| 章節 | 全民台語聖經全羅經文 | 註釋 |
| 8:1 | Ê-lú-sa-lèm Siâⁿ-.ni̍h ê Pài Ngó͘-siōngTē-la̍k nî la̍k-goe̍h chhe gō͘, góa chē tī góa ê chhù lāi, Iô-tah chiahê tiúⁿ-ló chē tī góa ê bīn-chêng. Tī hia, chì-koân Siōng-chú ê chhiú lîm-kàu tī góa ê sin chiūⁿ. | 註釋 串珠 盧俊義 盧導讀台 |
| 8:2 | Góa koan-khòaⁿ, khòaⁿ tio̍h ū hêng-siōng chhin-chhiūⁿ hóe ê khoán-sit, tùi I ê io í-hā ê khoán-sit ū hóe, tùi I ê io í-siōng sī kng-kng ê khoán-sit, chhin-chhiūⁿ hó͘-phek ê sek-tì. | 註釋 串珠 盧俊義 盧導讀台 |
| 8:3 | I chhun-chhut chhin-chhiūⁿ chi̍t ki chhiú ê khoán, khiú-tiâu góa chi̍t kó͘ ê thâu-mn̂g; sîn-lêng chiū kā góa kí-khí kàu thiⁿ kah tē ê tiong-kan, tī Siōng-tè ê ī-siōng tiong, chhōa góa kàu Ê-lú-sa-lèm, ǹg pak ê lāi-īⁿ mn̂g-kháu, tī hia ū chi̍t-tò͘ ê ngó͘-siōng chō-ūi, to̍h-sī kek-tōng chi̍t-tò͘ ê. | 註釋 串珠 盧俊義 盧導讀台 |
| 8:4 | Lí khòaⁿ, tī hia ū I-su-la-el Siōng-tè ê êng-kng, khoán-sit kah góa tī pêng-goân só͘ khòaⁿ-.tio̍h ê sio-siâng. | 註釋 串珠 盧俊義 盧導讀台 |
| 8:5 | Siōng-tè tùi góa kóng, " Jîn-chú, lí gia̍h thâu ǹg pak-hong ê lō͘ koan-khòaⁿ. " Góa chiū gia̍h thâu ǹg pak-hong ê lō͘ koan-khòaⁿ, lí khòaⁿ, tī chè-tôaⁿ mn̂g ê pak pêng, tī mn̂g-kháu ū chi̍t-ê kek-tōng chi̍t-tò͘ ê ngó͘-siōng. | 註釋 串珠 盧俊義 盧導讀台 |
| 8:6 | Siōng-tè koh tùi góa kóng, " Jîn-chú, lí kám ū khòaⁿ tio̍h in só͘ chò ê? Chiū-sī I-su-la-el ê jîn-bîn tī chia só͘ kiâⁿ tōa khó-ò͘ⁿ ê tāichì, hō͘ Góa lī-khui Góa ê sèng-só͘ hn̄g-hn̄g. Chóng-.sī, lí koh khòaⁿ, iáu ū koh khah tōa khó-ò͘ⁿ ê tāichì. " | 註釋 串珠 盧俊義 盧導讀台 |
| 8:7 | I chhōa góa kàu īⁿ ê mn̂g. Góa koan-khòaⁿ, khòaⁿ tio̍h chhiûⁿ-piah ū chi̍t-ê khang. | 註釋 串珠 盧俊義 盧導讀台 |
| 8:8 | I tùi góa kóng, " Jîn-chú, lí tio̍h iah chhiûⁿ. " Góa chi̍t-ē iah chhiûⁿ, khòaⁿ tio̍h ū chi̍t-ê mn̂g. | 註釋 串珠 盧俊義 盧導讀台 |
| 8:9 | I kā góa kóng, " Lí ji̍p-.khì, khòaⁿ in tī hit lāi-bīn só͘ kiâⁿ khó-ò͘ⁿ ê pháiⁿ tāi. " | 註釋 串珠 盧俊義 盧導讀台 |
| 8:10 | Góa chiū ji̍p-khì khòaⁿ, lí khòaⁿ, tī sì-bīn ê chhiûⁿ-piah, ōe ta̍k chióng ē sô ê mi̍h kah khó-ò͘ⁿ ê cháu-siù, í-ki̍p I-su-la-el ê chú-bîn it-chhè ê ngó͘-siōng. | 註釋 串珠 盧俊義 盧導讀台 |
| 8:11 | Tī chiahê ngó͘-siōng ê bīn-chêng, ū I-su-la-el ê chú-bîn chhit-cha̍p-ê tiúⁿ-ló khiā-.leh, Sia-hóaⁿ ê kiáⁿ Ia-cha-niah mā khiā tī in tiong-kan. Ta̍k lâng ê chhiú the̍h hiuⁿ-lô͘, hiuⁿ-ian ê phang-bī chhèng chiûⁿ koân. | 註釋 串珠 盧俊義 盧導讀台 |
| 8:12 | I tùi góa kóng, " Jîn-chú, I-su-la-el ê chú-bîn ê tiúⁿ-ló, tī àm-tiong, tī in ta̍k lâng ōe-siōng ê pâng-keng lāi só͘ kiâⁿ ê, lí ū khòaⁿ tio̍h bô? In-ūi in kóng, ' Siōng-chú bô khòaⁿ tio̍h goán, Siōng-chú í-keng lī-khui chit-ê tē. '" | 註釋 串珠 盧俊義 盧導讀台 |
| 8:13 | Siōng-chú koh tùi góa kóng, " Lí ē koh khòaⁿ tio̍h in ê só͘ kiâⁿ, iáu ū koh khah tōa khó-ò͘ⁿ ê tāichì. " | 註釋 串珠 盧俊義 盧導讀台 |
| 8:14 | I chhōa góa kàu Siōng-chú ê tiān ǹg pak ê mn̂g-kháu. Lí khòaⁿ, tī hia ū chabó͘ lâng chē-.leh, ūi tio̍h Tam-mù-chuh sîn （ Chù, Ba-bú-lông ê sîn-bêng. ） thî-khàu. | 註釋 串珠 盧俊義 盧導讀台 |
| 8:15 | Siōng-chú tùi góa kóng, " Jîn-chú, lí ū khòaⁿ tio̍h bô? Lí iáu ē khòaⁿ tio̍h pí che koh khah khó-ò͘ⁿ ê tāichì. " | 註釋 串珠 盧俊義 盧導讀台 |
| 8:16 | I koh chhōa góa kàu Siōng-chú ê tiān ê lāi-īⁿ. Lí khòaⁿ, tī Siōng-chú ê tiān mn̂g, mn̂g-lông kah chè-tôaⁿ ê tiong-kan, chha-put-to ū jī-cha̍p gō͘-ê lâng, kha-chiah-phiaⁿ ǹg Siōng-chú ê tiān, bīn ǹg tang, in mā ǹg tang pài ji̍t-thâu siōng. | 註釋 串珠 盧俊義 盧導讀台 |
| 8:17 | Siōng-chú tùi góa kóng, " Jîn-chú, lí ū khòaⁿ tio̍h bô? Iô-tah ke tī chia kiâⁿ chit-ê khó-ò͘ⁿ ê tāichì, kám iáu sǹg-chò sī sió-khóa? In tī chit-ê só͘-chāi piàn kiâⁿ kiông-pō, chài-saⁿ kek Góa siū-khì; lí khòaⁿ, in gia̍h chhiū-ki hē tī in ê phīⁿ-khang chêng. | 註釋 串珠 盧俊義 盧導讀台 |
| 8:18 | In-ūi ánne, Góa mā beh kiâⁿ Góa ê tōa siū-khì, Góa ê ba̍k-chiu bô beh thiàⁿ-sioh in, Góa mā bô beh khó-liân in; in sûi-jiân ǹg Góa ê hīⁿ-khang tiong tōa-siaⁿ kiû-kiò, Góa iû-goân m̄-thiaⁿ. " | 註釋 串珠 盧俊義 盧導讀台 |