| 章節 | 全民台語聖經全羅經文 | 註釋 |
| 22:1 | Ê-lú-sa-lèm ê Sìn-sitKoan-hē ī-siōng ê soaⁿ-kok ê be̍k-sī. Ū siáⁿ-mi̍h tāichì hō͘ lí ê jîn-bîn lóng chiūⁿ chhù téng? | 註釋 串珠 盧俊義 小組 盧導讀台 |
| 22:2 | Lí chit-ê móa sì-kè hoah-hiàm, tōa-tōa soan-hoa ê siâⁿ, hoaⁿ-hí ê siâⁿ. Lín tiong-kan siū thâi ê m̄-sī hō͘ to thâi, mā m̄-sī ūi tio̍h kau-chiàn lâi sí. | 註釋 串珠 盧俊義 小組 盧導讀台 |
| 22:3 | Lín só͘-ū ê koaⁿ-tiúⁿ chò chi̍t-ē tô-cháu, lóng hō͘ gia̍h kiong ê lâng só͘ khún-pa̍k; lín tiong-kan só͘-ū hō͘ lâng chhōe tio̍h ê lóng chò chi̍t-ē siū khún-pa̍k, sûi-jiân in chá to̍h í-keng cháu-khì hn̄g-hn̄g ê só͘-chāi siám-bih. | 註釋 串珠 盧俊義 小組 盧導讀台 |
| 22:4 | Só͘-í, góa kóng, Lín lóng oa̍t-cháu mài khòaⁿ góa, góa beh thòng-sim thî-khàu. Lín m̄ thang in-ūi góa ê jîn-bîn siū húi-hoāi lâi bián-kióng an-ùi góa. | 註釋 串珠 盧俊義 小組 盧導讀台 |
| 22:5 | In-ūi Chú — bān-kun ê Siōng-chú, hō͘ " Ī-siōng ê soaⁿ-kok " ū kiáu-jiáu, thún-ta̍h, bê-loān ê ji̍t-chí; siâⁿ tú tio̍h pī kong-phòa, ai-kiò ê siaⁿ thàu kàu soaⁿ kan. | 註釋 串珠 盧俊義 小組 盧導讀台 |
| 22:6 | Ê-lám tòa chìⁿ tē, koh ū chài peng-á ê chhia kah bé-peng. Ki-l mā the̍h-chhut tîn-pâi. | 註釋 串珠 盧俊義 小組 盧導讀台 |
| 22:7 | Lí súi ê soaⁿ-kok ū chiàn-chhia móa-móa, mā ū bé-peng tī siâⁿ mn̂g chêng pâi-lia̍t. | 註釋 串珠 盧俊義 小組 盧導讀台 |
| 22:8 | Iô-tah ê siâⁿ mn̂g pī kong-phòa, hit ji̍t lí chiū cha-khòaⁿ kun-chong-kio̍k ê kun-khì. | 註釋 串珠 盧俊義 小組 盧導讀台 |
| 22:9 | Lín khòaⁿ tio̍h Ta-bi̍t ê siâⁿ ê phòa-khiah chin chē, chiū chek-chū ē-tî ê chúi. | 註釋 串珠 盧俊義 小組 盧導讀台 |
| 22:10 | Lín sǹg Ê-lú-sa-lèm ê chhù-the̍h, kā chhù thiah-húi lâi siu-pó͘ siâⁿ chhiûⁿ. | 註釋 串珠 盧俊義 小組 盧導讀台 |
| 22:11 | Lín koh tī nn̄g-ê siâⁿ chhiûⁿ ê tiong-kan khui chi̍t-ê thâm, lâi té kū tî ê chúi. Chóng-.sī, lín bô gióng-bōng chō i ê, mā bô siūⁿ tio̍h chá to̍h tiāⁿ tio̍h, koh lâi kā i oân-sêng ê Siōng-tè. | 註釋 串珠 盧俊義 小組 盧導讀台 |
| 22:12 | Tng hit ji̍t, Chú — bān-kun ê Siōng-chú kiò lâng thî-khàu, ai-siong, thì thâu-mn̂g, hâ môa-pò͘. | 註釋 串珠 盧俊義 小組 盧導讀台 |
| 22:13 | Lí khòaⁿ, iáu-sī ū lâng hoaⁿ-hí khoài-lo̍k, thâi gû tó iûⁿ, chia̍h bah lim chiú, kóng, " Chò lán chia̍h! Chò lán lim! In-ūi lán bîn-á-chài to̍h beh sí à. | 註釋 串珠 盧俊義 小組 盧導讀台 |
| 22:14 | Bān-kun ê Siōng-chú tùi góa ê hīⁿ-khang chí-sī, kóng, " Lín chit-ê chōe choa̍t-tùi bē tàng tit tio̍h sià-bián, it-ti̍t kàu lín sí; che sī Chú — bān-kun ê Siōng-chú kóng ê. | 註釋 串珠 盧俊義 小組 盧導讀台 |
| 22:15 | Tùi Siap-ná ê Kéng-kòChú — bān-kun ê Siōng-chú ánne kóng, " Lí khì, lí khì kìⁿ chit-ê teh chiáng khò͘-pâng ê, to̍h-sī teh koán-ke ê Siap-ná, tùi i kóng, ' Lí tī chia chhòng siáⁿ? | 註釋 串珠 盧俊義 小組 盧導讀台 |
| 22:16 | Lí tī chia sī siáⁿ lâng hō͘ lí ūi tio̍h kakī phah hûn-bōng, tī koân-koân ê só͘-chāi ūi kakī phah hûn-bōng, ūi kakī tī chio̍h-pôaⁿ tiong chō chi̍t-ê tòa ê só͘-chāi? | C註釋 註釋 串珠 盧俊義 小組 盧導讀台 |
| 22:17 | Lí khòaⁿ, Siōng-chú ē chhin-chhiūⁿ ū la̍t ê lâng, chīn-la̍t kā lí hiat chhut-.khì, mā ē kā lí pau ba̍t-ba̍t. | 註釋 串珠 盧俊義 小組 盧導讀台 |
| 22:18 | Siōng-chú ē kā lí kńg chò chi̍t kńg, hiat tī khui-khoah ê só͘-chāi, ná chhin-chhiūⁿ teh hiat kiû. Lí chò chú-lâng ê ke ê lêng-jio̍k ê lâng ē sí tī hia; lí êng-kng ê chiàn-chhia mā ē tī hia. | 註釋 串珠 盧俊義 小組 盧導讀台 |
| 22:19 | Góa beh kek lí ê chit, lut lí ê ūi. '" | 註釋 串珠 盧俊義 小組 盧導讀台 |
| 22:20 | Kàu hit ji̍t, góa ē tiàu góa ê lô͘-po̍k — Hil-kí-iah ê kiáⁿ E-li-a-kim lâi. | 註釋 串珠 盧俊義 小組 盧導讀台 |
| 22:21 | Góa ē kā lí ê gōa-phàu hō͘ i chhēng, kā lí ê io-tòa hō͘ i hâ, kā lí chiáng-lí ê chèng-koân kau tī i ê chhiú. I ē chò tòa tī Ê-lú-sa-lèm ê jîn-bîn kah Iô-tah ê ke ê pē. | 註釋 串珠 盧俊義 小組 盧導讀台 |
| 22:22 | Góa beh kā Ta-bi̍t ê ke ê só-sî hē tī i ê keng-kah-thâu. I khui, chiū bô lâng ē-tàng koaiⁿ; i koaiⁿ, chiū bô lâng ē-tàng khui. | 註釋 串珠 盧俊義 小組 盧導讀台 |
| 22:23 | Góa beh kiàn-li̍p i chhin-chhiūⁿ teng-á tèng tī kian-kò͘ ê só͘-chāi; i ē kā i ê lāu-pē ê ke tòng-chò êng-kng ê chō-ūi. | 註釋 串珠 盧俊義 小組 盧導讀台 |
| 22:24 | " Lâng ē kā i ê lāu-pē ê ke ê êng-kng, i ê kiáⁿ-sun kah só͘-ū sè-hāng ê khì-kū, tùi pôaⁿ kàu pân lóng tiàu tī i ê sin chiūⁿ. | 註釋 串珠 盧俊義 小組 盧導讀台 |
| 22:25 | Bān-kun ê Siōng-chú kóng: Tng hit ji̍t, tèng tī kian-kò͘ ê só͘-chāi ê teng-á ē sôe lo̍h-.khì, ē siū chhò-tn̄g ka-la̍uh lo̍h-.khì, tiàu tī i ê téng-bīn ê mi̍h ē sí-.khì. In-ūi che sī Siōng-chú kóng ê. " | 註釋 串珠 盧俊義 小組 盧導讀台 |