| 章節 | 全民台語聖經全羅經文 | 註釋 |
| 14:1 | Kòe Âng-háiSiōng-chú kā Mô͘-se kóng, | 註釋 串珠 盧俊義 盧華 盧導讀台 |
| 14:2 | " Lí hoan-hù I-su-la-el lâng oa̍t tò-tńg, chat iâⁿ tī Pí-hap-hi-lio̍k ê thâu-chêng, tī Mig-tol kah hái ê tiong-kan, tī Pa-le̍k-sé-hun ê thâu-chêng, tī hit tùi-bīn chat iâⁿ tī hái piⁿ. | 註釋 串珠 盧俊義 盧華 盧導讀台 |
| 14:3 | Hôa-láu ē gī-lūn I-su-la-el lâng kóng, ' In tī hia se̍h bô lō͘, khòng-iá kā in ûi-khùn-.leh. ' | 註釋 串珠 盧俊義 盧華 盧導讀台 |
| 14:4 | Góa beh hō͘ Hôa-láu ê sim ngē, i ē jiok in, Góa chiū tī Hôa-láu kah i ê kun-tūi lâi tit tio̍h êng-kng, Ai-gi̍p lâng chiū chai Góa sī Siōng-chú. " In chiū ánne kiâⁿ. | 註釋 串珠 盧俊義 盧華 盧導讀台 |
| 14:5 | Ū lâng pò Ai-gi̍p ông kóng, " Hiahê jîn-bîn cháu-.khì à. " Hôa-láu kah i ê jîn-sîn tùi-thāi hit-ê jîn-bîn ê sim chiū piàn-ōaⁿ, kóng, " Lán chún I-su-la-el lâng lī-khui, bô koh ho̍k-sāi lán, che sī siáⁿ-mi̍h iân-kò͘? " | 註釋 串珠 盧俊義 盧華 盧導讀台 |
| 14:6 | Hôa-láu chiū chún-pī i ê chhia, chhōa i ê jîn-bîn chò-hóe khì, | 註釋 串珠 盧俊義 盧華 盧導讀台 |
| 14:7 | mā tòa la̍k-pah tâi te̍k-pia̍t ê chhia kah Ai-gi̍p só͘-ū ê chhia, ta̍k tâi chhia lóng ū peng-thâu teh koán. | 註釋 串珠 盧俊義 盧華 盧導讀台 |
| 14:8 | Siōng-chú hō͘ Ai-gi̍p ông Hôa-láu ê sim ngē, i chiū jiok I-su-la-el lâng, m̄ koh, I-su-la-el lâng khò tōa koân-lêng ê chhiú chhut-.khì. | 註釋 串珠 盧俊義 盧華 盧導讀台 |
| 14:9 | Ai-gi̍p lâng jiok in, Hôa-láu só͘-ū ê bé, chhia kah i ê bé-peng, í-ki̍p i ê kun-tūi, chiū tī hái piⁿ óa-kīn Pí-hap-hi-lio̍k, tī Pa-le̍k-sé-hun ê tùi-bīn, tī I-su-la-el lâng chat iâⁿ ê só͘-chāi, jiok tio̍h in. | 註釋 串珠 盧俊義 盧華 盧導讀台 |
| 14:10 | Hôa-láu kīn-óa ê sî, I-su-la-el lâng gia̍h thâu khòaⁿ tio̍h Ai-gi̍p lâng jiok óa-.lâi, chiū chin kiaⁿ, tōa-siaⁿ âu-kiò Siōng-chú. | 註釋 串珠 盧俊義 盧華 盧導讀台 |
| 14:11 | Kûn-chiòng tùi Mô͘-se kóng, " Kám sī Ai-gi̍p bô bōng-tē, lí chiah chhōa goán chhut-lâi sí tī khòng-iá? Lí ná ē ánne khoán-thāi goán, chhōa goán chhut Ai-gi̍p? | 註釋 串珠 盧俊義 盧華 盧導讀台 |
| 14:12 | Goán tī Ai-gi̍p kám bô tùi lí ánne kóng, m̄ thang chhap goán, chhut-chāi goán ho̍k-sāi Ai-gi̍p lâng? In-ūi ho̍k-sāi Ai-gi̍p lâng, khah ta̍t-tit sí tī khòng-iá. " | 註釋 串珠 盧俊義 盧華 盧導讀台 |
| 14:13 | Mô͘-se tùi kûn-chiòng kóng, " M̄-bián kiaⁿ, chò lín khiā-.leh, khòaⁿ Siōng-chú kin-á-ji̍t ūi tio̍h lín só͘ beh kiâⁿ ê chín-kiù, in-ūi lín kin-á-ji̍t só͘ khòaⁿ-.tio̍h ê Ai-gi̍p lâng, it-tēng éng-oán bô koh khòaⁿ-.tio̍h. | 註釋 串珠 盧俊義 盧華 盧導讀台 |
| 14:14 | Siōng-chú ē ūi lín kau-chiàn, chò lín tiām-tiām, mài chhut siaⁿ. " | 註釋 串珠 盧俊義 盧華 盧導讀台 |
| 14:15 | Siōng-chú tùi Mô͘-se kóng, " Lí án-chóaⁿ tōa-siaⁿ teh tùi Góa âu-kiò? Lí tio̍h kah I-su-la-el lâng chìn-chêng khì. | 註釋 串珠 盧俊義 盧華 盧導讀台 |
| 14:16 | Lí gia̍h koái-á chhun chhiú kí hái, lâi kā hái hun-khui. I-su-la-el lâng beh tī hái tiong kiâⁿ ta tē. | 註釋 串珠 盧俊義 盧華 盧導讀台 |
| 14:17 | To̍k-to̍k góa, Góa beh hō͘ Ai-gi̍p lâng ê sim ngē, in ē tòe lín lo̍h-.khì. Góa beh tī Hôa-láu kah i ê kun-tūi, i ê chhia, i ê bé-peng, lâi tit tio̍h êng-kng. | 註釋 串珠 盧俊義 盧華 盧導讀台 |
| 14:18 | Góa tī Hôa-láu kah i ê chhia, i ê bé-peng, tit tio̍h êng-kng ê sî, Ai-gi̍p lâng chiū chai Góa sī Siōng-chú. " | 註釋 串珠 盧俊義 盧華 盧導讀台 |
| 14:19 | Siōng-tè ê sù-chiá pún-lâi kiâⁿ tī I-su-la-el ê iâⁿ-chêng ê, sóa-lâi kiâⁿ tī in ê āu-bīn; hûn-thiāu mā tùi in ê thâu-chêng, sóa-lâi khiā tī in ê āu-bīn. | 註釋 串珠 盧俊義 盧華 盧導讀台 |
| 14:20 | Τī Ai-gi̍p iâⁿ kah I-su-la-el iâⁿ ê tiong-kan, hit pêng ū hûn ū o͘-àm, chit pêng àm-sî hoat-chhut kng, kui mê nn̄g pêng bē sio kīn-óa. | 註釋 串珠 盧俊義 盧華 盧導讀台 |
| 14:21 | Mô͘-se chiū chhun chhiú kí hái, Siōng-chú kui mê hō͘ tang-hong tōa khí, hō͘ hái chúi thè-.khì, chúi chiū hun-khui, hái chiū chiâⁿ-chò ta tē. | 註釋 串珠 盧俊義 盧華 盧導讀台 |
| 14:22 | I-su-la-el lâng lo̍h-khì hái tiong kiâⁿ ta tē, chúi tī in ê siang pêng chiâⁿ-chò chhiûⁿ-piah. | 註釋 串珠 盧俊義 盧華 盧導讀台 |
| 14:23 | Ai-gi̍p lâng jiok in, Hôa-láu só͘-ū ê bé, chhia kah bé-peng, lóng tòe in lo̍h-khì hái tiong. | 註釋 串珠 盧俊義 盧華 盧導讀台 |
| 14:24 | Kàu thiⁿ beh kng ê sî, Siōng-chú tùi hûn kah hóe ê thiāu tiong àⁿ-lo̍h, khòaⁿ Ai-gi̍p ê kun-tūi, phah-loān in ê tūi-ngó͘; | 註釋 串珠 盧俊義 盧華 盧導讀台 |
| 14:25 | koh hō͘ in ê chhia-lián lak-.khì, oh-tit kiâⁿ, tì-sú Ai-gi̍p lâng kóng, " Lán tio̍h tùi I-su-la-el lâng ê bīn-chêng tô-cháu, in-ūi Siōng-chú ūi tio̍h in teh kah Ai-gi̍p lâng kau-chiàn. " | 註釋 串珠 盧俊義 盧華 盧導讀台 |
| 14:26 | Siōng-chú kā Mô͘-se kóng, " Lí chhun chhiú kí hái, hō͘ chúi tò tńg-lâi im Ai-gi̍p lâng kah in ê chhia, in ê bé-peng. " | 註釋 串珠 盧俊義 盧華 盧導讀台 |
| 14:27 | Mô͘-se chiū chhun chhiú kí hái, kàu thiⁿ chi̍t ē kng, hái chúi koh chiàu kū. Ai-gi̍p lâng siūⁿ beh tô-cháu, chúi cha̍h tī in ê thâu-chêng, Siōng-chú chiū kā Ai-gi̍p lâng chhia-tó tī hái tiong. | 註釋 串珠 盧俊義 盧華 盧導讀台 |
| 14:28 | Chúi chiū hoán-lâu, im-ba̍t hiahê chhia kah bé-peng. Hôa-láu ê kun-tūi tòe I-su-la-el lâng lo̍h hái ê, liân chi̍t-ê mā bô lâu-.leh. | 註釋 串珠 盧俊義 盧華 盧導讀台 |
| 14:29 | Chóng-.sī, I-su-la-el lâng tī hái tiong kiâⁿ ta tē, chúi tī in ê siang pêng chiâⁿ-chò in ê chhiûⁿ-piah. | 註釋 串珠 盧俊義 盧華 盧導讀台 |
| 14:30 | Hit ji̍t, Siōng-chú ánne kiù I-su-la-el lâng thoat-lī Ai-gi̍p lâng ê chhiú, I-su-la-el lâng khòaⁿ tio̍h Ai-gi̍p lâng ê sin-si tī hái piⁿ. | 註釋 串珠 盧俊義 盧華 盧導讀台 |
| 14:31 | I-su-la-el lâng khòaⁿ tio̍h Siōng-chú tùi Ai-gi̍p lâng só͘ kiâⁿ ê tōa sū, chiū kèng-ùi Siōng-tè, koh sìn-ho̍k Siōng-chú kah I ê lô͘-po̍k Mô͘-se. | 註釋 串珠 盧俊義 盧華 盧導讀台 |