| 章節 | 全民台語聖經全羅經文 | 註釋 |
| 26:1 | Siōng-tè hō͘ I ê Chú-bîn Tek-sèngTng hit ji̍t, tī Iô-tah tē, lâng it-tēng chhiùⁿ chit-ê koa, kóng: Goán ū kian-kò͘ ê siâⁿ. I ē ēng kiù-un li̍p-chò siâⁿ chhiûⁿ, chò gōa-têng siâⁿ. | 註釋 串珠 盧導讀台 |
| 26:2 | Tio̍h khui chiahê mn̂g, hō͘ siú sìn-si̍t ê gī ê jîn-bîn ē-tàng chìn-ji̍p. | 註釋 串珠 盧導讀台 |
| 26:3 | Kian-sim óa-khò Lí ê lâng, Lí ē pó-siú i cha̍p-hun pêng-an, in-ūi i ū óa-khò Lí. | 註釋 串珠 盧導讀台 |
| 26:4 | Lín tio̍h óa-khò Siōng-chú ti̍t-kàu éng-oán, in-ūi chì-koân Siōng-chú sī éng-oán ê chio̍h-pôaⁿ. | 註釋 串珠 盧導讀台 |
| 26:5 | I hō͘ tiàm tī koân ê só͘-chāi ê lâng kah koân ê siâⁿ chò chi̍t-ē soe-pāi-.khì; I ē kā i chhia-tó tī tē-.ni̍h, lo̍h kàu tîn-ai. | 註釋 串珠 盧導讀台 |
| 26:6 | Kha ē kā i thún-ta̍h, to̍h-sī sànchhiah lâng ê kha, khùn-khó͘ ê lâng ê kha-pō͘. | 註釋 串珠 盧導讀台 |
| 26:7 | Gī lâng ê lō͘ sī chèng-ti̍t; chèng-ti̍t ê Chú, Lí it-tēng ē siu pêⁿ gī lâng ê lō͘ . | 註釋 串珠 盧俊義 盧導讀台 |
| 26:8 | Siōng-chú ah, goán tī Lí sím-phòaⁿ ê lō͘ thèng-hāu Lí; goán ê sim him-bō͘ Lí ê miâ kah kì-liām Lí. | 註釋 串珠 盧俊義 盧導讀台 |
| 26:9 | Góa ēng góa ê sim mê-kan him-bō͘ Lí, mā ēng góa ê sim-sîn thiⁿ-kng chá-khí chhōe Lí; in-ūi Lí sím-phòaⁿ sè-chiūⁿ ê sî, tē-chiūⁿ ê jîn-bîn chiū ē ha̍k-si̍p gī. | 註釋 串珠 盧俊義 盧導讀台 |
| 26:10 | Ēng un-hūi khoán-thāi pháiⁿ lâng, i iû-goân m̄ ha̍k-si̍p gī; tī chèng-ti̍t ê só͘-chāi, i ē kiâⁿ put-gī, mā bô chù-ì Siōng-chú ê ui-giâm. | 註釋 串珠 盧俊義 盧導讀台 |
| 26:11 | Siōng-chú ah, Lí ê chhiú gia̍h koân, in iû-goân m̄-khòaⁿ; in ē khòaⁿ tio̍h Lí ūi tio̍h jîn-bîn ê jia̍t-sim lâi kiàn-siàu, koh ū hóe sio-bia̍t Lí ê tùi-te̍k. | 註釋 串珠 盧俊義 盧導讀台 |
| 26:12 | Siōng-chú ah, Lí ē chù-tiāⁿ goán tit tio̍h pêng-an, in-ūi goán só͘ chò it-chhè ê tāichì, lóng sī Lí kā goán chiâⁿ ê. | 註釋 串珠 盧俊義 盧導讀台 |
| 26:13 | Siōng-chú — goán ê Siōng-tè ah, Lí í-gōa, bat ū pa̍t-ê chú kā goán koán-hat; chóng-.sī, goán beh to̍k-to̍k óa-khò Lí, kì-liām Lí ê miâ. | 註釋 串珠 盧俊義 盧導讀台 |
| 26:14 | In sí-liáu it-tēng bē tàng koh-oa̍h, in ê im-hûn bē koh khí-.lâi; in-ūi Lí lîm-kàu in, kā in châu-bia̍t, hō͘ in ê miâ lóng siau-sit-.khì. | 註釋 串珠 盧俊義 盧導讀台 |
| 26:15 | Siōng-chú ah, Lí ke-thiⁿ jîn-bîn, hō͘ kok-ka heng-ōng; Lí tit tio̍h êng-kng, koh khui-khoah chit-ê tē sì-bīn ê tē-kài. | 註釋 串珠 盧俊義 盧導讀台 |
| 26:16 | Siōng-chú ah, in tī hoān-lān tiong chhōe Lí; Lí ê kéng-kài lîm-kàu in sin chiūⁿ, in chiū choan-sim tùi Lí kî-tó. | 註釋 串珠 盧俊義 盧導讀台 |
| 26:17 | Chhin-chhiūⁿ chabó͘ lâng hoâi-īn beh seⁿ ê sî, chiū kiáu-ká, tī thòng-khó͘ ê sî, chiū tōa-siaⁿ hoah. Siōng-chú ah, goán tī Lí ê bīn-chêng mā sī ánne. | 註釋 串珠 盧俊義 盧導讀台 |
| 26:18 | Goán mā bat hoâi-īn, bat kiáu-ká, só͘ seⁿ ê kèng-jiân chhin-chhiūⁿ hong. Goán tī tē-.ni̍h m̄ bat kiâⁿ siáⁿ-mi̍h chín-kiù ê tāichì; sè-chiūⁿ ê jîn-bîn mā bô poa̍h lo̍h-.khì. | 註釋 串珠 盧俊義 盧導讀台 |
| 26:19 | Lí ê sí-lâng ē koh oa̍h! Góa chiahê sin-si ē koh khí-.lâi! Tó tī tîn-ai ê lâng, lín tio̍h cheng-sîn khí-lâi chhiùⁿ koa; in-ūi Siōng-tè ê lō͘-chúi chhin-chhiūⁿ chhài-se téng-bīn ê lō͘-chúi, tē mā ē kau chhut im-hûn. | 註釋 串珠 盧俊義 盧導讀台 |
| 26:20 | Sím-phòaⁿ kah Ho̍k-hengGóa ê jîn-bîn, lín tio̍h ji̍p-khì ba̍t-pâng, koaiⁿ lí ê mn̂g, bih chi̍t-sî-á, thèng-hāu Siōng-tè ê siū-khì kòe-.khì. | 註釋 串珠 盧俊義 盧導讀台 |
| 26:21 | In-ūi Siōng-chú tùi I ê só͘-chāi chhut-.lâi, ē hêng-hoa̍t tē-chiūⁿ ê jîn-bîn ê chōe-ok; tē mā ē lō͘-chhut i só͘-ū ê hoeh, bô koh jia-khàm siū thâi ê lâng. | 註釋 串珠 盧俊義 盧導讀台 |