| 章節 | 全民台語聖經全羅經文 | 註釋 |
| 55:1 | Siōng-chú beh Liân-bínEh, kiàn-nā lín chhùi-ta ê, tio̍h lâi chiū-kīn chúi; bô chîⁿ ê, lín mā tio̍h lâi, lâi bé lâi chia̍h; lâi, m̄-bián gîn, m̄-bián kè-chîⁿ, lâi bé chiú kah leng. | 註釋 串珠 盧俊義 盧導讀台 |
| 55:2 | Lín ná ē khai-hùi chîⁿ, bé hit-ê bē chia̍h-.tit ê mi̍h? Ná ē lô-khó͘, tī hit-ê bē hō͘ lâng pá-chiok ê? Lín tio̍h chù-ì thiaⁿ Góa ê ōe, chiū ē chia̍h hit-ê hó mi̍h, tit tio̍h hióng-siū iû-jī, hō͘ sim hoaⁿ-hí. | 註釋 串珠 盧俊義 盧導讀台 |
| 55:3 | Lín tio̍h àⁿ hīⁿ-khang lâi chiū-kīn Góa; tio̍h thiaⁿ, lín ê sim-sîn chiū ē oa̍h. Góa beh kah lín li̍p éng-oán ê iok, to̍h-sī Góa èng-ín beh hō͘ Ta-bi̍t kian-kò͘ ê un-hūi. | 註釋 串珠 盧俊義 盧導讀台 |
| 55:4 | Lí khòaⁿ, Góa í-keng siat-li̍p i chò lia̍t kok ê kiàn-chèng, chò lia̍t pang ê kun-ông kah siú-léng. | 註釋 串珠 盧俊義 盧導讀台 |
| 55:5 | Lí khòaⁿ, lí pêng-sî m̄ bat ê jîn-bîn, lí beh kiò i lâi; pêng-sî m̄ bat lí ê jîn-bîn mā ē cháu-lâi óa lí. Che lóng sī ūi tio̍h Siōng-chú — lí ê Siōng-tè, I-su-la-el ê sèng ê, in-ūi I í-keng êng-kng lí. | 註釋 串珠 盧俊義 盧導讀台 |
| 55:6 | Tio̍h thàn Siōng-chú thang chhōe tio̍h ê sî lâi chhōe I, tī I sio óa-kīn ê sî kiû-kiò I. | 註釋 串珠 盧俊義 盧導讀台 |
| 55:7 | Pháiⁿ lâng tio̍h lī-khui i ê lō͘, put-gī ê lâng tio̍h kái-ōaⁿ i ê liām-thâu. Kui-ǹg Siōng-chú, I ē liân-bín i; kui-ǹg lán ê Siōng-chú, in-ūi I beh piàn kiâⁿ sià-bián. | 註釋 串珠 盧俊義 盧導讀台 |
| 55:8 | Siōng-chú kóng: Góa ê liām-thâu m̄-sī lín ê liām-thâu, lín ê lō͘ m̄-sī Góa ê lō͘. | 註釋 串珠 盧俊義 盧導讀台 |
| 55:9 | In-ūi thiⁿ án-chóaⁿ khah koân tē, ánne Góa ê lō͘ khah koân lín ê lō͘, Góa ê liām-thâu khah koân lín ê liām-thâu. | 註釋 串珠 盧俊義 盧導讀台 |
| 55:10 | In-ūi chhin-chhiūⁿ hō͘ kah seh tùi thiⁿ kàng-lo̍h, mā bô koh tò tńg-.khì; in chu-jūn thó͘-tē, hō͘ tē-chiūⁿ puh-gê kiat-si̍t, hō͘ iā chéng ê ū chéng-chí, hō͘ chia̍h ê ū bí-niûⁿ. | 註釋 串珠 盧俊義 盧導讀台 |
| 55:11 | Góa ê chhùi só͘ kóng-chhut ê ōe mā beh ánne, choa̍t-tùi bô khang-khang tò tńg-lâi Góa chia, sī beh chiâⁿ Góa só͘ hoaⁿ-hí ê, beh hō͘ Góa só͘ chhe i chò ê tāichì tit tio̍h heng-thong. | 註釋 串珠 盧俊義 盧導讀台 |
| 55:12 | Lín chhut-khì ē hoaⁿ-hoaⁿ hí-hí, ē tit tio̍h ín-chhōa pêng-pêng an-an. Tōa soaⁿ sió soaⁿ beh tī lín ê bīn-chêng chhut siaⁿ chhiùⁿ koa, chhân-iá ê chhiū-ba̍k lóng beh tah chhiú. | 註釋 串珠 盧俊義 盧導讀台 |
| 55:13 | Chhêng-peh seng-tióng lâi thè chháu-chhì, kong-liam chhiū seng-tióng lâi thè chi̍t-lê. Che sī beh chò Siōng-chú ê miâ ê kì-liām, chò éng-oán ê chèng-kì, bē tàng chián-tû. | 註釋 串珠 盧俊義 盧導讀台 |