| 章節 | 全民台語聖經全羅經文 | 註釋 |
| 15:1 | Mô͘-se Chi KoaHit sî, Mô͘-se kah I-su-la-el lâng chhiùⁿ chit-ê koa oló Siōng-chú, kóng: Góa beh chhiùⁿ koa oló Siōng-chú, in-ūi I chì-koân chì-tōa, I kā bé kah khiâ bé ê hiat lo̍h-khì hái tiong. | 註釋 串珠 盧俊義 盧華 盧導讀台 |
| 15:2 | Siōng-chú sī góa ê khùi-la̍t, sī góa ê si-koa, mā sī chò góa chín-kiù ê Chú. I sī góa ê Siōng-tè, góa beh oló I, sī góa ê pē ê Siōng-tè, góa beh chun I chò tōa. | 註釋 串珠 盧俊義 盧華 盧導讀台 |
| 15:3 | Siōng-chú sī chiàn-sū, I ê miâ kiò-chò I-é-ho-bah. | 註釋 串珠 盧俊義 盧華 盧導讀台 |
| 15:4 | Hôa-láu ê chhia kah i ê kun-peng, Siōng-chú kā in hiat lo̍h-khì hái tiong; i te̍k-pia̍t kéng ê kun-tiúⁿ, lóng tîm tī Âng-hái. | 註釋 串珠 盧俊義 盧華 盧導讀台 |
| 15:5 | Chhim-ian kā in khàm khí-.lâi; in chhin-chhiūⁿ chio̍h-thâu, tūi kàu chhim ê só͘-chāi. | 註釋 串珠 盧俊義 盧華 盧導讀台 |
| 15:6 | Siōng-chú ah, Lí ê chiàⁿ chhiú tián-chhut lêng-le̍k, tit tio̍h êng-kng; Siōng-chú ah, Lí ê chiàⁿ chhiú phah-chhùi tùi-te̍k. | 註釋 串珠 盧俊義 盧華 盧導讀台 |
| 15:7 | Lí hoat-chhut tōa ui-giâm, chhia-tó hiahê khí-lâi kong-kek Lí ê; Lí hoat-chhut tōa siū-khì, kā in sio-húi chhin-chhiūⁿ teh sio chháu. | 註釋 串珠 盧俊義 盧華 盧導讀台 |
| 15:8 | Lí hoat-chhut phīⁿ tiong ê khùi, chúi chiū ná chhèng ná koân, tōa-chúi khiā khí-lâi chhin-chhiūⁿ kui tui chhiûⁿ; hái tiong ê chhim-chúi piàn ta tē. | 註釋 串珠 盧俊義 盧華 盧導讀台 |
| 15:9 | Tùi-te̍k kóng, góa beh jiok in, góa beh jiok tio̍h in, góa beh pun só͘ chhiúⁿ ê mi̍h, góa beh tī in ê sin chiūⁿ lâi boán-chiok góa ê sim-goān. Góa beh poe̍h to, góa ê chhiú beh kā in siau-bia̍t. | 註釋 串珠 盧俊義 盧華 盧導讀台 |
| 15:10 | Lí chi̍t ē pûn-hong, hái chiū kā in khàm ba̍t; in chhin-chhiūⁿ iân tîm tī tōa-chúi tiong. | 註釋 串珠 盧俊義 盧華 盧導讀台 |
| 15:11 | Siōng-chú ah, chiahê sîn-bêng ê tiong-kan, siáⁿ lâng ē chhin-chhiūⁿ Lí? Siáⁿ lâng chhin-chhiūⁿ Lí, chì-sèng thang êng-kng, ui-giâm thang oló, kiâⁿ-chhut kî-sū? | 註釋 串珠 盧俊義 盧華 盧導讀台 |
| 15:12 | Lí chhun-chhut chiàⁿ chhiú, tē chiū kā in thun-bia̍t. | 註釋 串珠 盧俊義 盧華 盧導讀台 |
| 15:13 | Lí ēng Lí ê chû-ài, chhōa Lí só͘ kiù-sio̍k ê chú-bîn; Lí ēng Lí ê koân-lêng, chhōa in ji̍p-khì Lí sèng ê só͘-chāi. | 註釋 串珠 盧俊義 盧華 盧導讀台 |
| 15:14 | Lia̍t-pang thiaⁿ-.tio̍h chiū phi̍h-phi̍h chhoah; tòa tī Hui-lī-sū tē ê, tú tio̍h thòng-khó͘. | 註釋 串珠 盧俊義 盧華 盧導讀台 |
| 15:15 | Hit sî, E-tóm ê cho̍k-tiúⁿ tio̍h-kiaⁿ kah gāng-.khì, Mô͘-ap eng-hiông ê lâng tì-sú phi̍h-phi̍h chhoah, tòa tī Ka-nân tē ê jîn-bîn, sim lóng siau-iûⁿ. | 註釋 串珠 盧俊義 盧華 盧導讀台 |
| 15:16 | Khióng-pò͘ kiaⁿ-hiâⁿ lîm-kàu tī in. Siōng-chú ah, in-ūi Lí ê chhiú ê tōa koân-lêng, in tiāⁿtiāⁿ chhin-chhiūⁿ chio̍h-thâu, thèng-hāu Lí ê chú-bîn keng-kòe, thèng-hāu Lí só͘ tit tio̍h ê chú-bîn kòe-.khì. | 註釋 串珠 盧俊義 盧華 盧導讀台 |
| 15:17 | Lí ē chhōa in ji̍p-.khì, chai-pôe in tī Lí ê sán-gia̍p ê soaⁿ, Siōng-chú ah, to̍h-sī Lí ūi kakī só͘ chún-pī tòa ê só͘-chāi, Chú ah, to̍h-sī Lí ê chhiú só͘ kiàn-li̍p ê sèng-só͘. | 註釋 串珠 盧俊義 盧華 盧導讀台 |
| 15:18 | Siōng-chú beh chò ông, it-ti̍t kàu éng-oán. | 註釋 串珠 盧俊義 盧華 盧導讀台 |
| 15:19 | Mi-lí-ám Chi KoaIn-ūi Hôa-láu ê bé kah i ê chhia, i ê bé-peng, kàu tī hái tiong, Siōng-chú hō͘ hái chúi hoán-lâu kā in im-sí; to̍k-to̍k I-su-la-el lâng tī hái tiong kiâⁿ ta tē. | 註釋 串珠 盧俊義 盧華 盧導讀台 |
| 15:20 | A-lông ê tōa-ché lú-sian-ti Mi-lí-ám, chhiú-.ni̍h gia̍h lin-long-kó͘, chèng chabó͘ lâng mā tòe i chhut-.khì, gia̍h lin-long-kó͘ thiàu-bú. | 註釋 串珠 盧俊義 盧華 盧導讀台 |
| 15:21 | Mi-lí-ám hô só͘ chhiùⁿ ê kóng, Lín tio̍h chhiùⁿ koa oló Siōng-chú, in-ūi I sī chì-koân chì-tōa, kā bé kah khiâ bé ê lóng hiat lo̍h-khì hái tiong. | 註釋 串珠 盧俊義 盧華 盧導讀台 |
| 15:22 | Mô͘-se chhōa I-su-la-el lâng tùi Âng-hái chìn-chêng kiâⁿ, in chhut-.khì, lâi-kàu Siu-l ê khòng-iá, tī khòng-iá kiâⁿ saⁿ ji̍t, chhōe bô chúi. | 註釋 串珠 盧俊義 盧華 盧導讀台 |
| 15:23 | Lâi-kàu Mah-la̍h ê sî, Mah-la̍h ê chúi bē lim-.tit, in-ūi chúi khó͘, só͘-í kā hit só͘-chāi ê miâ kiò-chò Mah-la̍h. | 註釋 串珠 盧俊義 盧華 盧導讀台 |
| 15:24 | Jîn-bîn chiū tùi Mô͘-se ai-oàn, kóng, " Goán beh lim siáⁿ-mi̍h? " | 註釋 串珠 盧俊義 盧華 盧導讀台 |
| 15:25 | Mô͘-se kiû-kiò Siōng-chú, Siōng-chú chí-sī i chi̍t châng chhiū, i chiū kā hit-châng chhiū hiat lo̍h-khì chúi-.ni̍h, chúi chiū piàn kam. Siōng-chú tī hia ūi in tēng lu̍t-lē kah hoat-tō͘, tī hia kā in chhì-liān. | 註釋 串珠 盧俊義 盧華 盧導讀台 |
| 15:26 | Koh kóng, " Lí nā tì-ì thiaⁿ Siōng-chú — lí ê Siōng-tè ê siaⁿ, koh kiâⁿ I só͘ khòaⁿ-chò ha̍p-gî ê tāichì, chù-ì thiaⁿ I ê kài-bēng, siú I it-chhè ê lu̍t-lē, góa hō͘ Ai-gi̍p lâng só͘ tú-.tio̍h ê phòa-pēⁿ, chiū it-tēng bô hō͘ lí tú-.tio̍h, in-ūi Góa sī kā lí i-tī ê Siōng-chú. " | 註釋 串珠 盧俊義 盧華 盧導讀台 |
| 15:27 | In lâi-kàu E-lîm, tī hia ū cha̍p-jī-ê chúi-chôaⁿ, chhit-cha̍p châng ê chó chhiū, in chiū tī hia ê chúi piⁿ chat iâⁿ. | 註釋 串珠 盧俊義 盧華 盧導讀台 |