| 章節 | 全民台語聖經全羅經文 | 註釋 |
| 13:1 | Thâu-thai ê Lóng Tio̍h Hōng-hiànSiōng-chú hoan-hù Mô͘-se kóng, | 註釋 串珠 盧俊義 盧華 盧導讀台 |
| 13:2 | " I-su-la-el tiong, bô-lūn lâng á-.sī chengseⁿ, kiàn-nā thâu-chiūⁿ ê tōa-kiáⁿ, lóng tio̍h hun-pia̍t chò sèng, kui tī Góa, in-ūi pún-lâi to̍h sī Góa ê. " | 註釋 串珠 盧俊義 盧華 盧導讀台 |
| 13:3 | Bô-kàⁿ-chehMô͘-se kā jîn-bîn kóng, " Lín tio̍h kì-liām chit ji̍t, to̍h-sī lín tùi Ai-gi̍p tē, tùi chò lô͘-lē ê ke chhut-.lâi, in-ūi Siōng-chú ēng tōa koân-lêng ê chhiú chhōa lín tùi hia chhut-.lâi. Ū kàⁿ ê piáⁿ lóng m̄ thang chia̍h. | 註釋 串珠 盧俊義 盧華 盧導讀台 |
| 13:4 | Chit ji̍t sī lín chhut-.lâi ê ji̍t, sī tī A-pit-goe̍h tiong-kan. | 註釋 串珠 盧俊義 盧華 盧導讀台 |
| 13:5 | Āu-lâi, Siōng-chú chhōa lín ji̍p-khì Ka-nân, Hiat, A-mô͘-lī, Hi-bī, I-é-bú-suh hiahê cho̍k ê tē, to̍h-sī tùi lí ê chó͘-sian chiùchōa èng-ín hō͘ lí ê, hit-ê lâu leng kah bi̍t ê tē, hit sî lí tio̍h tī chit goe̍h kan siú chit-ê lé. | 註釋 串珠 盧俊義 盧華 盧導讀台 |
| 13:6 | Lí tio̍h chia̍h bô-kàⁿ piáⁿ chhit ji̍t, kàu tē-chhit ji̍t to̍h-sī Siōng-chú ê cheh. | 註釋 串珠 盧俊義 盧華 盧導讀台 |
| 13:7 | Chit chhit ji̍t tio̍h chia̍h bô-kàⁿ piáⁿ, tī lí ê sì-kho͘-ûi, m̄ thang khòaⁿ tio̍h lí ū hē-kàⁿ ê piáⁿ, mā m̄ thang khòaⁿ tio̍h lí ū kàⁿ-bó. | 註釋 串珠 盧俊義 盧華 盧導讀台 |
| 13:8 | Tng hit ji̍t, lí tio̍h kā lí ê kiáⁿ kóng, ' Che sī in-ūi Siōng-chú, tī góa chhut Ai-gi̍p ê sî, só͘ kā góa kiâⁿ ê tāichì. | 註釋 串珠 盧俊義 盧華 盧導讀台 |
| 13:9 | Che beh kā lí chò kì-hō tī lí ê chhiú, chò kì-liām tī lí ê thâu-hia̍h, hō͘ Siōng-chú ê lu̍t-hoat tiāⁿtiāⁿ tī lí ê chhùi, in-ūi Siōng-chú bat ēng tōa koân-lêng ê chhiú chhōa lí chhut Ai-gi̍p. | 註釋 串珠 盧俊義 盧華 盧導讀台 |
| 13:10 | Só͘-í, ta̍k nî kàu chit-ê kî, lí tio̍h siú chit-ê lē. '" | 註釋 串珠 盧俊義 盧華 盧導讀台 |
| 13:11 | Tōa Kiáⁿ" Chiong-lâi Siōng-chú ē chiàu I tùi lí kah lí ê chó͘-sian só͘ chiùchōa ê, chhōa lí ji̍p-khì Ka-nân lâng ê tē, kā chit-ê tē siúⁿ-sù hō͘ lí, | 註釋 串珠 盧俊義 盧華 盧導讀台 |
| 13:12 | hit sî, lí tio̍h kā só͘-ū thâu-the ê chapo͘ kiáⁿ kah só͘-ū thâu-chúi kang ê chengseⁿ, kui hō͘ Siōng-chú, chiahê lóng sio̍k Siōng-chú. | 註釋 串珠 盧俊義 盧華 盧導讀台 |
| 13:13 | Kiàn-nā thâu-chúi seⁿ ê lî-á, tio̍h ēng iûⁿ-á thè-sio̍k; nā bô beh thè-sio̍k, chiū tio̍h kòng-tn̄g i ê ām-kún. Kiàn-nā lí thâu-chiūⁿ ê chapo͘ kiáⁿ lóng tio̍h thè-sio̍k. | 註釋 串珠 盧俊義 盧華 盧導讀台 |
| 13:14 | Ji̍t-āu, lí ê kiáⁿ nā mn̄g lí kóng, ' Che sī siáⁿ-mi̍h iân-kò͘? ' Lí tio̍h tùi i kóng, ' Siōng-chú ēng tōa koân-lêng ê chhiú, chhōa goán tùi Ai-gi̍p, tùi chò lô͘-lē ê ke chhut-.lâi. | 註釋 串珠 盧俊義 盧華 盧導讀台 |
| 13:15 | Hit sî, Hôa-láu kò͘-chi̍p m̄-chún goán lī-khui, Siōng-chú chiū kā Ai-gi̍p tē só͘-ū thâu-the ê, bô-lūn sī lâng ê tōa-kiáⁿ á-.sī chengseⁿ ê thâu-chúi ê lóng hāi-sí. In-ūi ánne, góa kā thâu-chúi ê kang ê hiàn hō͘ Siōng-chú chò chè, to̍k-to̍k góa ê tōa-kiáⁿ lóng ēng thè-sio̍k. | 註釋 串珠 盧俊義 盧華 盧導讀台 |
| 13:16 | Che beh chò kì-hō tī lí ê chhiú, chò kì-liām hâ tī lí ê thâu-hia̍h, in-ūi Siōng-chú ēng tōa koân-lêng ê chhiú, chhōa goán tùi Ai-gi̍p chhut-.lâi. '" | 註釋 串珠 盧俊義 盧華 盧導讀台 |
| 13:17 | Hûn-thiāu kah Hóe-thiāuHôa-láu chún jîn-bîn lī-khui ê sî, Hui-lī-sū tē ê lō͘ sûi-jiân khah kīn, chóng-.sī, Siōng-tè bô chhōa in tùi hia khì, in-ūi Siōng-tè kóng, " Khióng-kiaⁿ jîn-bîn tú tio̍h kau-chiàn, chiū ē hō͘-hóe, tò tńg-khì Ai-gi̍p. " | 註釋 串珠 盧俊義 盧華 盧導讀台 |
| 13:18 | Só͘-í, Siōng-tè chhōa jîn-bîn oan tùi Âng-hái khòng-iá hit tiâu lō͘ khì. I-su-la-el lâng lóng pâi tūi-ngó͘, tùi Ai-gi̍p tē chhut-.khì. | 註釋 串珠 盧俊義 盧華 盧導讀台 |
| 13:19 | Mô͘-se tòa Iô-sé-huh ê kut-thâu kah i khì, in-ūi Iô-sé-huh bat pek-chhiat kah I-su-la-el lâng chiùchōa, tùi in kóng, " Siōng-tè it-tēng ē chiàu-kò͘ lín, lín tio̍h tòa góa ê kut-thâu tùi chia chò-hóe khì. " | 註釋 串珠 盧俊義 盧華 盧導讀台 |
| 13:20 | In tùi Su-kot chhut-hoat, chat iâⁿ tī kīn khòng-iá ê E-thám. | 註釋 串珠 盧俊義 盧華 盧導讀台 |
| 13:21 | Siōng-chú kiâⁿ tī in ê thâu-chêng, ji̍t-sî tī hûn-thiāu tiong chhōa in ê lō͘, àm-sî tī hóe-thiāu tiong kng chiò in, hō͘ in mê-ji̍t lóng ē-tàng kiâⁿ. | 註釋 串珠 盧俊義 盧華 盧導讀台 |
| 13:22 | Ji̍t-sî ê hûn-thiāu, àm-sî ê hóe-thiāu, lóng bô lī-khui jîn-bîn ê thâu-chêng. | 註釋 串珠 盧俊義 盧華 盧導讀台 |