| 章節 | 全民台語聖經全羅經文 | 註釋 |
| 12:1 | Pôaⁿ-kòe-chehSiōng-chú tī Ai-gi̍p tē tùi Mô͘-se kah A-lông kóng, | 註釋 串珠 盧俊義 盧華 盧導讀台 |
| 12:2 | " Chit goe̍h tio̍h chò lín ê chiaⁿ-.goe̍h, chò múi nî ê thâu chi̍t-ê goe̍h. | 註釋 串珠 盧俊義 盧華 盧導讀台 |
| 12:3 | Lín tio̍h tùi I-su-la-el ê choân hōe-chiòng kóng, " Pún goe̍h chhe-cha̍p, chò lāu-pē ê tio̍h ūi choân ke ê lâng chhú iûⁿ-á, chi̍t ke chi̍t chiah. | 註釋 串珠 盧俊義 盧華 盧導讀台 |
| 12:4 | Nā-sī chi̍t ke ê lâng siuⁿ chió, chi̍t chiah iûⁿ-á chia̍h bē liáu, i tio̍h kah chhù-piⁿ, chiàu lâng-gia̍h chò-hóe chhú chi̍t chiah. Lín chún-pī iûⁿ-á, tio̍h àn-sǹg ta̍k lâng só͘ ē chia̍h ê liōng. | 註釋 串珠 盧俊義 盧華 盧導讀台 |
| 12:5 | Lín ê iûⁿ-á tio̍h bô khoat-tiám ê, bī-móa-nî ê iûⁿ-káng-á, lín tio̍h tùi mî-iûⁿ tiong á-.sī soaⁿ-iûⁿ tiong, lóng thang. | 註釋 串珠 盧俊義 盧華 盧導讀台 |
| 12:6 | Lín tio̍h lâu kàu pún goe̍h cha̍p-sì ji̍t, hông-hun ê sî, I-su-la-el choân-hōe chèng lâng lóng tio̍h thâi iûⁿ-á. | 註釋 串珠 盧俊義 盧華 盧導讀台 |
| 12:7 | In tio̍h chhú tām-po̍h-á hoeh, boah tī chia̍h iûⁿ-á hit keng chhù ê siang pêng ê mn̂g-kheng kah mn̂g-bâi. | 註釋 串珠 盧俊義 盧華 盧導讀台 |
| 12:8 | Hit mê, tio̍h chia̍h ēng hóe piak ê iûⁿ-á bah kah bô-kàⁿ piáⁿ, khó͘-chhài chham-teh chia̍h. | 註釋 串珠 盧俊義 盧華 盧導讀台 |
| 12:9 | M̄-thang chheⁿ-chia̍h, choa̍t-tùi m̄ thang ēng chúi chú, tio̍h ēng hóe piak, thâu, kha kah ngó͘-chōng lóng tio̍h chia̍h. | 註釋 串珠 盧俊義 盧華 盧導讀台 |
| 12:10 | Lóng m̄ thang lâu keh mê, nā lâu kàu keh kang chá-khí, tio̍h ēng hóe sio-tiāu. | 註釋 串珠 盧俊義 盧華 盧導讀台 |
| 12:11 | Lín tio̍h ánne chia̍h, io hâ tòa, kha chhēng ê, chhiú gia̍h koái-á, mā tio̍h kóaⁿ-kín chia̍h. Che sī Siōng-chú ê Pôaⁿ-kòe-cheh. | 註釋 串珠 盧俊義 盧華 盧導讀台 |
| 12:12 | " In-ūi hit mê góa beh piàn kiâⁿ Ai-gi̍p tē, phah-sí Ai-gi̍p tē só͘-ū thâu-chúi seⁿ ê, bô-lūn lâng á-.sī chengseⁿ, koh beh sím-phòaⁿ Ai-gi̍p só͘-ū ê sîn-bêng. Góa to̍h-sī Siōng-chú. | 註釋 串珠 盧俊義 盧華 盧導讀台 |
| 12:13 | Chit-ê hoeh tī lín só͘ tòa ê chhù, beh chò lín ê kì-hō; Góa chi̍t-ē khòaⁿ tio̍h chit-ê hoeh, chiū ē tùi lín pôaⁿ kòe-.khì. Góa phah Ai-gi̍p tē ê sî, chai-hō bē lîm-kàu lín lâi kā lín húi-bia̍t. | 註釋 串珠 盧俊義 盧華 盧導讀台 |
| 12:14 | Lín tio̍h ēng chit ji̍t chò kì-liām, chò Siōng-chú ê cheh lâi siú, lín tio̍h tāi-tāi siú chit-ê cheh, chò éng-oán ê lē. | 註釋 串珠 盧俊義 盧華 盧導讀台 |
| 12:15 | Bô-kàⁿ-chehSiōng-chú koh kóng, " Lín tio̍h chia̍h bô-kàⁿ piáⁿ chhit ji̍t, thâu chi̍t ji̍t tio̍h tùi lín ta̍k keng chhù kā kàⁿ tû-.khì, in-ūi tùi thâu chi̍t ji̍t kàu tē-chhit ji̍t, só͘-ū chia̍h ū kàⁿ ê, ē tùi I-su-la-el tiong tû-.khì. | 註釋 串珠 盧俊義 盧華 盧導讀台 |
| 12:16 | Thâu chi̍t ji̍t, lín tio̍h ū sèng-hōe, tē-chhit ji̍t mā tio̍h ū sèng-hōe. Chit nn̄g ji̍t, tû-khì chún-pī ta̍k lâng só͘ tio̍h chia̍h-.ê í-gōa, bô-lūn siáⁿ-mi̍h kang lóng m̄ thang chò. | 註釋 串珠 盧俊義 盧華 盧導讀台 |
| 12:17 | Lín tio̍h siú Bô-kàⁿ-cheh, in-ūi Góa tútú tī hit ji̍t chhōa lín ê kun-tūi tùi Ai-gi̍p tē chhut-.lâi. Só͘-í, lín tio̍h siú chit ji̍t, ta̍k sè-tāi chò éng-oán ê lē. | 註釋 串珠 盧俊義 盧華 盧導讀台 |
| 12:18 | Tùi chiaⁿ-goe̍h cha̍p-sì ê-hng kàu jī-it ê-hng, lín tio̍h chia̍h bô-kàⁿ piáⁿ. | 註釋 串珠 盧俊義 盧華 盧導讀台 |
| 12:19 | Tī lín ta̍k keng chhù, chhit ji̍t lāi m̄ thang ū kàⁿ, in-ūi kiàn-nā chia̍h ū kàⁿ ê mi̍h, bô-lūn sī kià-kha ê á-.sī pún-tē ê, hit-ê lâng tio̍h tùi I-su-la-el hōe tiong tû-.khì. | 註釋 串珠 盧俊義 盧華 盧導讀台 |
| 12:20 | Ū kàⁿ ê mi̍h, lín lóng m̄ thang chia̍h, tī lín só͘-ū tòa ê só͘-chāi, tio̍h chia̍h bô-kàⁿ piáⁿ. " | 註釋 串珠 盧俊義 盧華 盧導讀台 |
| 12:21 | Tē-it pái ê Pôaⁿ-kòe-chehMô͘-se chiū kiò I-su-la-el chèng tiúⁿ-ló lâi, kā in kóng, " Lín ta̍k lâng tio̍h chiàu ke-kháu chhú iûⁿ-á, kā i thâi lâi chò Pôaⁿ-kòe-cheh. | 註釋 串珠 盧俊義 盧華 盧導讀台 |
| 12:22 | Lín tio̍h the̍h chi̍t pé ê gû-chhek-chháu, ùn phûn lāi ê hoeh, ēng phûn lāi ê hoeh boah mn̂g-bâi kah siang pêng ê mn̂g-kheng, lín bô-lūn siáⁿ lâng lóng m̄ thang tùi i ê chhù-chhut-mn̂g, it-ti̍t kàu bîn-á chá-khí. | 註釋 串珠 盧俊義 盧華 盧導讀台 |
| 12:23 | In-ūi Siōng-chú beh piàn kiâⁿ, phah-sí Ai-gi̍p lâng, I khòaⁿ tio̍h hoeh tī mn̂g-bâi kah siang pêng ê mn̂g-kheng, Siōng-chú chiū ē pôaⁿ-kòe hit-ê mn̂g, m̄-chún bia̍t sèⁿ-miā-.ê ji̍p-khì lín ê chhù, lâi phah-sí lín. | 註釋 串珠 盧俊義 盧華 盧導讀台 |
| 12:24 | Chit-ê tāichì lín tio̍h chun-siú, chò lín kah lín ê kiáⁿ-sun éng-oán ê lē. | 註釋 串珠 盧俊義 盧華 盧導讀台 |
| 12:25 | Āu-lâi, lín lâi-kàu Siōng-chú chiàu I só͘ èng-ín siúⁿ-sù hō͘ lín hit-ê tē, chiū tio̍h siú chit-ê lé-gî. | 註釋 串珠 盧俊義 盧華 盧導讀台 |
| 12:26 | Lín ê kiáⁿ-jî nā mn̄g lín, ' Ūi siáⁿ-mi̍h kiâⁿ chit-ê lé-gî? ' | 註釋 串珠 盧俊義 盧華 盧導讀台 |
| 12:27 | Lín chiū tio̍h kóng, ' Che sī Siōng-chú Pôaⁿ-kòe-cheh ê chè, tng I-su-la-el lâng tī Ai-gi̍p ê sî, Siōng-chú phah-sí Ai-gi̍p lâng, pôaⁿ-kòe I-su-la-el lâng ê chhù, kiù lán tāi-ke. '" Chiū ánne, jîn-bîn àⁿ thâu kèng-pài. | 註釋 串珠 盧俊義 盧華 盧導讀台 |
| 12:28 | I-su-la-el lâng chiū chiàu ánne kiâⁿ, Siōng-chú só͘ hoan-hù Mô͘-se kah A-lông ê, in chiàu ánne khì kiâⁿ. | 註釋 串珠 盧俊義 盧華 盧導讀台 |
| 12:29 | Thâu-thai-.ê Lóng ThâiKàu pòaⁿ-mê, Siōng-chú kā Ai-gi̍p tē só͘-ū ê tōa-kiáⁿ, to̍h-sī tùi chē-ūi ê Hôa-láu ê tōa-kiáⁿ kàu kaⁿ-hoān ê tōa-kiáⁿ, í-ki̍p thâu-chúi seⁿ ê chengseⁿ, choân-pō͘ thâi-sí. | 註釋 串珠 盧俊義 盧華 盧導讀台 |
| 12:30 | Hôa-láu kah só͘-ū ê jîn-sîn, í-ki̍p Ai-gi̍p ê kûn-chiòng, àm-sî lóng khí-.lâi, tī Ai-gi̍p ū tōa thî-khàu ê siaⁿ, in-ūi bô chi̍t ke bô sí-lâng. | 註釋 串珠 盧俊義 盧華 盧導讀台 |
| 12:31 | Hôa-láu thàu-mê tiàu Mô͘-se kah A-lông lâi, kóng, " Khí-.lâi! Kiò I-su-la-el lâng tio̍h tùi góa ê jîn-bîn tiong-kan chhut-.khì, chiàu lín só͘ kóng ê, khì ho̍k-sāi Siōng-chú! | 註釋 串珠 盧俊義 盧華 盧導讀台 |
| 12:32 | Μā chiàu lín só͘ kóng ê, liân iûⁿ-kûn, gû-kûn lóng tòa-tòa-.khì, mā tio̍h kā góa chiok-hok. " | 註釋 串珠 盧俊義 盧華 盧導讀台 |
| 12:33 | Ai-gi̍p lâng pek jîn-bîn, kiò in kóaⁿ-kín lī-khui in ê tē, kóng, " Goán lóng sí à. " | 註釋 串珠 盧俊義 盧華 盧導讀台 |
| 12:34 | Jîn-bîn chiū the̍h bô-kàⁿ ê chheⁿ-mī, kā chhiau mī ê khì-kū pau tī saⁿ-á lāi, phāiⁿ tī keng-kah-thâu téng. | 註釋 串珠 盧俊義 盧華 盧導讀台 |
| 12:35 | I-su-la-el lâng chiàu Mô͘-se ê ōe kiâⁿ, tùi Ai-gi̍p lâng thó gîn-khì, kim-khì kah saⁿ-khò͘. | 註釋 串珠 盧俊義 盧華 盧導讀台 |
| 12:36 | Siōng-chú hō͘ jîn-bîn tī Ai-gi̍p lâng ê bīn-chêng tit tio̍h un-tián, chiàu in só͘ thó-.ê hō͘ in. Chiū ánne, in khì chhiúⁿ Ai-gi̍p lâng. | 註釋 串珠 盧俊義 盧華 盧導讀台 |
| 12:37 | I-su-la-el Lâng Lī-khui Ai-gi̍pI-su-la-el lâng tùi Lâm-sek khì Su-kot, tû gín'á í-gōa, kiâⁿ lō͘ ê tōa-lâng iok ū la̍k-cha̍p-bān. | 註釋 串珠 盧俊義 盧華 盧導讀台 |
| 12:38 | Koh ū chin chē cha̍p-cho̍k ê lâng, mā ū iûⁿ-kûn, gû-kûn, chin chē chengseⁿ kah in chò-hóe khì. | 註釋 串珠 盧俊義 盧華 盧導讀台 |
| 12:39 | In ēng tùi Ai-gi̍p tòa chhut-.lâi ê chheⁿ-mī piak chò bô-kàⁿ piáⁿ, bô hoat-kàⁿ, sī in-ūi siū-pek chhut Ai-gi̍p, bē tàng iân-chhiân-.tit, mā bô ūi kakī chún-pī siáⁿ-mi̍h chia̍h-mi̍h. | 註釋 串珠 盧俊義 盧華 盧導讀台 |
| 12:40 | I-su-la-el lâng chhut-gōa tī Ai-gi̍p, chóng-kiōng sì-pah saⁿ cha̍p nî. | 註釋 串珠 盧俊義 盧華 盧導讀台 |
| 12:41 | Kàu sì-pah saⁿ cha̍p nî móa, tútú hit ji̍t, Siōng-chú ê kun-tūi lóng tùi Ai-gi̍p tē chhut-.lâi. | 註釋 串珠 盧俊義 盧華 盧導讀台 |
| 12:42 | Chit mê, tio̍h ūi Siōng-chú lâi siú-chò kì-liām-ji̍t, in-ūi I chhōa in chhut Ai-gi̍p tē. Che sī Siōng-chú ê mê, sī I-su-la-el jîn-bîn tāi-tāi só͘ tio̍h siú ê kì-liām-ji̍t. | 註釋 串珠 盧俊義 盧華 盧導讀台 |
| 12:43 | Pôaⁿ-kòe-cheh ê Kui-tēngSiōng-chú tùi Mô͘-se kah A-lông kóng, " Pôaⁿ-kòe-cheh ê lē sī ánne: Gōa-pang lâng lóng m̄ thang chia̍h Pôaⁿ-kòe-cheh. | 註釋 串珠 盧俊義 盧華 盧導讀台 |
| 12:44 | To̍k-to̍k ta̍k lâng ēng gîn bé-.lâi ê lô͘-po̍k í-keng kā i kiâⁿ kat-lé ê, chiū thang chia̍h. | 註釋 串珠 盧俊義 盧華 盧導讀台 |
| 12:45 | Kià-kha ê kah chhiàⁿ-kang lóng m̄ thang chia̍h. | 註釋 串珠 盧俊義 盧華 盧導讀台 |
| 12:46 | Tio̍h tī chi̍t keng chhù lāi chia̍h, chi̍t tè bah mā m̄ thang tòa chhut-khì chhù gōa, i ê kut chi̍t ki mā m̄ thang phah-tn̄g. | 註釋 串珠 盧俊義 盧華 盧導讀台 |
| 12:47 | I-su-la-el lâng choân hōe-chiòng lóng tio̍h siú chit-ê cheh. | 註釋 串珠 盧俊義 盧華 盧導讀台 |
| 12:48 | Nā ū gōa-cho̍k lâng chhut-gōa tī lín tiong-kan, ài siú Pôaⁿ-kòe-cheh lâi ho̍k-sāi Siōng-chú, i só͘-ū ê chapo͘ lâng tio̍h siū kat-lé, jiân-āu i chiū thang lâi siú chit-ê cheh, chiū kah pún cho̍k ê lâng bô koh-iūⁿ; chóng-.sī, bô siū kat-lé ê lâng lóng m̄ thang siú chit-ê cheh. | 註釋 串珠 盧俊義 盧華 盧導讀台 |
| 12:49 | Pún-cho̍k ê lâng kah gōa-cho̍k ê lâng chhut-gōa tī lín tiong-kan, lóng kâng sio-siâng ê lē. | 註釋 串珠 盧俊義 盧華 盧導讀台 |
| 12:50 | I-su-la-el jîn-bîn chiū ánne kiâⁿ, chiàu Siōng-chú só͘ hoan-hù Mô͘-se kah A-lông ê khì chò. | 註釋 串珠 盧俊義 盧華 盧導讀台 |
| 12:51 | Tng hit ji̍t, Siōng-chú chhōa I-su-la-el lâng, chiàu in ê kun-tūi, chhut Ai-gi̍p tē. | 註釋 串珠 盧俊義 盧華 盧導讀台 |