| 章節 | 全民台語聖經全羅經文 | 註釋 |
| 9:1 | Ê-lú-sa-lèm Siū Têng-hoa̍tI ǹg góa ê hīⁿ-khang tōa-siaⁿ hoah, " Tio̍h kiò hiahê koán chit-ê siâⁿ ê lâng lâi, ta̍k lâng ê chhiú tio̍h gia̍h bia̍t sèⁿ-miā ê ke-si. " | 註釋 串珠 盧俊義 盧導讀台 |
| 9:2 | Hut-jiân ū la̍k-ê lâng tùi ǹg pak ê téng mn̂g hit tiâu lō͘ lâi, ta̍k lâng chhiú gia̍h thâi lâng ê ke-si; kî-tiong ū chi̍t-ê lâng chhēng iù-tē saⁿ, io-.ni̍h kòa ba̍k-ô͘; in ji̍p-.khì, khiā tī tâng-tôaⁿ ê piⁿ-á. | 註釋 串珠 盧俊義 盧導讀台 |
| 9:3 | I-su-la-el Siōng-tè ê êng-kng, pún-lâi sī tī ki-lō͘-peng ê téng-bīn; taⁿ tùi hia chiūⁿ-.khì, sóa kàu tiān ê hō͘-tēng. I kiò hit-ê chhēng iù-tē saⁿ, io-.ni̍h kòa ba̍k-ô͘ ê lâng lâi. | 註釋 串珠 盧俊義 盧導讀台 |
| 9:4 | Siōng-chú tùi i kóng, " Lí khì piàn kiâⁿ tī siâⁿ lāi, to̍h-sī piàn kiâⁿ Ê-lú-sa-lèm ê tiong-kan; kiàn-nā ūi tio̍h siâⁿ lāi só͘ kiâⁿ it-chhè khó-ò͘ⁿ ê tāichì, lâi thó͘-khùi ai-ai kiò ê lâng, chiū tī i ê thâu-hia̍h chò kì-hō. " | 註釋 串珠 盧俊義 盧導讀台 |
| 9:5 | Góa ê hīⁿ-khang tiong thiaⁿ tio̍h I tùi kî-tha ê lâng kóng, " Tio̍h tòe i khì piàn kiâⁿ choân siâⁿ, lâi thâi-sí-lâng; lín ê ba̍k-chiu m̄ thang thiàⁿ-sioh, lín mā m̄ thang khó-liân in. | 註釋 串珠 盧俊義 盧導讀台 |
| 9:6 | Tio̍h thâi-sí choân-pō͘ ê lāu lâng, siàu-liân lâng, chāi-sek-lí, eⁿ-á kah chabó͘ lâng, mā tio̍h tùi Góa ê sèng-só͘ thâi khí, chóng-.sī, kiàn-nā ū kì-hō ê, m̄ thang kīn-óa i. " Chiū ánne, in chiū tùi tiān chêng ê tiúⁿ-ló thâi khí. | 註釋 串珠 盧俊義 盧導讀台 |
| 9:7 | Siōng-tè tùi in kóng, " Tio̍h kā chit keng tiān òe lahsap, hō͘ īⁿ lāi chhiong-móa siū thâi ê lâng. Lín tio̍h chhut-.khì! " In chiū chhut-.khì, tī siâⁿ lāi thâi-sí-lâng. | 註釋 串珠 盧俊義 盧導讀台 |
| 9:8 | In khì thâi lâng ê sî, chhun góa tī hia; góa chiū phak tī thô͘-kha, tōa-siaⁿ hoah, " Hāiⁿ ah, chì-koân Siōng-chú ah, Lí kā tōa siū-khì piàⁿ tī Ê-lú-sa-lèm, kám sī beh kā I-su-la-el lâng choân-pō͘ bia̍t-bông? " | 註釋 串珠 盧俊義 盧導讀台 |
| 9:9 | I chiū tùi góa kóng, " I-su-la-el ê chú-bîn kah Iô-tah ke ê chōe-kò hui-siông tāng. Choân tē ū lâu hoeh ê tāichì, móa siâⁿ ū oan-óng, in-ūi in kóng, ' Siōng-chú í-keng lī-khui chit-ê tē, Siōng-chú bô teh khòaⁿ. ' | 註釋 串珠 盧俊義 盧導讀台 |
| 9:10 | Só͘-í, Góa ê ba̍k-chiu bô beh thiàⁿ-sioh, Góa mā bô beh khó-liân in; beh chiàu in só͘ kiâⁿ ê, tī in ê thâu-khak téng pò-èng. " | 註釋 串珠 盧俊義 盧導讀台 |
| 9:11 | Lí khòaⁿ, hit-ê chhēng iù-tē saⁿ, io-.ni̍h kòa ba̍k-ô͘ ê lâng kā chit-ê tāichì hôe-hok kóng, " Góa í-keng chiàu Lí só͘ hoan-hù ê kiâⁿ à. " | 註釋 串珠 盧俊義 盧導讀台 |