| 章節 | 全民台語聖經全羅經文 | 註釋 |
| 10:1 | Chháu-me̍h ê Chai-lānSiōng-chú tùi Mô͘-se kóng, " Lí ji̍p-khì kìⁿ Hôa-láu, in-ūi Góa í-keng hō͘ i ê sim kah i ê jîn-sîn ê sim giám-ngē, thang hō͘ Góa hián-bêng Góa chiahê sîn-jiah tī in tiong-kan, | 註釋 串珠 盧俊義 盧華 盧導讀台 |
| 10:2 | Mā ē hō͘ lí kā Góa tī Ai-gi̍p só͘ chò ê tāichì kah Góa tī in tiong-kan só͘ kiâⁿ chiahê sîn-jiah, thoân hō͘ lí ê kiáⁿ-sun thiaⁿ, thang hō͘ lín chai Góa sī Siōng-chú. " | 註釋 串珠 盧俊義 盧華 盧導讀台 |
| 10:3 | Mô͘-se kah A-lông chiū khì kìⁿ Hôa-láu, kā i kóng, " Siōng-chú — Hi-bú-lâi lâng ê Siōng-tè ánne kóng, ' Lí tī Góa ê bīn-chêng m̄-khéng kakī khiam-pi, beh kàu tang-sî? Lí tio̍h chún Góa ê chú-bîn lī-khui, hō͘ in lâi ho̍k-sāi Góa. | 註釋 串珠 盧俊義 盧華 盧導讀台 |
| 10:4 | Lí nā m̄-khéng hō͘ Góa ê jîn-bîn lī-khui, lí khòaⁿ, bîn-á-chài Góa beh hō͘ chháu-meh ji̍p-khì lí ê kéng lāi, | 註釋 串珠 盧俊義 盧華 盧導讀台 |
| 10:5 | In ē jia-khàm tē-bīn, tì-sú khòaⁿ bē tio̍h thô͘, koh ē chia̍h hit-ê tùi chai-hō só͘ chhun lo̍h-.lâi ê, to̍h-sī pha̍uh só͘ phah bô liáu ê, mā ē chia̍h chhân-.ni̍h ūi lín só͘ hoat it-chhè ê chhiū-ba̍k. | 註釋 串珠 盧俊義 盧華 盧導讀台 |
| 10:6 | Chháu-me̍h ē chhiong-móa lí ê chhù kah lí ê chèng jîn-sîn ê chhù, í-ki̍p só͘-ū Ai-gi̍p lâng ê chhù, tùi lí ê lāu-pē kah lí ê chó͘-sian chhut-sì kàu taⁿ, m̄ bat khòaⁿ tio̍h ánne. '" Mô͘-se chiū oa̍t tńg-sin, lī-khui Hôa-láu chhut-.khì. | 註釋 串珠 盧俊義 盧華 盧導讀台 |
| 10:7 | Hôa-láu ê jîn-sîn tùi i kóng, " Chit-ê lâng chò lán ê lô-bāng, ē kàu tang-sî-chūn? Tio̍h chún chiahê lâng khì ho̍k-sāi Siōng-chú — in ê Siōng-tè! Ai-gi̍p í-keng pāi-hoāi, lí kám m̄-chai? " | 註釋 串珠 盧俊義 盧華 盧導讀台 |
| 10:8 | Chiū ánne, Mô͘-se kah A-lông siū-tiàu tò tńg-lâi kìⁿ Hôa-láu, Hôa-láu kā in kóng, " Lín khì ho̍k-sāi Siōng-chú — lín ê Siōng-tè; to̍k-to̍k hiahê siūⁿ beh khì ê, tàu-té sī siáⁿ-mi̍h khoán lâng? " | 註釋 串珠 盧俊義 盧華 盧導讀台 |
| 10:9 | Mô͘-se kóng, " Goán beh kah goán ê siàu-liân lâng, lāu lâng khì, mā beh chhōa goán ê kiáⁿ-jî kah goán ê iûⁿ-kûn, gû-kûn chò-hóe khì, in-ūi goán tio̍h siú Siōng-chú ê cheh. " | 註釋 串珠 盧俊義 盧華 盧導讀台 |
| 10:10 | Hôa-láu tùi in kóng, " Hó là, góa chún lín kah lín ê gín'á khì! Goān Siōng-chú kah lín tông-chāi, lín tio̍h kín-sīn, chai-hō í-keng tī lín ê ba̍k-chiu chêng ā! | 註釋 串珠 盧俊義 盧華 盧導讀台 |
| 10:11 | Án-ne bē chò-.tit, kantaⁿ lín chiahê tōa-lâng thang khì ho̍k-sāi Siōng-chú, in-ūi che sī lín só͘ kiû ê. " Chiū tùi Hôa-láu ê bīn-chêng kā in kóaⁿ chhut-.khì. | 註釋 串珠 盧俊義 盧華 盧導讀台 |
| 10:12 | Siōng-chú kā Mô͘-se kóng, " Lí chhun chhiú kí Ai-gi̍p tē, hō͘ chháu-meh khí-lâi Ai-gi̍p tē, chia̍h tē-.ni̍h it-chhè ê chhài-se, to̍h-sī pha̍uh phah bô liáu ê. " | 註釋 串珠 盧俊義 盧華 盧導讀台 |
| 10:13 | Mô͘-se chiū chhun i ê koái-á, kí Ai-gi̍p tē. Siōng-chú chiū hō͘ tang-hong kui ji̍t kui mê chhoe tī tē-.ni̍h. Kàu bîn-á chá-khí, tang-hong chiū kā chháu-meh chhoe-.lâi. | 註釋 串珠 盧俊義 盧華 盧導讀台 |
| 10:14 | Chháu-me̍h khí-lâi Ai-gi̍p choân tē, hioh tī Ai-gi̍p ê sì-kho͘-ûi, lī-hāi kàu-ke̍k. Chá-chêng bô ū ánne ê chháu-meh, í-āu mā bē koh ánne. | 註釋 串珠 盧俊義 盧華 盧導讀台 |
| 10:15 | In-ūi in jia-khàm choân tē, tì-sú tē lóng o͘-àm, koh chia̍h tē-chiūⁿ it-chhè pha̍uh só͘ phah bô liáu ê chhài-se kah chhiū-.ni̍h ê kóe-chí. Ai-gi̍p choân tē, bô-lūn chhiū-ba̍k á-.sī chhân-.ni̍h ê chhài-se, bô lâu kah chi̍t hāng chheⁿ-chhùi ê mi̍h. | 註釋 串珠 盧俊義 盧華 盧導讀台 |
| 10:16 | Chiū ánne, Hôa-láu kóaⁿ-kín kiò Mô͘-se kah A-lông lâi, kóng, " Góa tek-chōe lín ê Siōng-tè — Siōng-chú, mā tek-chōe lín. | 註釋 串珠 盧俊義 盧華 盧導讀台 |
| 10:17 | Taⁿ kiû lí koh chi̍t pái sià-bián góa ê chōe, kiû lín ê Siōng-tè — Siōng-chú hō͘ góa thoat-lī chit pái ê sí-bông. " | 註釋 串珠 盧俊義 盧華 盧導讀台 |
| 10:18 | Mô͘-se chiū lī-khui Hôa-láu, khì kiû Siōng-chú. | 註釋 串珠 盧俊義 盧華 盧導讀台 |
| 10:19 | Siōng-chú chiū sàu chin thàu ê sai-hong kā chháu-meh chhoe khí-.lâi, kóaⁿ ji̍p-khì Âng-hái, bô lâu kah chi̍t chiah chháu-meh tī Ai-gi̍p ê sì-kho͘-ûi. | 註釋 串珠 盧俊義 盧華 盧導讀台 |
| 10:20 | Chóng-.sī, Siōng-chú hō͘ Hôa-láu ê sim ngē, m̄-chún I-su-la-el lâng lī-khui. | 註釋 串珠 盧俊義 盧華 盧導讀台 |
| 10:21 | O͘-àm ê Chai-lānSiōng-chú kā Mô͘-se kóng, " Lí chhun chhiú ǹg thiⁿ, hō͘ Ai-gi̍p tē o͘-àm, chit-ê o͘-àm ē o͘ kah bē bong-.tit. | 註釋 串珠 盧俊義 盧華 盧導讀台 |
| 10:22 | Mô͘-se chiū chhun chhiú ǹg thiⁿ, Ai-gi̍p chiū choân tē-saⁿ ji̍t o͘-o͘ àm-àm. | 註釋 串珠 盧俊義 盧華 盧導讀台 |
| 10:23 | Chit saⁿ ji̍t, lâng khòaⁿ bē tio̍h lâng, mā bô khí-lâi lī-khui i ê só͘-chāi; to̍k-to̍k I-su-la-el lâng ê chhù lóng ū kng. | 註釋 串珠 盧俊義 盧華 盧導讀台 |
| 10:24 | Hôa-láu chiū kiò Mô͘-se lâi kóng, " Lín khì ho̍k-sāi Siōng-chú; to̍k-to̍k lín ê iûⁿ-kûn, gû-kûn tio̍h lâu-.leh, lín ê gín'á chiū thang kah lín chò-hóe khì. " | 註釋 串珠 盧俊義 盧華 盧導讀台 |
| 10:25 | Mô͘-se kóng, " Lí mā tio̍h kā seng-lé kah sio-chè ê mi̍h kau goán ê chhiú, hō͘ goán thang chè-sū Siōng-chú — goán ê Siōng-tè. | 註釋 串珠 盧俊義 盧華 盧導讀台 |
| 10:26 | Goán ê chengseⁿ mā tio̍h kah goán chò-hóe khì, liân chi̍t chiah mā bô beh lâu-.leh, in-ūi goán tio̍h tùi hit tiong-kan chhú-lâi ho̍k-sāi Siōng-chú — goán ê Siōng-tè. Goán koh iáu-bōe kàu hia, mā m̄-chai tio̍h ēng siáⁿ-mi̍h lâi ho̍k-sāi Siōng-chú. " | 註釋 串珠 盧俊義 盧華 盧導讀台 |
| 10:27 | Chóng-.sī, Siōng-chú hō͘ Hôa-láu ê sim ngē, m̄-khéng hō͘ in lī-khui. | 註釋 串珠 盧俊義 盧華 盧導讀台 |
| 10:28 | Hôa-láu kā Mô͘-se kóng, " Lí tio̍h lī-khui góa-.khì, lí tio̍h kakī kín-sīn, m̄ thang koh-chài lâi kìⁿ góa ê bīn, in-ūi lí koh-chài kìⁿ góa ê bīn hit ji̍t, lí ē sí. " | 註釋 串珠 盧俊義 盧華 盧導讀台 |
| 10:29 | Mô͘-se kóng, " Lí ánne kóng, hó! Góa bô beh koh-chài kìⁿ lí ê bīn ā. " | 註釋 串珠 盧俊義 盧華 盧導讀台 |