| 章節 | 全民台語聖經全羅經文 | 註釋 |
| 6:1 | Siōng-chú Chek-pī Pài Ngó͘-siōngSiōng-chú ê ōe lîm-kàu góa kóng, | 註釋 串珠 盧俊義 盧導讀台 |
| 6:2 | " Jîn-chú, lí tio̍h bīn ǹg I-su-la-el chiahê soaⁿ, lâi tùi in soan-pò͘, | 註釋 串珠 盧俊義 盧導讀台 |
| 6:3 | kóng: I-su-la-el chiahê soaⁿ, lín tio̍h thiaⁿ chì-koân Siōng-chú ê ōe. Chì-koân Siōng-chú tùi tōa soaⁿ, sió soaⁿ, chúi-kau, soaⁿ-kok ánne kóng: Lí khòaⁿ, Góa, Góa beh ēng to-kiàm lîm-kàu lín, mā beh húi-bia̍t lín ê soaⁿ-thâu tôaⁿ. | 註釋 串珠 盧俊義 盧導讀台 |
| 6:4 | Lín ê chè-tôaⁿ it-tēng ē hong-hùi, lín ê ji̍t-thâu siōng ê thiāu ē siū phah-chhùi; Góa beh hō͘ lín siū thâi ê lâng tó tī lín ê ngó͘-siōng ê bīn-chêng. | 註釋 串珠 盧俊義 盧導讀台 |
| 6:5 | Góa mā beh kā I-su-la-el cho̍k ê sin-si hē tī in ê ngó͘-siōng ê bīn-chêng, kā lín ê kut-thâu sì-kè hiat tī lín ê tôaⁿ ê sì-kho͘-ûi. | 註釋 串珠 盧俊義 盧導讀台 |
| 6:6 | Tī lín só͘-ū tòa ê só͘-chāi, siâⁿ ē pha-hng, soaⁿ-thâu tôaⁿ ē hong-hùi; hō͘ lín ê chè-tôaⁿ pha-hng, hong-hùi, lín ê ngó͘-siōng siū phah-chhùi bia̍t-bông, lín ê ji̍t-thâu siōng ê thiāu ē hông chhò lo̍h-.lâi, lín ê só͘ chò lóng ē hòe-bô. | 註釋 串珠 盧俊義 盧導讀台 |
| 6:7 | Siū thâi ê lâng ē tó tī lín tiong-kan, lín chiū ē chai Góa sī Siōng-chú. | 註釋 串珠 盧俊義 盧導讀台 |
| 6:8 | " Lín sì-sòaⁿ tī lia̍t kok ê sî, Góa beh tī lia̍t pang tiong hō͘ só͘ chhun lo̍h-.lâi ê lâng thoat-lī to-kiàm. | 註釋 串珠 盧俊義 盧導讀台 |
| 6:9 | Lín tiong-kan tit tio̍h thoat-lī ê lâng ē tī in siū lia̍h-.khì ê lia̍t kok tiong kì-liām Góa, in-ūi Góa beh húi-hoāi in ūi tio̍h îm-loān lâi lī-khui Góa ê sim, í-ki̍p in loân-ài ngó͘-siōng ê ba̍k-chiu; in ē ūi tio̍h só͘ kiâⁿ ê pháiⁿ kah khó-ò͘ⁿ ê tāichì, lâi oàn-hūn kakī. | 註釋 串珠 盧俊義 盧導讀台 |
| 6:10 | In ē chai Góa sī Siōng-chú; Góa kóng beh kàng chai-hō hō͘ in, m̄-sī khang-khang ê ōe. | 註釋 串珠 盧俊義 盧導讀台 |
| 6:11 | " Chì-koân Siōng-chú ánne kóng: Lí tio̍h phah chhiú tǹg kha, kóng: Chhám ah! I-su-la-el ê chú-bîn kiâⁿ it-chhè khó-ò͘ⁿ ê pháiⁿ tāi; in ē tùi to-kiàm, tùi ki-hng, tùi un-e̍k lâi sí. | 註釋 串珠 盧俊義 盧導讀台 |
| 6:12 | Tòa tī hn̄g ê lâng ē tùi un-e̍k lâi sí; tòa tī kīn ê lâng ē tùi to-kiàm lâi sí; lâu-.leh siū ûi-khùn ê lâng ē tùi ki-hng lâi sí; ánne Góa beh tī in ê sin chiūⁿ choân-pō͘ chiâⁿ Góa siū-khì só͘ beh chò ê tāichì. | 註釋 串珠 盧俊義 盧導讀台 |
| 6:13 | In siū thâi ê lâng tó tī in chè-tôaⁿ sì-kho͘-ûi ê ngó͘-siōng tiong, to̍h-sī ta̍k-ê koân soaⁿ, ta̍k-ê soaⁿ téng, ta̍k-ê chheⁿ chhiū ê chhiū kha, ta̍k-ê ām-ām ê siōng chhiū kha, to̍h-sī in hiàn phang-phang ê chè-sū hō͘ só͘-ū ngó͘-siōng ê só͘-chāi. Hit sî, lín to̍h ē chai Góa sī Siōng-chú. | 註釋 串珠 盧俊義 盧導讀台 |
| 6:14 | Góa beh chhun Góa ê chhiú kā in kong-kek, hō͘ in tòa ê só͘-chāi pha-hng, hi-bî, tùi khòng-iá kàu Ti-bu-la̍h, in to̍h ē chai Góa sī Siōng-chú. " | 註釋 串珠 盧俊義 盧導讀台 |