi-sí pháiⁿ lâng. | 註釋 串珠 盧俊義 小組 盧導讀台 |
| 11:5 | Kong-gī ē chò i ê io-tòa, sìn-si̍t ē chò i ê seng-khu ê tòa. | 註釋 串珠 盧俊義 小組 盧導讀台 |
| 11:6 | Chhâi-lông ē kah mî-iûⁿ-á chò-hóe tòa, pà kah soaⁿ-iûⁿ kiáⁿ chò-hóe tó-.leh. Gû-á, sè-chiah sai kah pûi ê chengseⁿ, sè-hàn gín'á ē khan in. | 註釋 串珠 盧俊義 小組 盧導讀台 |
| 11:7 | Gû kah hîm ē chò-hóe chia̍h; in ê kiáⁿ ē chò-hóe tó-.leh. Sai ē chia̍h chháu chhin-chhiūⁿ gû. | 註釋 串珠 盧俊義 小組 盧導讀台 |
| 11:8 | Chia̍h leng ê gín'á ē tī ok-chôa ê khang-kháu chhitthô; tn̄g leng ê gín'á ē kā chhiú hē tī to̍k-chôa ê hia̍t. | 註釋 串珠 盧俊義 小組 盧導讀台 |
| 11:9 | Tī góa ê sèng-soaⁿ ê choân tē, it-tēng bô sún-siong, bô hām-hāi; in-ūi lâng jīn-bat Siōng-chú ê tì-sek ē chhiong-móa tē-chiūⁿ, chhin-chhiūⁿ chúi kā hái-iûⁿ im-móa. | 註釋 串珠 盧俊義 小組 盧導讀台 |
| 11:10 | Liû-bông ê Jîn-bîn Hôe-hiongKàu hit ji̍t, I-é-sái ê kin-thâu khiā chò bān-bîn ê tōa kî, lia̍t pang ē kui-óa Siōng-tè; i an-hioh ê só͘-chāi ū tōa êng-kng. | 註釋 串珠 盧俊義 小組 盧導讀台 |
| 11:11 | Tng hit ji̍t, Chú ē tē-jī pái chhun chhiú kiù-sio̍k I ê chú-bîn tiong só͘ chhun lo̍h-.lâi ê, hō͘ in tùi A-siul, Ai-gi̍p, Pa-thó-loh, Kú-si̍t, Ê-lám, Sī-nal kah Ha-mat, í-ki̍p chèng tó-sū tò tńg-.lâi. | 註釋 串珠 盧俊義 小組 盧導讀台 |
| 11:12 | I ē ǹg lia̍t kok khiā tōa kî, chio-chi̍p I-su-la-el siū kóaⁿ-sòaⁿ ê lâng, chū-chi̍p Iô-tah sì-sòaⁿ ê lâng, tùi tē ê sì-ke̍k tńg-.lâi. | 註釋 串珠 盧俊義 小組 盧導讀台 |
| 11:13 | E-hu-laim ê oàn-tò͘ ē siau-bia̍t, Iô-tah ê tùi-te̍k ē tû-bia̍t; E-hu-laim bô koh oàn-tò͘ Iô-tah, Iô-tah bô koh tùi-te̍k E-hu-laim. | 註釋 串珠 盧俊義 小組 盧導讀台 |
| 11:14 | In ē ǹg sai poe khì, phah tī Hui-lī-sū lâng ê keng-kah-thâu téng, koh chò-hóe chhiúⁿ tang-hong ê lâng. In ē chhun chhiú tī E-tóm kah Mô͘-ap, Am-móng cho̍k mā ē sūn-ho̍k in. | 註釋 串珠 盧俊義 小組 盧導讀台 |
| 11:15 | Siōng-chú ē hō͘ Ai-gi̍p ê hái káng ta-.khì; ēng tōa hong tī tōa hô ê téng-bīn ia̍t I ê chhiú, hō͘ hô hun-chò chhit tiâu, lâng chhēng ê ē tit kòe-.khì. | 註釋 串珠 盧俊義 小組 盧導讀台 |
| 11:16 | Ūi tio̍h I só͘ chhun lo̍h-.lâi ê jîn-bîn, to̍h-sī tùi A-siul chhun lo̍h-.lâi tńg-.lâi ê, ē ū chi̍t tiâu tōa lō͘ kah tong-ji̍t ūi tio̍h I-su-la-el tùi Ai-gi̍p tē khí-.lâi ê sio-siâng. | 註釋 串珠 盧俊義 小組 盧導讀台 |