| 章節 | 全民台語聖經全羅經文 | 註釋 |
| 4:1 | I-che-kel Ī-giân Ê-lú-sa-lèm Siū Ûi-khùn" Jîn-chú, lí tio̍h the̍h chi̍t tè chng-á, hē tī lí ê bīn-chêng; tī hit téng-bīn ōe Ê-lú-sa-lèm siâⁿ. | 註釋 串珠 盧俊義 盧導讀台 |
| 4:2 | Koh kā i ûi-khùn, khí thô͘-tui lâi kong-kek i, tī sì-kho͘-ûi an-siat tōa thûi kong-kek i. | 註釋 串珠 盧俊義 盧導讀台 |
| 4:3 | Koh tio̍h the̍h thih-pán, hē tī lí kah siâⁿ ê tiong-kan lâi chún-chò thih-chhiûⁿ; lí ê bīn tiāⁿtiāⁿ ǹg i, hō͘ siâⁿ siū ûi-khùn, lí koh kian-chhî kā i ûi-khùn. Che thang tī I-su-la-el ê chú-bîn chò tiāu-thâu. | 註釋 串珠 盧俊義 盧導讀台 |
| 4:4 | " Lí tio̍h khi tò pêng tó-.leh, tam-tng I-su-la-el ê chú-bîn ê chōe; chiàu lí khi tò pêng tó-.leh ê ji̍t gōa chē, lí tam-tng in ê chōe mā sī hiah chē. | 註釋 串珠 盧俊義 盧導讀台 |
| 4:5 | Góa kā in hoān chōe ê nî, hō͘ lí ēng ji̍t ê sò͘-gia̍h lâi tú, to̍h-sī saⁿ pah káu-cha̍p kang; lí chiàu ánne lâi tam-tng I-su-la-el ê chú-bîn ê chōe-kò. | 註釋 串珠 盧俊義 盧導讀台 |
| 4:6 | Lí í-keng móa chiahê ji̍t, tio̍h koh khi chiàⁿ pêng tó-.leh, tam-tng Iô-tah ê chú-bîn ê chōe-kò, Góa kā lí hān sì-cha̍p kang, chi̍t ji̍t tú chi̍t nî. | 註釋 串珠 盧俊義 盧導讀台 |
| 4:7 | " Só͘-í, lí ê bīn tio̍h tiāⁿtiāⁿ ǹg siū ûi-khùn ê Ê-lú-sa-lèm, chhiú-ńg pih khí-.lâi, kóng ī-giân lâi kong-kek chit-ê siâⁿ. | 註釋 串珠 盧俊義 盧導讀台 |
| 4:8 | Lí khòaⁿ, Góa beh ēng soh-á hē tī lí ê sin chiūⁿ, tì-sú lí bē tàng hoan kòe-pêng, kàu lí ûi-khùn siâⁿ ê ji̍t móa ûi-chí. | 註釋 串珠 盧俊義 盧導讀台 |
| 4:9 | " Lí tio̍h the̍h sió-be̍h, tōa-be̍h, tāu-á, âng-tāu, sé-á kah chho͘-be̍h, té tī chi̍t-ê khì-kū lāi; ūi tio̍h kakī ēng i lâi chò piáⁿ, chiàu lí tò thán-khi ê ji̍t ê sò͘-gia̍h, to̍h-sī saⁿ pah káu-cha̍p kang, lí tio̍h chia̍h hiahê piáⁿ. | 註釋 串珠 盧俊義 盧導讀台 |
| 4:10 | Lí só͘ chia̍h ê chia̍h-mi̍h tio̍h chiàu chhìn tāng, ta̍k ji̍t chia̍h jī-cha̍p si-khel, chiàu-sî lâi chia̍h. | 註釋 串珠 盧俊義 盧導讀台 |
| 4:11 | Lí lim chúi mā tio̍h chiàu niû, ta̍k ji̍t chi̍t hin ê la̍k-hūn chi-it, chiàu-sî lâi lim. | 註釋 串珠 盧俊義 盧導讀台 |
| 4:12 | Lí chia̍h chit-ê piáⁿ, chhin-chhiūⁿ chia̍h tōa-be̍h piáⁿ, tio̍h ēng lâng só͘ pàng ê pùn chò jiân-liāu, tī kûn-chiòng ê ba̍k-chiu chêng lâi piak. " | 註釋 串珠 盧俊義 盧導讀台 |
| 4:13 | Siōng-chú kóng, " I-su-la-el lâng tī Góa só͘ kóaⁿ in khì-kàu ê lia̍t kok tiong, mā it-tēng tio̍h ánne chia̍h bô chheng-khì ê piáⁿ. " | 註釋 串珠 盧俊義 盧導讀台 |
| 4:14 | Góa kóng, " Ai-ah! Chì-koân Siōng-chú ah, góa pêng-sî m̄ bat bak tio̍h lahsap, tùi sè-hàn kàu taⁿ, m̄ bat chia̍h kakī sí ê á-.sī hō͘ iá-siù thiah-li̍h ê hiahê khó-ò͘ⁿ ê bah, mā m̄ bat ji̍p tī góa ê chhùi. " | 註釋 串珠 盧俊義 盧導讀台 |
| 4:15 | Chiū ánne, Siōng-tè tùi góa kóng, " Lí khòaⁿ, Góa hō͘ lí ēng gû-sái lâi thè lâng ê pùn chò jiân-liāu, lí tio̍h kā lí ê piáⁿ tī hit téng-bīn lâi piak. " | 註釋 串珠 盧俊義 盧導讀台 |
| 4:16 | I koh tùi góa kóng, " Jîn-chú, lí khòaⁿ, Góa beh tī Ê-lú-sa-lèm toān-choa̍t in só͘ óa-khò ê bí-niûⁿ. In chia̍h piáⁿ tio̍h chiàu chhìn, chún-chat lâi chia̍h; lim chúi mā tio̍h chiàu niû, tio̍h-kiaⁿ kah gāng-khì lâi lim. | 註釋 串珠 盧俊義 盧導讀台 |
| 4:17 | Hō͘ in khiàm-khoeh piáⁿ kah chúi, chò-hóe tio̍h-kiaⁿ kah gāng-.khì, koh tī in ê chōe-kò lâi siau-bia̍t. " | 註釋 串珠 盧俊義 盧導讀台 |