| 章節 | 全民台語聖經全羅經文 | 註釋 |
| 5:1 | Ai-kiû Liân-bínSiōng-chú ah, kiû Lí kì-liām goán só͘ tú-.tio̍h ê tāichì; khòaⁿ goán só͘ siū ê lêng-jio̍k, kiû Lí lâi kàm-chhat hit-ê lêng-jio̍k. | 註釋 串珠 盧導讀台 |
| 5:2 | Goán ê sán-gia̍p kui tī gōa-pang lâng, goán ê chhù-the̍h kui tī pa̍t cho̍k. | 註釋 串珠 盧導讀台 |
| 5:3 | Goán sī bô lāu-pē ê ko͘-jî, goán ê lāu-bú chhin-chhiūⁿ kóaⁿ-hū. | 註釋 串珠 盧導讀台 |
| 5:4 | Goán tio̍h chhut gîn chiah ū chúi thang lim, goán hiâⁿ chhâ mā tio̍h bé chhâ. | 註釋 串珠 盧導讀台 |
| 5:5 | Jiok goán ê chhi̍h tio̍h goán ê ām-kún; goán ià-siān, bē tàng hioh-khùn. | 註釋 串珠 盧導讀台 |
| 5:6 | Goán tâu-hâng Ai-gi̍p lâng kah A-siul lâng, sī ūi tio̍h beh tit tio̍h bí-niûⁿ thang chia̍h pá. | 註釋 串珠 盧導讀台 |
| 5:7 | Goán ê chó͘-sian hoān chōe, taⁿ in sí-.khì à; goán tio̍h tam-tng in ê chōe-kò. | 註釋 串珠 盧導讀台 |
| 5:8 | Lô͘-po̍k kā goán koán-hat, bô lâng kiù goán thoat-lī in ê chhiú. | 註釋 串珠 盧導讀台 |
| 5:9 | Goán piàⁿ sèⁿ-miā lâi tit tio̍h bí-niûⁿ, in-ūi ū to-kiàm tī khòng-iá. | 註釋 串珠 盧導讀台 |
| 5:10 | Goán ê phôe-hu o͘ kah chhin-chhiūⁿ hóe-lô͘, in-ūi ki-hng lâi hoat-jia̍t. | 註釋 串珠 盧導讀台 |
| 5:11 | In tī Si-óng kiông-kan chabó͘ lâng, í-ki̍p Iô-tah chiahê siâⁿ ê chāi-sek-lí. | 註釋 串珠 盧導讀台 |
| 5:12 | In pa̍k hiahê kùi-cho̍k ê chhiú, kā in tiàu lī tē; kìⁿ tio̍h láu-tōa ê bīn, mā bô chun-kèng. | 註釋 串珠 盧導讀台 |
| 5:13 | Siàu-liân lâng kng chio̍h-bō, gín'á taⁿ chhâ, tì-sú poa̍h-tó. | 註釋 串珠 盧導讀台 |
| 5:14 | Lāu lâng bô koh chē tī siâⁿ mn̂g-kháu, siàu-liân lâng bô koh chàu ga̍k. | 註釋 串珠 盧導讀台 |
| 5:15 | Goán ê sim khoài-lo̍k í-keng soah, goán ê thiàu-bú piàn-chò pi-ai. | 註釋 串珠 盧導讀台 |
| 5:16 | Goán thâu-khak téng ê bián-liû ka-la̍uh, goán ū chai-hō ah! In-ūi goán ū hoān chōe. | 註釋 串珠 盧導讀台 |
| 5:17 | In-ūi ánne, goán ê sim hūn-.khì, in-ūi ánne, goán ê ba̍k-chiu hoe. | C註釋 註釋 串珠 盧導讀台 |
| 5:18 | Sī ūi tio̍h Si-óng soaⁿ pha-hng, soaⁿ-káu tī hit téng-bīn kiâⁿ-iû. | 註釋 串珠 盧導讀台 |
| 5:19 | Siōng-chú ah, Lí sī éng-oán chûn-chāi; Lí ê pó-chō tāi-tāi bô soah. | 註釋 串珠 盧導讀台 |
| 5:20 | Lí ná ē éng-oán bē kì-tit goán? Ná ē khì-sak goán kàu hiah kú? | 註釋 串珠 盧導讀台 |
| 5:21 | Siōng-chú ah, kiû Lí hō͘ goán oa̍t tńg-lâi kui Lí, goán chiū oa̍t tńg-.lâi. Kiû Lí kā goán ê ji̍t-chí ōaⁿ sin, chhin-chhiūⁿ chá-sî ánne. | 註釋 串珠 盧導讀台 |
| 5:22 | Kám kóng Lí beh oân-choân khì-sak goán, siū-khì goán kàu-ke̍k? | 註釋 串珠 盧導讀台 |