| 章節 | 全民台語聖經全羅經文 | 註釋 |
| 25:1 | O-ló ê Si-koaSiōng-chú ah, Lí sī góa ê Siōng-tè, góa beh chun lí chò koân, góa beh oló lí ê miâ. In-ūi Lí ēng tiong-sìn sêng-si̍t kiâⁿ kî-biāu ê tāichì, to̍h-sī Lí tùi kó͘-chá to̍h gí-tiāⁿ ê. | 註釋 串珠 盧俊義 盧導讀台 |
| 25:2 | In-ūi Lí hō͘ siâⁿ piàn-chò thô͘-tui, hō͘ kian-kò͘ ê siâⁿ piàn-chò hāu-phiaⁿ-phòe, hō͘ gōa-pang lâng ê kiong-tiān bô koh chò siâⁿ, éng-oán bô koh khí-chō. | 註釋 串珠 盧俊義 盧導讀台 |
| 25:3 | Só͘-í, ióng-béng ê jîn-bîn ē êng-kng Lí, kiông-pō ê kok ê siâⁿ ē kiaⁿ-ùi Lí. | 註釋 串珠 盧俊義 盧導讀台 |
| 25:4 | In-ūi tng kiông-pō ê lâng chhui-pek lâng ê sî, chhin-chhiūⁿ tōa hong ti̍t-ti̍t chhoe chhiûⁿ-piah ê sî, Lí chiū chò sànchhiah lâng ê siâⁿ-pó, chò khùn-khó͘ lâng kip-lān tiong ê siâⁿ-pó, chò siám-phiah tōa hong ê só͘-chāi, chò siám-phiah iām-joa̍h ê ìm-ńg. | C註釋 註釋 串珠 盧俊義 盧導讀台 |
| 25:5 | Lí ē chó͘-chí gōa-pang lâng ê soan-hoa, chhin-chhiūⁿ ta tē ê jia̍t-khì hôe lo̍h-.khì; kìm-chí kiông-pō ê lâng chhiùⁿ thâi-iâⁿ ê koa, chhin-chhiūⁿ jia̍t-khì hō͘ hûn ê iáⁿ siau-bia̍t. | C註釋 註釋 串珠 盧俊義 盧導讀台 |
| 25:6 | Siōng-chú Chún-pī Iàn-se̍kTī chit-ê soaⁿ, bān-kun ê Siōng-chú ē ūi tio̍h bān-bîn ēng hó mi̍h pâi-siat iàn-se̍k, ēng kū chiú kah kut-chhóe móa-móa ê hó mi̍h, í-ki̍p chē-chheng ê kū chiú pâi-siat iàn-se̍k. | 註釋 串珠 盧俊義 盧導讀台 |
| 25:7 | Koh tī chit-ê soaⁿ, I ē tû-khì tà bān-bîn ê phè kah jia-khàm bān-kok ê pò͘-phâng. | 註釋 串珠 盧俊義 盧導讀台 |
| 25:8 | I ū thun-bia̍t sí-bông kàu éng-oán. Chì-koân Siōng-chú ē chhit-khì kûn-chiòng bīn-.ni̍h ê ba̍k-sái, koh tùi phó͘-thiⁿ-ē tû-khì I ê chú-bîn ê kiàn-siàu; in-ūi che sī Siōng-chú kóng ê. | 註釋 串珠 盧俊義 盧導讀台 |
| 25:9 | Kàu hit ji̍t, lâng ē kóng, " Lí khòaⁿ, I sī goán ê Siōng-chú, goán pêng-sî thèng-hāu I, I beh chín-kiù goán. Che sī Siōng-chú, goán pêng-sî thèng-hāu I, goán beh in-ūi I ê kiù-un lâi hoaⁿ-hí khoài-lo̍k. " | 註釋 串珠 盧俊義 盧導讀台 |
| 25:10 | Siōng-tè Chek-hoa̍t Mô͘-apSiōng-chú ê chhiú ē hōaⁿ tī chit-ê soaⁿ, Mô͘-ap lâng tī só͘ tòa ê tē ē siū thún-ta̍h, chhin-chhiūⁿ ta chháu siū thún-ta̍h tī pùn-sò tî ê chúi lāi. | 註釋 串珠 盧俊義 盧導讀台 |
| 25:11 | I ē tī hit tiong-kan thí-khui chhiú, chhin-chhiūⁿ siû-chúi ê thí-khui chhiú teh siû; chóng-.sī, I ē hō͘ i ê kiau-ngō͘ kah i chhiú só͘ kiâⁿ ê kúi-kè, chò chi̍t-ē soe-pāi-.khì. | 註釋 串珠 盧俊義 盧導讀台 |
| 25:12 | Lí siâⁿ chhiûⁿ kian-kò͘ ê siâⁿ-pó, I ē kā i chhia-tó, kā i húi bia̍t-tiāu, thiah kàu pêⁿ-tē, kē kàu tîn-ai. | 註釋 串珠 盧俊義 盧導讀台 |