章節 | 全民台語聖經全羅經文 | 註釋 |
61:1 | Chín-kiù ê Hó Siau-sitChì-koân Siōng-chú ê Sèng Sîn lîm-kàu góa; in-ūi Siōng-chú ēng iû boah góa, hō͘ góa thoân hok-im hō͘ sànchhiah ê lâng, chhe góa i hó siong-sim ê lâng, soan-iông siū lia̍h ê tit tio̍h tháu-pàng, siū koaiⁿ ê chhut kaⁿ-lô; | 註釋 串珠 盧俊義 盧導讀台 |
61:2 | soan-iông Siōng-chú hoaⁿ-hí ê nî kah lán ê Siōng-chú pò-siû ê ji̍t. An-ùi só͘-ū pi-ai ê lâng; | 註釋 串珠 盧俊義 盧導讀台 |
61:3 | tī Si-óng pi-ai ê lâng, ē ēng hoe-bō siúⁿ-sù I lâi tāi-thè hóe-hu, hoaⁿ-hí ê iû lâi tāi-thè pi-ai, oló ê saⁿ lâi tāi-thè iu-chhiû ê sim; hō͘ in kiò-chò kong-gī ê chhiū, to̍h-sī Siōng-chú só͘ chai ê, lâi hián-bêng kakī ê êng-kng. | 註釋 串珠 盧俊義 盧導讀台 |
61:4 | In beh khí-chō kó͘-chá pha-hng ê só͘-chāi, kiàn-li̍p chá-chêng hi-bî ê siâⁿ, mā beh siu-lí pha-hng ê siâⁿ, to̍h-sī tāi-tāi hi-bî ê siâⁿ. | C註釋 註釋 串珠 盧俊義 盧導讀台 |
61:5 | Gōa-bīn ê lâng ē khí-lâi kò͘ lín ê iûⁿ-kûn, gōa-pang lâng ē kā lín choh-chhân, chiàu-kò͘ lín ê phû-tô hn̂g. | 註釋 串珠 盧俊義 盧導讀台 |
61:6 | Chóng-.sī, lín ē hông kiò-chò Siōng-chú ê chè-si; lâng beh chheng lín chò lán ê Siōng-chú ê chhe-ēng. Lín ē chia̍h-ēng lia̍t kok ê châi-bu̍t, tit tio̍h in ê êng-kng lâi khoa-kháu. | 註釋 串珠 盧俊義 盧導讀台 |
61:7 | Lín ē tit tio̍h ka-pōe ê hok-khì lâi tāi-thè só͘ siū ê kiàn-siàu; in beh hoaⁿ-hí tī in só͘ tit tio̍h ê hūn-gia̍h, lâi tāi-thè só͘ siū ê lêng-jio̍k. Só͘-í, in tī kéng lāi ē tit tio̍h ka-pōe ê sán-gia̍p, éng-oán ê khoài-lo̍k ē kui hō͘ in. | 註釋 串珠 盧俊義 盧導讀台 |
61:8 | In-ūi Góa — Siōng-chú ài kong-pêⁿ, oàn-hūn put-gī ê chhiúⁿ-kiap; Góa ē chiàu sêng-si̍t pò-èng in, mā beh kah in li̍p éng-oán ê iok. | 註釋 串珠 盧俊義 盧導讀台 |
61:9 | In ê kiáⁿ-sun ē tī lia̍t kok tiong hō͘ lâng bat i; in ê kiáⁿ-sun tī chèng lâng tiong mā sī ánne. Kiàn-nā khòaⁿ tio̍h in ê, lóng ē chai in sī Siōng-chú sù-hok ê kiáⁿ-sun. | 註釋 串珠 盧俊義 盧導讀台 |
61:10 | Góa in-ūi Siōng-chú lâi tōa-tōa hoaⁿ-hí; góa ê sim-sîn in-ūi góa ê Siōng-chú chiū khoài-lo̍k; in-ūi I ēng chín-kiù chò saⁿ kā góa chhēng, ēng kong-gī chò phâu kā góa moa, chhin-chhiūⁿ sin-lông tì súi ê bō, koh chhin-chhiūⁿ sin-niû ēng pó-bu̍t táⁿ-pān. | 註釋 串珠 盧俊義 盧導讀台 |
61:11 | In-ūi thó͘-tē án-chóaⁿ hō͘ pah hāng ê ngó͘-kok puh-gê, hn̂g án-chóaⁿ hō͘ só͘ chèng ê seng-tióng, chì-koân Siōng-chú mā beh ánne hō͘ kong-gī kah oló tī bān-kok ê bīn-chêng hoat-seng. | 註釋 串珠 盧俊義 盧導讀台 |