| 章節 | 全民台語聖經全羅經文 | 註釋 |
| 50:1 | Siōng-chú ánne kóng: Góa kā lín ê lāu-bú lî-hun, lî-hun-su tī tó-ūi? Góa kā lín bē hō͘ Góa tó chi̍t-ê chè-chú? Lí khòaⁿ, lín siū bē sī in-ūi lín ê chōe-kò, lín ê lāu-bú hông lī-hun sī in-ūi lín ê kòe-sit. | 註釋 串珠 盧俊義 盧導讀台 |
| 50:2 | Góa lâi ê sî, ná ē bô lâng teh thèng-hāu? Góa kiò ê sî, sī án-chóaⁿ bô lâng ìn? Góa ê chhiú kám sī té, bē tàng kiù-sio̍k? Góa kám bô chín-kiù ê la̍t? Lí khòaⁿ, Góa chi̍t-ē hoah, hái chiū ta-.khì; Góa hō͘ kang-hô piàn-chò soa-bô͘, kî-tiong ê hî, in-ūi bô chúi chiū chhàu-nōa, chhùi-ta chiū sí. | 註釋 串珠 盧俊義 盧導讀台 |
| 50:3 | Góa hō͘ chiahê thiⁿ ēng o͘-àm chò saⁿ-khò͘, ēng môa-pò͘ chò jia-khàm. | 註釋 串珠 盧俊義 盧導讀台 |
| 50:4 | Siōng-chú Koán-ke ê Sūn-ho̍kChì-koân Siōng-chú siúⁿ-sù góa siū kà-sī ê chi̍h, hō͘ góa chai án-chóaⁿ ēng giân-gí hû-chō͘ ià-siān ê lâng; Chú ta̍k chá-khí kā góa kiò-chhéⁿ, kiò-chhéⁿ góa ê hīⁿ-khang, hō͘ góa ē thiaⁿ, chhin-chhiūⁿ siū kà-sī ê lâng. | 註釋 串珠 盧俊義 盧導讀台 |
| 50:5 | Chì-koân Siōng-chú phah thong góa ê hīⁿ-khang; góa bô ûi-pōe, mā bô thè-āu. | 註釋 串珠 盧俊義 盧導讀台 |
| 50:6 | Lâng phah góa ê kha-chiah-phiaⁿ, góa chhut-chāi i phah; lâng chhoah góa chhùi-phóe ê chhùi-chhiu, góa chhut-chāi i chhoah; lâng lêng-jio̍k góa, kā góa phùi nōa, góa mā bô am bīn. | 註釋 串珠 盧俊義 盧導讀台 |
| 50:7 | In-ūi chì-koân Siōng-chú it-tēng pang-chān góa, só͘-í, góa bô kiàn-siàu; ūi tio̍h ánne, góa hō͘ góa ê bīn ngē kah chhin-chhiūⁿ tēng chio̍h; góa mā chai góa it-tēng bô tì-sú làu-khùi. | 註釋 串珠 盧俊義 盧導讀台 |
| 50:8 | Chheng góa chò gī ê kīn lah; siáⁿ lâng kah góa sio-cheⁿ, i thang kah góa chò-hóe tòa; siáⁿ lâng chò góa ê tùi-te̍k, i thang lâi kìⁿ góa. | 註釋 串珠 盧俊義 盧導讀台 |
| 50:9 | Lí khòaⁿ, chì-koân Siōng-chú ē pang-chān góa, siáⁿ lâng ē tēng góa ū chōe? Lí khòaⁿ, in lóng ē chhin-chhiūⁿ saⁿ chiām-chiām kū-.khì, koh hō͘ chiù-thâng chiù. | 註釋 串珠 盧俊義 盧導讀台 |
| 50:10 | Lín tiong-kan ū siáⁿ lâng kèng-ùi Siōng-tè, chun-thàn I ê lô͘-po̍k ê ōe? Hiahê kiâⁿ tī o͘-àm bô kng-bêng ê só͘-chāi ê, tio̍h óa-khò Siōng-chú ê miâ, óa-khò i ê Siōng-tè. | 註釋 串珠 盧俊義 盧導讀台 |
| 50:11 | Lí khòaⁿ, kiàn-nā lín tiám hóe, ēng hóe-pé ûi kakī ê lâng, tio̍h lâi kiâⁿ tī lín ê hóe-iām lāi kah lín só͘ tiám ê hóe-pé tiong. Che sī góa ê chhiú só͘ tiāⁿ tio̍h ê; lín ē tó tī kan-khó͘ ê tiong-kan. | 註釋 串珠 盧俊義 盧導讀台 |