| 章節 | 全民台語聖經全羅經文 | 註釋 |
| 35:1 | Sîn-sèng Chi Lō͘Khòng-iá kah ta-sò ê tē it-tēng ē hoaⁿ-hí; soa-bô͘ mā ē khoài-lo̍k, koh chhin-chhiūⁿ mûi-kùi teh khui hoe. | 註釋 串珠 盧俊義 盧導讀台 |
| 35:2 | I ē khui hoe bō͘-sēng lâi hoaⁿ-hí, ē ū hoaⁿ-hí kah chhiùⁿ koa. Le-ba-nòng ê êng-kng, Kal-mel kah Sia-lông ê súi ē kui i. In ē khòaⁿ tio̍h Siōng-chú ê êng-kng, lán ê Siōng-tè ê bí-biāu. | 註釋 串珠 盧俊義 盧導讀台 |
| 35:3 | Lín tio̍h hō͘ loán-jio̍k ê chhiú ióng-chòng, hō͘ bô la̍t ê kha-thâu-u chū-chāi. | 註釋 串珠 盧俊義 盧導讀台 |
| 35:4 | Tùi sió-táⁿ ê lâng kóng: Lín tio̍h kong-kiông, m̄-bián kiaⁿ; lí khòaⁿ, lín ê Siōng-tè ē lâi thè lí pò-siû, ē lâi kiâⁿ ke̍k tōa ê pò-èng; I ē lâi chín-kiù lín. | 註釋 串珠 盧俊義 盧導讀台 |
| 35:5 | Hit sî, chheⁿmê lâng ê ba̍k-chiu ē khui, chhàu-hīⁿ-lâng ê hīⁿ-khang ē lāi. | 註釋 串珠 盧俊義 盧導讀台 |
| 35:6 | Hit sî, pái-kha-.ê ē tiô-thiàu chhin-chhiūⁿ lo̍k; é-káu ê chi̍h ē chhiùⁿ koa. In-ūi chúi chhèng-chhut tī khòng-iá; khe-lâu chhèng-chhut tī soa-bô͘. | 註釋 串珠 盧俊義 盧導讀台 |
| 35:7 | Hoat-chhut kng ê soa ē piàn-chò chúi-tî; ta-sò ê tē ē piàn-chò chúi-chôaⁿ. Tī soaⁿ-káu tó teh khùn ê só͘-chāi, ē ū chheⁿ-chháu, lô͘-úi kah pô͘-chháu. | 註釋 串珠 盧俊義 盧導讀台 |
| 35:8 | Tī hia ē ū chi̍t tiâu koân ê lō͘, chit tiâu lō͘ ē hông kiò-chò sèng ê lō͘. Ù-òe ê lâng bē tàng keng-kòe, ngē-ngē beh chò in ê lō͘-ēng; kiâⁿ lō͘ ê lâng sûi-jiân gû-gōng, mā bē kiâⁿ m̄ tio̍h lō͘. | 註釋 串珠 盧俊義 盧導讀台 |
| 35:9 | Tī hia it-tēng bô sai, béng-siù mā bô chiūⁿ chit tiâu lō͘. Tī hia lóng bô tú tio̍h in, to̍k-to̍k tit tio̍h sio̍k-hôe ê jîn-bîn tī hia teh kiâⁿ. | 註釋 串珠 盧俊義 盧導讀台 |
| 35:10 | Jî-chhiáⁿ Siōng-chú kiù-sio̍k ê jîn-bîn ē tò tńg-.lâi. In ē chhiùⁿ koa lâi-kàu Si-óng, ē tit tio̍h éng-oán ê hoaⁿ-hí chò bián-liû. In ē hoaⁿ-hí khoài-lo̍k, iu-būn, thó͘-khùi lóng ē cháu-.khì. | 註釋 串珠 盧俊義 盧導讀台 |