| 章節 | 全民台語聖經全羅經文 | 註釋 |
| 59:1 | Sian-ti Khián-chek Jîn-bîn ê ChōeLí khòaⁿ, Siōng-chú ê chhiú m̄-sī té, bē tàng chín-kiù; hīⁿ-khang m̄-sī tāng, bē tàng thiaⁿ. | 註釋 串珠 盧俊義 盧導讀台 |
| 59:2 | Sī lín ê chōe-kò hō͘ lín kah Siōng-chú keh-tn̄g, lín ê chōe-ok hō͘ I tùi lín am bīn, bô beh thiaⁿ. | 註釋 串珠 盧俊義 盧導讀台 |
| 59:3 | In-ūi lín ê chhiú bak tio̍h hoeh, lín ê chéng-thâu-á bak tio̍h chōe-ok, lín ê chhùi-tûn kóng pe̍h-chha̍t, lín ê chi̍h kóng-chhut pháiⁿ ōe. | 註釋 串珠 盧俊義 盧導讀台 |
| 59:4 | Bô lâng ēng kong-gī lâi pín-bêng, bô lâng chiàu sêng-si̍t lâi piān-hō͘; lóng sī óa-khò hi-ké, kóng pe̍h-chha̍t. In só͘ hoâi-īn ê sī chân-hāi, só͘ seⁿ ê sī chōe-gia̍t. | 註釋 串珠 盧俊義 盧導讀台 |
| 59:5 | In pū to̍k-chôa ê nn̄g, keⁿ ti-tu ê bāng; lâng chia̍h i ê nn̄g it-tēng ē sí. Chit-ê nn̄g nā ta̍h phòa, it-tēng ē chhut ok-chôa. | 註釋 串珠 盧俊義 盧導讀台 |
| 59:6 | In só͘ keⁿ ê bāng bē tàng chiâⁿ-chò saⁿ-khò͘; in só͘ chò ê bē tàng kakī jia-khàm. In só͘ kiâⁿ ê lóng sī chōe-ok, in ê chhiú só͘ chò ê lóng sī kiông-pō. | 註釋 串珠 盧俊義 盧導讀台 |
| 59:7 | In ê kha cháu lâi kiâⁿ pháiⁿ, in kóaⁿ-kín beh lâu bô chōe ê lâng ê hoeh; in ê liām-thâu lóng sī chōe-gia̍t ê liām-thâu; só͘ keng-kòe ê tōa lō͘, lóng sī pha-hng húi-bia̍t ê lō͘. | 註釋 串珠 盧俊義 盧導讀台 |
| 59:8 | Pêng-an ê lō͘ in m̄-chai; in só͘ kiâⁿ ê lō͘-kèng bô ū kong-pêⁿ. In ūi tio̍h pún-sin chō oan-khiau ê lō͘; kiàn-nā chiàu ánne kiâⁿ ê, lóng m̄-chai pêng-an. | 註釋 串珠 盧俊義 盧導讀台 |
| 59:9 | Jîn-bîn Jīn Chōe Hóe-káiIn-ūi ánne, kong-pêⁿ lī-khui goán hn̄g-hn̄g, kong-gī jiok goán bē tio̍h. Goán ǹg-bāng kng, tian-tò sī tit tio̍h o͘-àm, ǹg-bāng kng-bêng, tian-tò kiâⁿ tī o͘-àm tiong. | 註釋 串珠 盧導讀台 |
| 59:10 | Goán bong chhiûⁿ, óa piah, chhin-chhiūⁿ chheⁿmê-.ê; goán sì-kè bong, chhin-chhiūⁿ bô ba̍k-chiu ê lâng. Goán tī ji̍t-tiong-tàu ê sî tian-tian tó-tó, chhin-chhiūⁿ hông-hun ê sî hit khoán; goán tī ióng-chòng ê lâng ê tiong-kan, ná chhin-chhiūⁿ sí-lâng. | 註釋 串珠 盧導讀台 |
| 59:11 | Goán chhin-chhiūⁿ hîm teh háu, chhin-chhiūⁿ pan-kah teh haiⁿ-haiⁿ kiò; ǹg-bāng kong-pêⁿ, chóng-.sī, lóng chhōe bô; ǹg-bāng kiù-un, chóng-.sī, i lī-khui goán hn̄g-hn̄g. | 註釋 串珠 盧導讀台 |
| 59:12 | Siōng-chú ah, goán ê kòe-sit tī Lí ê bīn-chêng ke-thiⁿ chin chē, chōe-ok chò kiàn-chèng teh kò goán; goán ê chōe-kò kah goán tông-chāi; kóng tio̍h goán ê chōe-kò, goán lóng chai, | 註釋 串珠 盧導讀台 |
| 59:13 | to̍h-sī pōe-ge̍k m̄-jīn Siōng-chú, oa̍t tńg-sin m̄-tòe goán ê Siōng-tè, kóng-chhut chè-ap kah pōe-ge̍k ê ōe; sim siūⁿ pe̍h-chha̍t ōe, chiū sòa kóng chhut-.khì. | 註釋 串珠 盧導讀台 |
| 59:14 | Jî-chhiáⁿ kong-pêⁿ thè-āu, kong-gī khiā tī hn̄g-hn̄g; sêng-si̍t poa̍h-tó tī ke-lō͘, chèng-ti̍t mā bē tàng chìn ji̍p-.lâi. | 註釋 串珠 盧導讀台 |
| 59:15 | Sêng-si̍t chió-chió; lī-khui pháiⁿ ê lâng, tian-tò chiâⁿ-chò siū chhiúⁿ ê mi̍h. Siōng-chú Chún-pī Chín-kiù I ê Chú-bînHit sî, Siōng-chú khòaⁿ-.tio̍h, in-ūi bô kong-gī, chiū put-chí bô hoaⁿ-hí. | 註釋 串珠 盧俊義 盧導讀台 |
| 59:16 | I khòaⁿ tio̍h bô lâng chín-kiù, bô lâng tāi kiû, put-chí tio̍h-kiaⁿ kah gāng-.khì, chiū ēng kakī ê chhiú lâi kiù kakī, ēng I ê kong-gī hû-chhî pún-sin. | 註釋 串珠 盧俊義 盧導讀台 |
| 59:17 | I ēng kong-gī chò khoe-kah lâi chhēng, ēng chín-kiù chò thâu-khoe lâi tì, ēng pò-siû chò saⁿ-khò͘ lâi chhēng, ēng jia̍t-sim chò gōa-phàu lâi moa. | 註釋 串珠 盧俊義 盧導讀台 |
| 59:18 | I beh chiàu in ê hêng-ûi lâi pò-èng, tùi I ê tùi-te̍k siū-khì, pò-èng I ê siû-te̍k, tùi chèng tó-sū kiâⁿ pò-èng. | 註釋 串珠 盧俊義 盧導讀台 |
| 59:19 | Án-ne, lâng tī ji̍t lo̍h ê só͘-chāi beh kèng-ùi Siōng-chú ê miâ; tī ji̍t chhut ê só͘-chāi mā beh kèng-ùi I ê êng-kng; in-ūi I beh lâi, chhin-chhiūⁿ kín-lâu ê hô chúi, sī Siōng-chú ê khùi só͘ chhui-pek ê. | 註釋 串珠 盧俊義 盧導讀台 |
| 59:20 | Siōng-chú tùi I ê chú-bîn kóng, " Ē ū chi̍t ūi kiù-sio̍k ê Chú lâi-kàu Si-óng, mā kàu Iâ-kop cho̍k tiong lī-khui kòe-sit ê lâng hia. Che sī Siōng-chú kóng ê. | 註釋 串珠 盧俊義 盧導讀台 |
| 59:21 | " Kóng tio̍h Góa, Góa kah in só͘ li̍p ê iok to̍h-sī ánne: Góa ê Sèng Sîn tī lí sin chiūⁿ ê, kah Góa hē tī lí ê chhùi ê ōe, bô beh lī-khui lí ê chhùi, bô lī-khui lí ê kiáⁿ-sun ê chhùi, mā bô lī-khui lí ê kiáⁿ-kiáⁿ sun-sun ê chhùi, tùi taⁿ kàu éng-oán. Che sī Siōng-chú kóng ê. " | 註釋 串珠 盧俊義 盧導讀台 |